Yohanese 18:17 - Ma Jou ai Demo-demo o Totobelohoka

¹⁷ Masara muna o ngorana ma gogoana mileha o Peturusika mato, “Abe iwitao-taokino naa, marai ngona to Una ai dodiawo abe ani biaha ngona ninii-niiki?” De o Peturusu wopaluhu wato, “Koua, ko ngohiua.”

Yohanese 18:17 ပူးပေါင်းရင်းမြစ်များ

Matiusu 26:33

De to Yesusu ai demo gea abe ma titi ona ahao iwikokiporete, gea ai demo o Peturusu woihene de ahao womahingahu wotemo de ma buturungu wato, “Ahi Baluhu, ngaro ona naa mata-mata inikokinoaka masara naa ngohi duru ko toninoaua.”

Lukasa 22:54

De ahao ona iwitaokino o Yesusu de iwiao manga hidemo Ma Jouiye manga hidimono wokokurutiye ai tauika. De o Peturusu una wihidoo-doduru o Yesusu.

Yohanese 18:16

Masara o Peturusu ko wowohamua genangika ho una womaokoino dika o pagara ma ngoranoka abe genangoka naga o ngofeka o pagara ma ngorana ma gogoana. Masara ai dodiawo una wowohamoka ho wigilio o Peturusika de angamoi una wihioriki o tau ma dutu ho o Peturusu wihidemo o ngofekaika abe muna ma gogoana o pagara ma ngoranoka. De gea ma titi hiadono ka idadi o Peturusu wowohama ma ngoranino.

Yohanese 18:25

De abe ma oraha o Kayafasa unangoo wileha o Yesusika de o Peturusu naga womaraukikahi o ukuoka gea. De genangoka naga o nyawa iwileha unangika ato, “Igoungu ngona eko ko ngonaua abe biaha de ani dodiawo ngini niwinii-niiki o Yesusu gea?” De o Peturusu woluku womahingahu ho wopaluhu wato, “Ko ngohiua.”

Yohanese 18:5

De ona gea yopaluhu ato, “O Yesusu, o Nasaretino ma nyawa gea.” De o Yesusu wato, “Ngohi Naga.” De o Yudasa, abe wifukunu ai musuika gea, una naga manga hidogoronaka.

Yohanese 18:8

De o Yesusu wotemo wato, “Tinihingahuoka gea Ngohi naa, ho nako Ngohi dika nihilingiri kiani ahi dodiawo naa niahigunoa la ona yoikoka.”

Yohanese 21:15

Ho gea yolomo ibooto de o Yesusu wileha o Peturusika wato, “Simono, to Yohanese ai ngofaka, sarakia, nako ngona de ani dodiawo mata-mata naa, gea ka ngonahi nagou-goungu nohidora?” De o Peturusu wopaluhu o Yesusika wato, “Ahi Baluhu, Ngona nohioriki igoungu tonidora.” De o Yesusu wotemo wato, “Ona abe ihiniiki tahiketero hoka o domba ma ngofaka ho naa kiani onangika natofo.”

Hidingoto 12:13

De womahiadono ami tauika de watoteke ami ngorana ma dadatoko abe ma tau ma loa ma ngoranoka, de manga duduhunu momatengo ami romanga o ngo Rode moboaino la mibelenga.