Yohanese 17:7 - Ma Jou ai Demo-demo o Totobelohoka

⁷ Ho naa, Baba, ona ihiorikoka abe mata-mata yamake Ngohino gea igoungu Ngonaka dika de aino nohihidoaka.

Yohanese 17:7 ပူးပေါင်းရင်းမြစ်များ

Yohanese 14:20

Ho o wange gea Ngohi towangokali de ahao ngini duru nihioriki Ngohi naga ahi Babaka, de ngini naga Ngohioka, de Ngohi naga nginiokaoo.

Yohanese 16:15

De o Yesusu wotemoli wato, “Mata-mata abe ahi Baba wotemo, gea to Ngohioo ahi demo. De gea ma titi hiadono tato Ma Jou o Womaha ahao mata-mata abe wamake Ngohioka, gea ahao winihitararono nginikali.”

Yohanese 17:10

Angamoi o nyawa mata-mata Ngohioka ona gea to Ngona, de imakadaene ona mata-mata Ngonaka de hokogenangoo yodadi to Ngohioo ahi nyawa. De ahi medebini ma dararono ona yahimatoko o nyawa utuikali. De gea angamoi ona ihiniiki Ngohi ho hiadono de manga wowango ma datorino yahimatoko o nyawaika to Ngohi ahi buturungu.”

Yohanese 17:6

“Ahi Baba, ona ihinii-niiki naa, ona to Ngona ani nyawa abe nohihidoakoka Ngohino hiadono o dunia ma biahaino nahikatingakoka. De onangika tadotoko la Ngona nodadi to onangoo manga Baba, de Ngohi ani mau enangoo tahimatoko onangika ka hiadono ma oraha naa manga hingounu naga ani demoika.

Yohanese 17:8

Ho abe ani demo nohihidoaka Ngohino gea tahidoakoli onangika. De gea yodafongo dika hiadono ona duru ihioriki Ngona dika nohihidingoto, abe Ngohioo Ngonaka de taino.”

Yohanese 8:28

Ho o Yesusu wotemo wato, “Ahao adonoka ma oraha o Nyawa ma Ngofaka niwihidoaiyeoka o gotaka, ma oraha gea de ahao ngini nihihioriki igoungu Ngohi Naga abe Ngohi Ma Jouoka de taino. Ho ma oraha gea de ahao nihihiorikoo duru ko moiua todiai abe Ngohioka dika de tomahohiningaiye, ma, totemo dika abe o Baba wohidotokoka, gea dika ahi demo.