Yohanese 18:12 - Ma Jou ai Demo-demo o Totobelohoka

¹² Ho o Roma ma nyawa manga tentara ma doomu de manga dimono gea, de manga dodiawo o nau-nauru yamuruono naga abe Ma Jou ai Tau yogoa-goana, ona gea o Yesusu iwitaoko de ai giama apakiti-pakitino.

Yohanese 18:12 ပူးပေါင်းရင်းမြစ်များ

Dodadi 22:9

De yomahiadonoka ma ngiika abe Ma Jou wihingahuoka de o Abarahaama genangoka o hakaru watoomuino de ai huhuba ma ngi wodiai. O huhuba ma ngi wodiai ibooto de ahao o gota o huhuba ma ngi ma lokuoka wafafoino. De ma gota ibooto, de ai ngofaka wipakiti de wihideruiye o gota ma lokuoka.

Matiusu 26:57

De ahao ona abe iwitaokino o Yesusu iwiao o Kayafasa ai tauika, abe una gea manga hidemo Ma Jouiye manga hidimono wokokurutiye. De genangoka naga ona yotobadoto-dotoko o Musa ai Paretaino de o Yahudi ma nyawa manga balu-baluhu utuoli, ona gea yomakokitoomuinoka genangoka.

Matiusu 27:2

De gea yomakoketemo ibooto de ahao o Yesusu iwipaki-pakitoka de iwiaoika manga gubernuurika abe to una ai romanga o Pilatusu. De una gea o Roma ma popareta manga gubernuuru. Angamoi o Yahudi ma nyawa manga hohidimono ko iwa manga kuaha la yahohonenge o nyawa, masara gea o Roma ma popareta dika manga giamoka la o nyawa yahohonenge.

Matiusu 27:27

De ahao o Pilatusu ai tentara o Yesusu iwiaoika o Pilatusu ai tau ma goronaika de genangoka manga dodiawo mata-mata yakokiahokino abe o tentara o doomu moi.

Maruku 14:53

De ahao o Yesusu iwiao manga hidemo ma nyawa Ma Jouiye manga hidimono wokokurutiye ai tauika. De genangoka naga mata-mata o hidemo Ma Jouiye manga hohidimono, de ona abe yotobadoto-dotoko o Musa ai Paretaino, de o Yahudi ma nyawa manga balu-baluhu, ona gea yomakokitoomuinoka genangoka.

Maruku 15:1

De ma dawangeino abe duru o ngoru-ngorumino de ona yotobauru-urusu o nyawa yongodumoka yomatoomuinoka. Abe manga doomuoka gea naga o hidemo Ma Jouiye manga hohidimono, de ona abe yotobadoto-dotoko o Musa ai Paretaino, de o Yahudi ma nyawa manga balu-baluhu, onangoo mata-mata genangoka. De yomatoomuinoka la yomahikaaturu la ato hokokia o Yesusu iwiurusu. De ipaha aputuhoka de o Yesusu iwipaki-pakitoka de iwiaoika womatengoika abe una o popareta moi duru wokurutiye ma propinsioka gea, abe una ai romanga o Pilatusu.

Lukasa 22:54

De ahao ona iwitaokino o Yesusu de iwiao manga hidemo Ma Jouiye manga hidimono wokokurutiye ai tauika. De o Peturusu una wihidoo-doduru o Yesusu.

Yohanese 18:3

Ho naa o Yudasa gea wahihira o Roma manga tentara o doomu moi o redika gea. De naga yasapurika onangoka yamuruono naga yogoa-goana Ma Jou ai Tau. Ona gea yaniiki o Roma manga tentara ma doomu gea angamoi onangoo yaduhuloko la o tentara yaduhunu iwitaoko o Yesusu. De gea manga hohidemo Ma Jouiye de o Farisi manga doomuino ma nyawa abe yahuloko la yomakiniiki de o tentara gea. Ho yomakutuono yoboaino de yomagao manga hilo abe utu ma rupa hoka o lobe de utu hoka o oboro. De nagali yomagao manga dae irupa-rupa.

Hidingoto 10:1

De o Kaisarea ma kapongoka naga womatengo o Roma ma tentara manga haeke abe ai romanga o Koroneliusu. De una wahipareta o tentara abe manga doomu ihiromanga ato o Italia ma tonakoka ma doomu.

Hidingoto 21:31

De ona mata-mata iwipoha-poha unangika la ato iwihohonenge, masara ma abari abe hokokia idadi gea imahiadono o Roma manga tentara manga haekika. Abe naga iwihingahu ato, “O Yerusaleeme ma kota mata-mataika de idadioka o huruhara ma amoko!”

Hidingoto 21:37

De ma tentara ngade-ngade iwihingohama manga ngi ma goronaika de o Paulusu witemo manga haekika wato, “Ka idadi ngohi tonitemo ngonaika?” De ma haeke wiheranga de wato, “Ho mode ngona naa ka idadi notemo de o Yunani ma demo?

Hidingoto 23:10

De ahao o Saduki ma nyawa onangoli yomahingahu manga hininga abe ihiboa-boaka manga demo. De hokogea yogila-gila yomakoboaka de manga ilingi ka idogo-dogo ilamokiye. De naga utu o Paulusu ai aridatekoka abe yomaketelitauru o Paulusu aika aino. De ika-ika de ma tentara manga haeke wohawana wato marai ahao o Paulusu ai badanga iwika-kakihoka, ho wahuloko ai tentaraika la iwiao o Paulusu to ona manga hidogoronaino de iwihigilio ma tentara ma ngiika.

Hihira 16:21

Ho ona o Filistina ma nyawa o Simsono iwitaoko de ahao ai lako hinootoo yakawali ho yahuputoka ai lako ma gomono hinootoo ho worafioka. De ona ahao iwiao manga kota o Gasaika de genangoka iwipapakiti de o papakiti yodiai o tabaagaino abe ihisapuroka de o hori ho duru iputurungu ai papakiti. Hokogea yodiai la duru iwihikangela de ahao iwihikarajaanga o bui ma tauoka. De o Simsono ai karajaanga kiani o gandumu ma ngengedere waloliti ho una wodadi hoka o hapi abe ko imatogu-togumua itagi la ka ihikaika o hakaru kohaamoko yaloliti de o gandumu gea yawedere hiadono idadi o tarigu. Ho duru imaketero hoka o hapi gea o Simsonoli wodadioka wotobaloliti o ngengedere ma hakaru.