Yohanese 16:30 - Ma Jou ai Demo-demo o Totobelohoka

³⁰ Ho naa duru itararono ngomino abe Ngona igoungu mata-mata duru nohioriki abe o nyawa ko inilehauahi de manga leleha gea Ngona nohiorikokau. Ho gea mingaku abe igoungu Ma Jouino noboa.”

Yohanese 16:30 ပူးပေါင်းရင်းမြစ်များ

1 Kokoano 17:24

Hokogea wotemo de muna mihingahu o Eliaika, mato, “Naa duru tonihioriki abe ngona igoungu Ma Jou ai nyawa abe Una wonipake. De tohioriki ani hingahu duru Ma Jou o Yaweoka de aino ho duru igou-goungu ani demo.” Hokogea Ma Jou wihitaana munangika abe o Elia gea Ma Jou ai uru ma dodofanga.

Yohanese 16:17

De ahao ona utu gea yomakeleha ato, “Gea o kia ma titi ai demo wato, ‘Naa ko itedekanokaua de ngini ko nihimakeokaua?’ De ahao wato, ‘De gea topahaika ko itedekanua de nihimakeokali.’ Ho adodoa ho ai demo utu gea wato, ‘Angamoi naa tolio o Babaiye’?

Yohanese 16:23

Ho o wange gea homakamakeokali de nia leleha Ngohino ko iwaka angamoi nigaragokaholi. De gea nigarago angamoi ka idadiou ngini ma hirete nimagahoko o Babaiye abe de ahi romanga niapake. Ma dihira ko ma moiuahi nimagahoko de ahi romanga niapake ma naa ka idadi angamoi ngini nihingakuoka. De Ngohi naa duru tagou-goungu tinihingahu nginika ngaro o kia dika nimagahoko de to Ngohi ahi romanga niapake gea ahao ahi Baba winihidoaka la gea nia garago duru ingodumoka.”

Yohanese 16:26

Ho ka de ma oraha gea iboa de ahao ngini nimagahoko de ahi romanga niapake. Gea ko ma titiua abe ahao Ngohi kiani tinigahoko o Babaika.

Yohanese 16:31

De o Yesusu wopaluhu onangika wato, “Naa ma dekanino de ahao ahi hingahu gea ningaku!

Yohanese 17:8

Ho abe ani demo nohihidoaka Ngohino gea tahidoakoli onangika. De gea yodafongo dika hiadono ona duru ihioriki Ngona dika nohihidingoto, abe Ngohioo Ngonaka de taino.”

Yohanese 2:11

O heheranga naa o Yesusu wodiai o Galilea ma tonakoka abe o Kana ma kapongoka. Genangoka wohititi ai dodunguu, abe yahiheranga o nyawa, la onangika womahimatoko ai medebini ma dararono. De o Yesusu iwinii-niiki manga ngongaku ikokidogoli o Yesusika.

Yohanese 21:17

Ma ka de wihulokoli hokogea de o Yesusu wilehali o Peturusika wato, “Simono, to Yohanese ai ngofaka, ngona nagoungu nohidora Ngohi?” De o Peturusu naa ai hininga duru ihuhaka ma titi naa ma hangeou o Yesusu wileha wato, “Igoungu ngona nohidora Ngohi?” Ho o Peturusu wopaluhu o Yesusika wato, “Ahi Baluhu ko iwa moi la Ngona ko nohiorikua, ho ka Ngonahi nohioriki abe tagoungu tonidora.” De o Yesusu wihibehehongoli wato, “Ngona kiani ahi domba natofo.”

Yohanese 5:20

Angamoi ahi Baba duru wohidora Ngohino ho wohihimatokoka to Una ai karajaanga mata-mata ingodumu Ngohino. Masara utuohi ilamoko wohihikarajaanga Ngohi naa hiadono ngini ahao niamake gea todiai de ko idadiokaua nitemo angamoi ka niherangaholi.

Yohanese 8:42

De o Yesusu wahitararono onangika wato, “Nako ngini niagoungu niato ti ngini nia Baba Ma Jou, gea tanu nihiao irahai Ngohi naa, angamoi Ngohi Ma Jouoka de taino hiadono naa naga. De gea toboa ko ma titiua Ngohi dika taputuhu tato toboa. Masara ma titi naa toboa gea Ma Jou o Baba waputuhu wato wohihidingoto hiadono toboa nenanguku naa.”

Ibarani 4:13

De gea moioo de ko iwa abe to Una ai dulaadoka de ka akunu imagogono la ufa wamake. Masara gea duru mata-mataika imatawangeika dika la Ma Jou ai lako ka yobawilika enangika. Ho Unangika ahao ngone kiani homoi-homoi homahitararono abe ma titi nanga hininga ma datoro mata-mataika. Ho igoungu kiani ngone hohidodiai hanii-niiki ai hingahu ma demoika abe Unangoka de aino iboa.