Yohanese 19:19 - Ma Jou ai Demo-demo o Totobelohoka

¹⁹ De o Pilatusu wahitulihi ma titi o Yesusu ai hohowono de ma dodunguu gea yodiai ibooto de ahao ihidapakuika daku o Yesusu ai gotaka. De wohitulihi ma dodunguuoka wato, “O YESUSU O NASARETINO, UNA O YAHUDI MA NYAWA MANGA KOANO.”

Yohanese 19:19 ပူးပေါင်းရင်းမြစ်များ

Matiusu 2:23

De genangoka ona yogogere o Nasarete ma kapongoka. De hokogea hiadono idadi abe ma dodihiraka Ma Jou ai uru ma dodofanga inahingahuoka abe ona yotemo ma titi o Koano abe Ma Jou wonahibehehongoka. De manga demo gea ihitulihukuokau ato, “Una gea ahao iwifetongo o Nasarete ma nyawa.” De itiai iwihiromanga hokogea angamoi o Yesusu wodalamoko genangoka ho una wodadioka o Nasarete ma nyawa imaketero hoka ma dodihiraka Ma Jou wotemoka.

Matiusu 27:37

De dakea o gota isosalioainoka de naga ma dulihi o hingahu ma demo abe tanu yahingahu o nyawaika ma titi o nyawa gea manga howono o kia naga la hiadono o hohonenge yadaene. Masara abe to Yesusu ai lokuiye itemo ato, “NAA O YESUSU, O YAHUDI MA NYAWA MANGA KOANO.”

Maruku 15:26

De dakea o gota isosalioainoka naga atulihika o hingahu ma demo. De tanu ma demoino de yahingahu manga howono o kia naga la hiadono ato yahohonenge, masara to Yesusu itemo ato, “O YAHUDI MA NYAWA MANGA KOANO.”

Lukasa 18:37

De naga iwihingahu abe o Nasarete ma kapongino ma nyawa ai romanga o Yesusu, Una naga woboa ma ngekomino gea.

Lukasa 23:38

De dakea o gota isosalioainoka naga atulihika o Yesusu ai lokuiye o hingahu ma demo abe itemo ato, “UNA NAA O YAHUDI MA NYAWA MANGA KOANO.”

Yohanese 1:49

O Yesusu ai demo gea woihene de o Natanele wohidemo de ai heranga ma demo wato, “Mia Guru, gea mata-mata nohioriki e? Ngona igoungu Ma Jou ai Ngofaka. Ngona o Isiraele ma nyawa manga Koano!”

Yohanese 18:33

Ho ka de ona yotemo hokogea de o Pilatusu wowohamoka ma tauika gea de ahao o Yesusu wibehehongo. Ho o Yesusu ahao woboa o Pilatusika de o Pilatusu wileha Unangika wato, “Igoungu, Ngona o Yahudi ma nyawa manga koano?”

Yohanese 19:12

Ka de o Pilatusu woihene o Yesusu ai demo gea de wolingiri ma ngekomo la wato o Yesusu wihiluasa ai kangelaino. Ma ka de wohupuoli o tauino de o Yahudi ma nyawa ihigali-gali yopoa-poaka iwihihawana unangika ato, “Unangoo hoka womahidadioka ti nginioo nia koano ho Una o Kaisara ai musu. Ho done sarakia de ngona nato noigo la o Yesusu gea nihiluasa?”

Yohanese 19:14

De gea ngade-ngade o wange ikorona abe o Jumati ma wangeoka. De ma wange gea ihiromanga o Hidiai ma wange angamoi ma dawangeino adaene manga Hiaini ma wange. De utuoli manga hidiai naga angamoi itigioka abe ona ihirame-rame manga Totilakuru ma rame-rame. Ho wogogerukuoka o hohowono ma kaderaka de ahao o Pilatusu wahingahu o Yahudi ma nyawa manga ngoeika gea wato, “Abeika, ti ngini nia koano naa.”

Yohanese 19:21

De naga o Yahudi ma nyawa manga hohidemo Ma Jouiye duru ko yosanangiua de ma demo gea abe wotulihika. Ho ona yoiki o Pilatusika de manga hininga ma huha iwihingahu unangika ato, “Mia baluhu, ufa ai dodunguu gea itemo ato, ‘O Yahudi ma nyawa manga Koano,’ masara nohitulihuku hokonaa: ‘Una gea womafetongo wato, Ngohi naa o Yahudi ma nyawa manga Koano.’”

Yohanese 19:3

Ho gea yodiai ibooto de ahao o tentara gea yomakawalimi iwipoka ai himangoko de iwihohedu ato, “Abeika o Yahudioka manga koano! Ngomi duru minigahoko ma owa ngonaika!”

Hidingoto 26:9

De o Paulusu wogila-gila womademo wato, “De ngohi naa ma hirete ma dihiraino de duru ahi hininga la tato kiani talawana de tahikokangela o nyawaika abe iwitobanii-niiki o Yesusika abe Una o Nasaretoka ma nyawa.

Hidingoto 3:6

Masara o Peturusu wato, “Ngohioka o tiwi ko iwa la tonihidoaka, masara abe naga ngohioka gea ka idadi tonihikodoku ngonaika. Ho naa de o Yesusu Kristusu o Nasaretoka ai romanga tonihuloko la nomaokoino de nomadagi!”