Yohanese 18:18 - Ma Jou ai Demo-demo o Totobelohoka

¹⁸ De duru imaata o futu gea ho naga o uku yomadauliye o tau ma loaka gea abe o nyawa yomarau-raukika genangoka. De naga yomarauku o ukuika o Yahudi ma nyawa manga dimo-dimono de yamuruono naga abe yoleleani o tauoka gea. De o Peturusoo womahisapurika onangoka ho unangoo womaraukika.

Yohanese 18:18 ပူးပေါင်းရင်းမြစ်များ

Dodadi 49:6

To ngohi ahi jiwa tohitiari la tomatingaka onangino, La ko iwa ma oraha ngohioo taniiki manga hidee itorou. Angamoi manga ngamo ifae hiadono o nyawa yatoma, De o hapi ma dengo yaafo-afokoka la ihilugu, De gea yodiai la yogie-giete ato yomahigogule dika.

1 Kokoano 19:9

De o lokuoka gea naga o aruku moi de genangika o Elia wowohama de womaidu o futu gea o aruku ma goronaka. Masara Ma Jou o Yawe wileha o Eliaika, wato, “Elia, ngona nenangoka nododoa?”

Higiriiri 1:1

Ona abe ma hiowa yamake, gea ona abe: Ko yaniikua o nyawa manga higaro ma demo nako ona Ma Jou ko iwingakua, De ko yomahikasapurua onangika abe yatobahowo-howono, De ko yomahidogogerua onangoka abe yahohedu ma totiaiika.

Sosawaro 13:20

Ngone abe hadodiawo onangika yosoo-sosawaro, ahao to ngoneoli nanga sosawaro ka idogo. Masara nako homakiniiki de o bodo ma nyawaika, ahao o kangela inadodamaa.

Maruku 14:54

De o Peturusu una wihidoo-doduru o Yesusu. De hokogea wihidoduru ka hiadono o tau gea ma loaino womahiadono. De ma loaka gea naga manga huhuloko yamuruono naga abe yomaraukika manga ukuoka de o Peturusu waika de womahisapurika de manga huhuloko gea, ho unangoo naga manga datekoka womaraukika.

Maruku 14:67

De muna gea o Peturusu mimake de duru midamaanoka de hiadono mitemo unangika mato, “O, marai ngonaoo naa to Una ai dodiawo abe o Nasaretoka ma nyawa gea abe iwihiromanga o Yesusu.”

Lukasa 22:44

De to Una ai hininga duru ihuhaholi, ho utuohi womaribuutu la womaniatoli de ai hininga ma gahumu. De hokogea ma amoko ai huha hiadono ai gahauku ihupu ai badangino de gea ma rupa o awunu abe itubukuku ai badangoka de dau ma tonakuku.]

Yohanese 18:25

De abe ma oraha o Kayafasa unangoo wileha o Yesusika de o Peturusu naga womaraukikahi o ukuoka gea. De genangoka naga o nyawa iwileha unangika ato, “Igoungu ngona eko ko ngonaua abe biaha de ani dodiawo ngini niwinii-niiki o Yesusu gea?” De o Peturusu woluku womahingahu ho wopaluhu wato, “Ko ngohiua.”

Yohanese 18:3

Ho naa o Yudasa gea wahihira o Roma manga tentara o doomu moi o redika gea. De naga yasapurika onangoka yamuruono naga yogoa-goana Ma Jou ai Tau. Ona gea yaniiki o Roma manga tentara ma doomu gea angamoi onangoo yaduhuloko la o tentara yaduhunu iwitaoko o Yesusu. De gea manga hohidemo Ma Jouiye de o Farisi manga doomuino ma nyawa abe yahuloko la yomakiniiki de o tentara gea. Ho yomakutuono yoboaino de yomagao manga hilo abe utu ma rupa hoka o lobe de utu hoka o oboro. De nagali yomagao manga dae irupa-rupa.

Yohanese 21:9

Ka de ona youtiha de yamake o uku genangoka abe ma ngabohokahi de naga o ukuoka o nawoko iharongika de nagali o roti.

Hidingoto 4:23

Ka de o hihira manga doomu gea yahigunoa o Peturusu de o Yohanese la yohupu de ona yahinooto yoiki manga dodiawoika abe iwingaku-ngakuoka o Yesusika. De yoade-ade onangika mata-mata abe kanganoino manga hidemo ma nyawa yokokurutiye de manga hihira utu yotemoka onangika.

1 Korintusu 15:33

Ho naa ngohi tinihitiari tato, “Ngini naa ufa hiadono inihirehene hokogea!” Angamoi naga o demo ma dulu moi inahitiari ato, “Nako hadodiawo onangika manga datoro itorou, ahao to ngoneoo nanga biaha idadioka ma dorou.” Hokogea inahitiari o demo ma dulu gea.