Yohanese 16:27 - Ma Jou ai Demo-demo o Totobelohoka

²⁷ Koua, naa nihingaku abe Ngohi Ma Jouoka de taino. Ho to Baba ai mau la naa ngini ma hirete nimagahoko angamoi Una duru winidora mangale ngini nihidora Ngohi.

Yohanese 16:27 ပူးပေါင်းရင်းမြစ်များ

Matiusu 10:37

De Una wotemohi iwinii-niikika wato, “De onagona dika yoigo ihitobanii-niiki Ngohi, ona gea kiani manga dora duru ilamoko Ngohino. Abe ngaro manga dora abe itagi manga dimonika, masara manga dora abe Ngohino kiani ka enangohi ilamoko. De hokogenangoo manga hininga ma dora manga ngofakika. Abe nako manga dora manga ngofakika de manga dora Ngohino masara kiani ka enangohi ilamoko abe itagi Ngohino. Ho nako Ngohino manga dora ko ilamokua nako de manga dutuika, gea ko yagou-goungua ihiniiki Ngohi.”

Yohanese 14:21

De o nyawa onagona dika abe ahi behehongo yodafongo de hiadono yohingounu enangika, gea ona abe ihidora igou-goungu. De ahao ahi Babaoo wadora onangika, de Ngohioo tadora de tomahimatoko onangika hiadono ona ka idadi ihimao abe Ngohi igoungu naga onangoka.” Hokogea o Yesusu womahingahu onangika.

Yohanese 14:23

De o Yesusu wopaluhu unangika wato, “Onagona dika ihidora Ngohino gea ahi behehongoo ihingounu. Ho ona gea ahi Baba duru wadora de Una de Ngohi ahao miboa onangika de mimahidogogere onangoka homoi-homoioka.

Yohanese 16:30

Ho naa duru itararono ngomino abe Ngona igoungu mata-mata duru nohioriki abe o nyawa ko inilehauahi de manga leleha gea Ngona nohiorikokau. Ho gea mingaku abe igoungu Ma Jouino noboa.”

Yohanese 17:23

Ho Ngohi naga onangoka de Ngona naga Ngohioka. De toigo la manga rimoi duru itiai la gea o dunia ma nyawa mata-mataika ka idadi duru ihioriki gea Ngona Baba nohihidingotuku o duniauku naa. Iti ona ihiorikoo ani dora itagi ihingaku-ngakuika imaketero hoka itagi Ngohinoo.”

Yohanese 2:11

O heheranga naa o Yesusu wodiai o Galilea ma tonakoka abe o Kana ma kapongoka. Genangoka wohititi ai dodunguu, abe yahiheranga o nyawa, la onangika womahimatoko ai medebini ma dararono. De o Yesusu iwinii-niiki manga ngongaku ikokidogoli o Yesusika.

Yohanese 3:13

Ma, igoungu, ko iwa moi o nyawa o duniaka naa abe yadonoka daku o Horogaiye. Masara Ngohi abe tomahiromanga o Nyawa ma Ngofaka, Ngohi o Horogaka de tauku.”

Yohanese 7:29

Ma nako Ngohi, duru tihioriki angamoi gea Una wohihidingoto Ngohi naa abe Unangoka de taino toboa.”

Yohanese 8:42

De o Yesusu wahitararono onangika wato, “Nako ngini niagoungu niato ti ngini nia Baba Ma Jou, gea tanu nihiao irahai Ngohi naa, angamoi Ngohi Ma Jouoka de taino hiadono naa naga. De gea toboa ko ma titiua Ngohi dika taputuhu tato toboa. Masara ma titi naa toboa gea Ma Jou o Baba waputuhu wato wohihidingoto hiadono toboa nenanguku naa.”

Roma 8:3

De ngone hohioriki abe Ma Jou ai hininga ngoneino gea la ngone howango hototiai to Una ai himangoka. Masara ngaro to Una ai Pareta wonahidoaka masara ngone ko hakunua haniiki enangika ma titi nanga badanga imanoa o howono ma kuahaka. Ho ai Pareta gea tanu ko inaduhunua la howango hototiai. De gea ma titi hiadono Ma Jou Una ma hirete wonaduhunu ma titi ai Ngofakino. Abe Una wihidingoto to Una ma hirete ai Ngofaka ngone o nyawauku de wihidoaka la to Una ai badanga ma rupa imaketero abe hoka to ngone o nyawali nanga badanga ma rupa. Masara naga moi abe duru imakohowono. Abe to ngone nanga badanga gea imanoa o howono ma kuahaka, masara to Una ai badangoka gea de ko iwa o howono Unangoka. De gea Ma Jou wihidingoto ai Ngofaka gea ngoneuku la wohibinaaha o howono ma kuaha to ngone nanga bada-badangoka. Ho mangale ma titi to Una ai Ngofakino de Ma Jou wohikalaka o howono ma kuaha ngoneoka. De hokogea wodiai angamoi ma dodihirainohi de Ma Jou ai hidee nagau la wato ngone howango hototiai abe nanga datoro duru imakiniiki de abe to Una ai Pareta ma demo ma goronaka. Ho naa ngone onagona dika abe ngone ko haniikokaua nanga badanga ma hafini ma dorouika de hinii-niikoli Ma Jou o Womahika, gea ngone abe ka idadi howango hototiai to Una ai himangoka. De gea mangale ma titi Ma Jou o Womaha ai karajaangino hiadono ngone ko hamakeokauali nanga hohowono Ma Jouino.

1 Korintusu 15:47

De una wohira gea, una o dunia ma tonakino Ma Jou wihidadi, ho una duru o dunia ma nyawa. Masara Una abe woturuino, o Kristusu, Una gea o Horogaka de wauku woboa.

1 Korintusu 16:22

Onagona dika ko iwidoraua nanga Baluhu idodutu o Yesusu Kristusu, ahao ona gea kiani Ma Jou wahikoboto de gea yamake manga hohowono ka hiado-adonika. Nanga Baluhu, duru tonihafini la Ngona nomataiti noboa!

2 Korintusu 5:14

De to ngomi mia hiningaka naa de o Yesusu ai dora ka ihikaika imihigaro la mimaaduru hoka to Unangoli ai hininga. Ho ngaro o kia dika ngomi midiai mia wowangoka naa, masara gea mia datoro mata-mata ihititi o Yesusu Kristusu ai doraka de aino. De gea ngomi mihioriki abe Una wohonenge la ka idadi ngone mata-mata wonaturuuru. De mangale ma titi Una wonaturuuru ngone mata-mata, ho genangino de ka idadi hohioriki abe ngone mata-mata imaketero hoka hohonengoka abe ma titi nanga wowango ihira-hiraika. De gea idadi abe ma oraha Una wohonenge o gotaka.

Galatia 4:4

De ahao naga ma oraha adonoka abe Ma Jou wihidingoto to Una ai Ngofaka naa o duniauku de gea womaboa o ngofekaino. De gea womaboa o Yahudi ma nyawaino ho wolamoko o Musa ai Pareta ma kuahaka.

Efesusu 6:24

De ngohi tinigahoko Unangiye la ngini onagona dika abe niwidora nanga Baluhu idodutu o Yesusu Kristusika de nia dora gea ko itoa-toakua masara ka igila-gila dika ka ihikaika. De tinigahoko la Ma Jou ai owa imanoa ka ihikaika nginioka.

1 Timotiusu 1:15

De naa o demo moi tonihingahu abe ma demo gea hohioriki duru igou-goungu. Abe o Yesusu Kristusu, Una woboaka o duniauku naa la wato o howo-howono ma nyawa waduhunu manga howonino. Ma demo gea duru igoungu de kiani hodafongo de hangaku enangika. De nako o howo-howono ma nyawa mata-mataika, ma ka ngohiohi ahi howono itorou.

Ibarani 12:6

Angamoi onagona dika Ngohi Ma Jou tadora, onangika gea kiani tadotoko, de onagona dika abe Ngohi Ma Jou tafetongo ahi ngofa-ngofaka, onangika gea kiani tadotoko duru de ma dubuho.” Hokogea Ma Jou ai higaro ma demo abe ma dodihiraino ihitulihukuoka.

1 Peturusu 1:8

De igoungu abe ma oraha naa de ngini ko niwimakeuahi de nia lako o Yesusu Kristusu angamoi ko womahimatokuahi. De masara abe ngaro ko ma moiuahi niwimake ma ngini niwidora Unangika. De ngini niwingakuoo Unangika ngaro ngini ko niwimakeuahi. De ngini naa ngaro ko niwimakeuahi Unangika masara ngini duru nimorene de nia gogarago kohaamoko, abe ka hiadono ngini ko niakunua nimahingahu abe hokokia ma amoko nia gogarago gea nia hiningaka.

1 Yohanese 4:19

De ngone naa ka idadi nanga dora itagi utuika mangale ma titi Una wohira wonadora ngoneino. Abe nako ma dihiraino to Una ai dora ko itagiua ngoneino, gea ngone duru ko hakunua hadora o nyawa utuika.

Himatoko 3:19

De hokogea ahi higaro ma demo nginika angamoi Ngohi tinidora ngini. De onagona dika tadora, ona gea kiani Ngohi tataere de tadotoko onangika. Ho gea ngini kiani naga nia magawe la nihiniiki Ngohi de nia hininga ma gahumu, de gea kiani ngini nitoba de nilio Ngohino.

Himatoko 3:9

De gea abe Ngohi tohiaturu la ona o Ibilihi ma haeke ma doomuino abe ma oraha naa ona inihikangela, ahao ona gea yoboa nginika de kiani inihoromati nginika. De gea ona abe yoelu-eluku de yomahiromanga ato o Yahudi ma nyawa, masara ona gea ko o Yahudi ma nyawa ma gou-goungua, angamoi o Ibilihi ma haeke ona yanii-niiki. Ho abeika nitotoihene! Ngohi ahao tohiaturu la ona gea ko idadiokaua inihikangela, masara gea ahao yoboa de yomamotumuku nia himangoka, de ma oraha gea ona ihioriki abe ngini gea Ngohi duru tinidora nginika.”