Yohanese 19:27 - Ma Jou ai Demo-demo o Totobelohoka

²⁷ De ahao witemo winii-niikika gea wato, “Olo, nomigoana nomihidodiai hoka to ngona ma hirete ngoni meme.” Ho duru ma oraha gea de o Yesusu ngoi meme o Yohanese womiao to una ai tauika la ka idadi mogogere genangoka.

Yohanese 19:27 ပူးပေါင်းရင်းမြစ်များ

Dodadi 45:8

Igoungu, ko nginiua nihihidingoto ngohi nenangino masara Ma Jou wohihidingotino. De Una wohihidadi la ngohi naa o Firaunu duru wohingaku imaketero hoka o ngofaka wingaku ai babaika. Hokogea Ma Jou wohihidadi o hihira o Mesiiri ma tonakoka naa hiadono manga popareta mata-mataika ahi kuahaka ka hiadono o Firaunu ai tauikaoo igogere to ngohi ahi hiaturoka.”

Dodadi 47:12

De o Yusupu una ka ihikaika wahidailakoo to ona manga inomo la yakokiwedono abe ai hiaturu aniiki manga ngoe o tau homoi-homoiika la manga ngofa-ngofaka yakokiwedono manga inomo. Hokogea wakokipaliara itiai.

Matiusu 25:40

“De ahao Ngohi manga Koano tahingahu onangika tato, ‘Masara ma dihiraino de naga ma oraha abe ngini niaduhunoka to Ngohi ahi nyawa-nyawaika ma oraha abe naga manga perelu. De naa tagou-goungu tinihingahu abe nako niaduhunoka to Ngohi ahi nyawaika onagona dika de gea taetongo imaketero hoka ngini nihiduhunoka Ngohi naa. Abe ngaro ahi nyawa abe manga gogere ka itipokouku de onangika niaduhunu, gea imaketero Ngohi naa ma hirete ngini nihiduhunoka!’”

Maruku 3:34

Wotemo hokogea de ahao womalega arihonongaika, onangika abe naga yogogere iwihigilolitino, de wato, “Ngini naa tinihiromanga abe to Ngohi ngohi meme de ngini naa to Ngohi ahi doo-dodoto.

Lukasa 18:28

De ahao o Peturusu wotemo o Yesusika wato, “Ho abeika ngomi naa angamoi ko mikayaua. Mata-mata mianoaka la mininii-niiki Ngona! Ho done to ngomi mia utumu ahao hokokia miamake?”

Yohanese 1:11

Ho Una woboa ai tonakino, masara ona abe ai tonakoka yogogere, o Yahudi ma nyawa, ona gea ko manga ngoe ko iwidafongua.

Yohanese 16:32

Ma naa nitotoihene e? Ahao naga ma oraha, iya, igoungu ma oraha gea adonoka, abe ngini ahao nimahikabarihi hiadono nikokilio nia kokitauika. De Ngohi ahao nihinoaika hiadono duru tomatengoka. Masara gea igoungu, ko tomatengoua angamoi ka ihikaika ahi Baba naga Ngohioka.”

Hidingoto 21:6

De mimaniata ipahaino de ahao mimakitingaka, angamoi ngomi o kapa mifarene de ona yokokilio manga tau-tauiha.