Yohanese 16:25 - Ma Jou ai Demo-demo o Totobelohoka

²⁵ De o Yesusu womahingahuohi ona iwitobanii-niikika wato, “Ngaro Ngohi ma dihiraino ma ngoe o hiketero de o demo ma dulu tapake, ma itigioka ma oraha de o hiketero ko tapakeokaua la tinidotoko nginika. Ho ahao tinihingahu ma titi ahi Baba de tapake dika o demo abe duru igapanga niataoko ma titi.

Yohanese 16:25 ပူးပေါင်းရင်းမြစ်များ

Sosawaro 1:6

Igoungu naga o demo utu o nyawaino abe duru ihuha hataoko itiai ma titi angamoi nanga hininga ko adonikaua ifikiri. Ma nako ngone hotobafikiri o Saloomo ai hiowa ma demoika hiadono ma titi homangaratii, gea inaduhunu. De ngaro o demo gea abe ihuha o nyawa yataoko itiai ma titi, ma, genangoo ahao homangaratii ngaro ma dihira ko homangaratiiuahi.

Maruku 4:13

De o Yesusu wotemoli onangika wato, “Sarakia ahi hiketero kangano abe wohibarihi o bibiti, gea ko nihiorikua ma titi? Nako gea done sarakia o hiketero ma ade-ade utu de ahao nihioriki ma titi?” Hokogea o Yesusu wataere onangika de ahao ai hiketero ma ade-ade wahitararono onangika hokonaa la duru ihioriki ma titi.

Maruku 4:34

De ai dodotoko ko moiua de ko wohiketeroua. Duru o hiketero dika wapake. Masara nako Una de iwitobanii-niiki dika naga, gea ahao wahitararono onangika abe o hiketero ma titi mata-mata.

Maruku 8:32

Ho o Yesusu ai demo ma titi gea duru wahitararono onangika la duru ihioriki hokokia ahao idadi Unangika. Masara o Peturusu woboa Unangino de ka wihirehenika ma hohutulu de witaere o Yesusika, wato, “Ahi Baluhu, duru ko itiaiau ma datoro gea idadi Ngonaika!”

Yohanese 10:24

Ai dodagi ma goronaka de o Yahudi ma nyawa yamuruono naga iwimake ho yoboa de iwihigilolitoka. De ahao iwileha o Yesusika ato, “Adodoa ho naa ma dekanino Ngona nomihipongonohi ma titi ma gou-goungu abe Ngona igoungu o Mesia eko ko o Mesiaua? Kiani de ani demo ma gou-goungu nomihingahu ngomino la ufa hiadono miataoko ani demo ma titi ko itiaiua.”

Yohanese 10:6

Hokogea o Yesusu wohiketero la wahitararono abe Una hoka onangua abe yoboa yotobabudi. Masara o Yesusu ai hiketero gea ko yataokua ma titi.

Yohanese 16:12

De o Yesusu wahingahuohi ona iwitobaniikika wato, “Naga ma ngoeohi toigo tinihingahu masara ma oraha naa ko niapoauahi.

Yohanese 16:2

Angamoi ahao naga o nyawa inihihupu nia dodotoko ma tauino de hiadono inioluku ma titi nia ngongaku Ngohino. De igoungu naga ma oraha ahao iboa de ngini o nyawa initoma, ato kiani hokogea la iwihisanangi Ma Jou.

Yohanese 16:32

Ma naa nitotoihene e? Ahao naga ma oraha, iya, igoungu ma oraha gea adonoka, abe ngini ahao nimahikabarihi hiadono nikokilio nia kokitauika. De Ngohi ahao nihinoaika hiadono duru tomatengoka. Masara gea igoungu, ko tomatengoua angamoi ka ihikaika ahi Baba naga Ngohioka.”

2 Korintusu 4:2

De mangale ngomi duru mioigo la mia tagongo gea mihidagi irahai ho ngomi duru mioluku mianiiki ma hininga abe ko itiaiua. Angamoi o hininga ko itiaiua gea nako o nyawa yodiaioka de yamao kiani yomahipongono done yamaleke genangino. Ho ma hininga gea duru mioluku midiai. De ngomi mia datorino o nyawa ko miabudiua, de ko mihikawalimua Ma Jou ai Demo-demo. De ngomi o demo ma gou-goungu dika duru miahiree-reeika o nyawaika. De naa Ma Jou ai himangoka de ka idadi tomahingahu abe ngomi ngaro mia datorino eko ngaro mia demoino masara gea ma gou-goungu dika ngomi mianii-niiki. Ho onagona dika abe manga hininga ma rorahaiino de yoigo imitailako mia wowango, ona gea ka idadi ihioriki abe ngomi miagou-goungu mianiiki to Una ai Demo-demoino.