Yohanese 16:5 - Ma Jou ai Demo-demo o Totobelohoka

⁵ De o Yesusu wahingahuohi ona iwitobaniikika wato, “De naa Unangikali tolio, abe Una gea wohihidingotino, gea Unangika tolio. De koaho ahi hingahu gea inihigarago masara homoi-homoiika nia hininga akokilufungoka de nia huha. Tinimake ngini naa hoka ko nisanangiua homakoketemo ma titi abe Ngohi tolio ahi Babaika.

Yohanese 16:5 ပူးပေါင်းရင်းမြစ်များ

Yohanese 13:3

Masara o Yesusu wohioriki ai Baba o kuaha wihidoakoka Unangika la hiadono ko iwa moi abe ko idadiua wohipareta. De naa o Yesusu wohininga abe Una Ma Jouoka de waino de naa itigioka Una wolio Ma Jouika.

Yohanese 13:36

De o Simono Peturusu wileha o Yesusika wato, “Ahi Baluhu, o kiaika noiki?” De o Yesusu wipaluhu wato, “Abe genangika naa toiki ngona ko napoauahi nohiniiki, masara naga ma oraha de ngonaoo ahao nohihidoduruino abe naa etoiki genangika.”

Yohanese 14:28

“Ho ufa niawohanga gea kangano tinihingahuoka, abe tato ngaro naa etoiki ma ahao toboali nginino. Ma, naa ko nisanangiua ho marai ko nihidoraua angamoi nako nihidora tanu duru nisanangi abe Ngohi naa toiki ahi Babaiye. Una ma hirete wohigorakiye de ka idadi Unangika tinigahoko utuohi ma rorahai angamoi nako Ngohi de o Baba, ka Unangohi wokurutiye.

Yohanese 16:10

De abe ma titi o totiai ma gou-goungu enangoo kiani Ma Jou o Womaha wahitararono duru itaana. Angamoi Ngohi naa tagou-goungu tolio o Babaiye ho gea ihihitaana abe tatobagou-goungu ahi demoino de ko toelukua.

Yohanese 16:16

De o Yesusu wahigila-gilahi wahitararono de ma titi abe ahao idadi wato, “Ma, naa ko itedekanokaua de ngini ko nihimakeokaua, masara topahaika de ahao ko itedekanuahi de ngini nihimakeokali.” Hokogea o Yesusu wahingahu ona iwitobaniikika.

Yohanese 16:17

De ahao ona utu gea yomakeleha ato, “Gea o kia ma titi ai demo wato, ‘Naa ko itedekanokaua de ngini ko nihimakeokaua?’ De ahao wato, ‘De gea topahaika ko itedekanua de nihimakeokali.’ Ho adodoa ho ai demo utu gea wato, ‘Angamoi naa tolio o Babaiye’?

Yohanese 16:28

Abe Ngohi naa toboakau de gea duru Ma Jouoka de tauku o duniauku naa. Ho o dunia tanoa naa de tolio o Babaiye.” Hokogea o Yesusu wahingahu ona iwitobanii-niikika.

Yohanese 17:13

“O Baba, naa ma oraha adonoka etolio Ngonaiye ho ahi gogahoko hokonaa tohiboa Ngonaiye ngaro Ngohi naga o dunia ma lokuokahi togogere. Abe ona naa tagahoko la manga garago ingodumu angamoi toigo la manga hiningaka yalufungoka de to Ngohi naa ahi garago.

Yohanese 17:4

“O Baba, Ngohi ani medebini ma dararono tohiboa Ngonaika ma titi tabootoka ahi karajaanga mata-mata abe nohihidoakino Ngohino la todiai o duniakahi naa.

Yohanese 6:62

Ho done sarakia nako ahao nihimake Ngohi o Nyawa ma Ngofaka tolio dakuiye ahi ngiiye abe ma dihira genangoka togogere!

Yohanese 7:33

De o Yesusu wahingahuohi ona mata-mataika wato, “Ko itedekanokaua Ngohi naga nginioka de ahao Unangikali tolio abe Una gea wohihidingoto naangino.

Ibarani 1:3

De Una gea abe wonahitararono ngoneino to Ma Jou o Baba ai medebini ma dararono. De Una de o Baba duru hoimoi dika manga rupa, abe ma hohutuloo de ko yomakohowonua. De to Una ai dulaada mata-mataika ka Una dika wohiaturu de wapaliara la ka idadi hokogea dika igila-gila. De gea wohiaturu de wapaliara ka to Una ai uru ma demoino ma kuaha ma amokino. De Una gea abe wakokiofioka ngone to Una ai nyawa nanga howo-howono. De gea ai karajaanga ibooto de ahao Una wogogerukuoka Ma Jou o Baba wokokurutiye ai nirakoka, abe ka o Babahi ai kuaha duru kohaamoko. De genangoka wogogeruku la Unangoo womulaenge wahikoano mata-mataika. Ho genangino de ka idadi ngone hamake abe to Ma Jou ai Ngofaka gea duru de ai medebini ma dararonoka, de to Una ai Ngofakino gea abe Ma Jou wipake la ma oraha naa wonatemo-temo ngoneino.

Ibarani 12:2

De gea nanga popaata ma goronaka de kiani ka ihikaika homalega ka o Yesusika dika, angamoi Una gea ka idadi hihiromanga hato Una to ngone nanga ngongaku ma lifunu de ma dekaroo. Abe ma romanga gea ma titi hokonaa. Nako to ngone nanga ngongaku gea imulaenge Unangoka. De nako ahao ma oraha nanga roreebe ma batingika homahiadonikaka, Unangoo naga genangoka la ka idadi nanga ngongaku duru wohingodu-ngodumoka abe ma oraha homahiadono Unangika. Ho ngone naa ka idadi homaaduru abe hoka o Yesusoli ai hininga, angamoi Una ma dihiraino de ngaro o himaleke wohimanga abe kiani wohonenge o gota isosalioaka, masara ko iwitukorua de gea ena ai ngekomino. De gea Una ka wogila-gila dika de ai dongohono ka hiadono womahiadonika ma batingika angamoi genangoka de ahao wamake ai hadia o garago ma amoko Unangika. De gea womahiadonika de ahao wogogerukuoka Ma Jou o Baba ai kadera ma hohailoa ma nirakoka la genangoka Una de ai Baba yokoano.