Yohanese 18:25 - Ma Jou ai Demo-demo o Totobelohoka

²⁵ De abe ma oraha o Kayafasa unangoo wileha o Yesusika de o Peturusu naga womaraukikahi o ukuoka gea. De genangoka naga o nyawa iwileha unangika ato, “Igoungu ngona eko ko ngonaua abe biaha de ani dodiawo ngini niwinii-niiki o Yesusu gea?” De o Peturusu woluku womahingahu ho wopaluhu wato, “Ko ngohiua.”

Yohanese 18:25 ပူးပေါင်းရင်းမြစ်များ

Dodadi 18:15

Ka de Ma Jou ai demo gea moihene de o ngo Sara mohawanoka ho momahipongono mato, “Masara ko togietua.” Masara Ma Jou womihiree-reeika wato, “Masara Ngohi tagoungu tato, ngona noietoka.”

Sosawaro 29:25

Nako ngone ka ihikaika hohawana abe ma titi o nyawa utu inamake sarakia, gea imakadaene dika hoka ngone homahidilikoka o modoioka. Masara ngone abe homahingano-nganono ka Ma Jou o Yaweika dika, gea Una ahao wonadatoko ho duru ko idadiua o bodito inadaene.

Matiusu 26:69

De ma oraha o Yesusu iwiurusu ma gogiriaka de o Peturusu nagahi doka o tau ma loakahi wogogeruku. De ipaha de naga o ngofeka momatengo o nyawa manga huhuloko moboaino o Peturusino de mitemo unangika mato, “O, marai ngonaoo naa to Una ai dodiawo abe o Galilea ma nyawa gea abe iwihiromanga o Yesusu.”

Maruku 14:66

De ma oraha o Yesusu iwiurusu ma gogiriaka de o Peturusu nagahi o tau ma loakahi, abe womaraukohi ma ukuoka. De ipaha de naga momatengo mitilakuru, abe muna gea ngoi huhuloko abe manga hidemo ma nyawa Ma Jouiye manga baluhu wokokurutiye.

Lukasa 22:55

De hokogea wihidoo-doduru ka hiadono o tau gea ma loaika womahiadono. De ma loaka gea naga manga huhuloko yamuruono naga yogogerukuoka, angamoi o uku moi yomadauloka genangoka. Ho o Peturusu waika de womahisapurika de manga huhuloko gea.

Lukasa 22:56

De ipaha de naga momatengo o nyawa manga huhuloko mimake o Peturusu angamoi ma uku ma dararono iwidararono ai himangika, de muna duru midamaana unangika. De ahao muna motemo mato, “O, marai naa una kangano naga de de Una gea abe doka iwiurusu.”

Lukasa 22:57

Masara o Peturusu ka womahipongono wato, “Hobata, koua! Ngohi ko tihiorikua Una gea!”