Yohanese 19:29 - Ma Jou ai Demo-demo o Totobelohoka

²⁹ De naga genangoka o mangko moi de o angguru ma suka-suka. Ho yaleino o pahi ma diburu abe ka idadi afifihi ma teongo gea de atonouku o angguru ma suka-sukauku gea. De gea yodiai ibooto de ahao ma diburu gea yatobeika de o gota o hisopo ma jaga de ahao iwihitaanaiye o Yesusu ai uruiye.

Yohanese 19:29 ပူးပေါင်းရင်းမြစ်များ

1 Kokoano 4:33

De to una ai tobahioriki duru o fara moi hiadono una wakunu wahitararono de wadotoko o nyawaika ma titi o gota de o datomo irupa-rupa ma ngoe. Abe ngaro o gota duru ikokurutiye gea abe iwangoiye o Libanono ma tonakoka ka hiadono o datomo duru ma hohumuduru o hisopo abe ka idadi iwango o dadaduhu ma doongaka masara ka idadi wahingahu ma titi gea mata-mata. De ai sosawaro ma titi o aewani de o totaleo de o nawoko mata-mata, enangoo duru ilamoko ho ka idadi ai tobahioriki gea wahikodoku o nyawaika.

Higiriiri 51:7

Duru tomatoduba de tonganono la Ngona Ma Jou nohihitebini ahi howonino, Ngaro de o huhuba ma awunu napake la ahi peseke nohihihanga. Nohihiohiki ngohi hoka ona abe yapado nahitebini manga panyakeino, De ahao to ngohi ahi medebini imaketero hoka o gotoaka ma gogo ma magarehe.

Huhupu 12:22

De nia domba ma awunu niatakunu o bokoluku de gea ena niapake la nia dodunguu abe nia totilakuru ma domba niatomaka. Ho nia gegehe nimale o hisopo ma jagaino de ena gea niatono-tonouku nia bokolo homoi-homoiuku de ahao nia domba ma awunu gea nihiehe nia ngorana ma liateiye arihonongaiye de dakea ma dukurino. De o futu moiino gea ufa ngini nihupu nia tauino ka hiadono o ngorumino o wange ipotokaiha.

Matiusu 27:34

De yomahiadonikaka de ma tentara ato o Yesusu iwihidoaka o angguru ma teongo ma gohaka abe ihikasapuroka de o mirimi abe duru imali la ato ma odiri ikuranga. Masara ka de o Yesusu wamao ai uruoka de woluku ho ko wokerua.

Matiusu 27:48

De womatengo womapopaata de o pahi ma diburu o fara moi wale abe ka idadi o akere ahiihi de watono o angguru ma suka-sukauku de ahao watobeika de o gota de wihitaanaiye o Yesusu ai uruiye.

Matiusu 27:50

De ahao o Yesusu ka wopoakohi de ai ilingi ma amokiye de gea ai ngomaha itoakoka.

Maruku 15:36

De womatengo womapopaata de o pahi ma diburu o fara moi wale abe ka idadi o akere ahiihi de watonoka o angguru ma suka-sukauku de ahao watobeika de o gota de wihitaanaiye o Yesusu ai uruiye. De wihitaanaiye ibooto de ahao ai dodiawoika wataere wato, “Abeika ibootohi hiruwae, la ka hilega-lega dika, boteua de done o Elia woboa de o gotauku naa wihiguti.”

Lukasa 23:36

De o tentara ma nyawa onangoo iwihohedu. Ho yomahitigi Unangika la iwihidoaka o angguru ma teongo ma gohaka abe ma suka-suka ho ko irahaiua ma angguru gea.