Yohanese 16:16 - Ma Jou ai Demo-demo o Totobelohoka

¹⁶ De o Yesusu wahigila-gilahi wahitararono de ma titi abe ahao idadi wato, “Ma, naa ko itedekanokaua de ngini ko nihimakeokaua, masara topahaika de ahao ko itedekanuahi de ngini nihimakeokali.” Hokogea o Yesusu wahingahu ona iwitobaniikika.

Yohanese 16:16 ပူးပေါင်းရင်းမြစ်များ

Maruku 16:19

De nanga Baluhu idodutu o Yesusu hokogea wahibehehongo de ahao iwigoraka daku o Horogaiye. De daku o Horogaka de o Yesusu wogogeruku Ma Jou o Baba ai nirakoka la yomakutuono yahikoano mata-mataika.

Yohanese 12:35

De ahao o Yesusu wapaluhu onangika wato, “O dararono ko itedekanokaua naga nginioka. Ho ma oraha naa kiani niagurokahi la nitagi-tagi o dararonoka abe ma oraha ena gea nagahi nginioka, done ma oraha o fufutu iboa de inihidufutuokahi. Angamoi o nyawa abe o fufutuoka yotagi-tagi ko yomahiorikua o kiaika dika yoiki.

Yohanese 13:3

Masara o Yesusu wohioriki ai Baba o kuaha wihidoakoka Unangika la hiadono ko iwa moi abe ko idadiua wohipareta. De naa o Yesusu wohininga abe Una Ma Jouoka de waino de naa itigioka Una wolio Ma Jouika.

Yohanese 13:33

De o Yesusu wotemoli wato, “De naa ahi ngofa-ngofaka, kiani nihioriki ko itedekanokaua de Ngohi ko ihiwa nginioka. De ngini ahao nihilingiri masara hoka ma dihira tahingahuoka o Yahudi ma nyawa manga balu-baluhika, de naa ma titi gea nginikali tinihingahu, abe ko idadiuahi ngini nihiniiki abe genangika ahao Ngohi toiki.”

Yohanese 16:10

De abe ma titi o totiai ma gou-goungu enangoo kiani Ma Jou o Womaha wahitararono duru itaana. Angamoi Ngohi naa tagou-goungu tolio o Babaiye ho gea ihihitaana abe tatobagou-goungu ahi demoino de ko toelukua.

Yohanese 16:22

De imaketero hokogea idadi nginioka abe naa ma oraha nginioo nia hininga duru ihuha masara ahao homakamakeokali de duru nia hininga akokilufungoka de o garago. De gea ko moiua ka idadi apoa iniora nia garago gea.

Yohanese 16:28

Abe Ngohi naa toboakau de gea duru Ma Jouoka de tauku o duniauku naa. Ho o dunia tanoa naa de tolio o Babaiye.” Hokogea o Yesusu wahingahu ona iwitobanii-niikika.

Yohanese 16:5

De o Yesusu wahingahuohi ona iwitobaniikika wato, “De naa Unangikali tolio, abe Una gea wohihidingotino, gea Unangika tolio. De koaho ahi hingahu gea inihigarago masara homoi-homoiika nia hininga akokilufungoka de nia huha. Tinimake ngini naa hoka ko nisanangiua homakoketemo ma titi abe Ngohi tolio ahi Babaika.

Yohanese 17:13

“O Baba, naa ma oraha adonoka etolio Ngonaiye ho ahi gogahoko hokonaa tohiboa Ngonaiye ngaro Ngohi naga o dunia ma lokuokahi togogere. Abe ona naa tagahoko la manga garago ingodumu angamoi toigo la manga hiningaka yalufungoka de to Ngohi naa ahi garago.

Yohanese 17:5

Ma dihira Ngona de Ngohi homahidogogerohi abe ngaro o dunia ko idadiuahi ma, ahi medebini ma dararono gea nagau. Ho naa Baba togahoko la nohigilio Ngohino ahi medebini ma dararono abe imaketero hoka ma dihirali.”

Yohanese 7:33

De o Yesusu wahingahuohi ona mata-mataika wato, “Ko itedekanokaua Ngohi naga nginioka de ahao Unangikali tolio abe Una gea wohihidingoto naangino.

Hidingoto 1:3

Abe Una iwihikangela de iwihohonenge de hiadono womomiki ai honengino. Masara gea ipaha de ahao Una ai futu moruatino de ma ngoe womahimatoko iwinii-niikika la womahitaana abe Una ka wowangoli. De gea ma oraha womahimatoko onangika de ka ihikaika wahitararono abe ma titi hokokia Ma Jou wahikoano ai nyawaika.

Ibarani 12:2

De gea nanga popaata ma goronaka de kiani ka ihikaika homalega ka o Yesusika dika, angamoi Una gea ka idadi hihiromanga hato Una to ngone nanga ngongaku ma lifunu de ma dekaroo. Abe ma romanga gea ma titi hokonaa. Nako to ngone nanga ngongaku gea imulaenge Unangoka. De nako ahao ma oraha nanga roreebe ma batingika homahiadonikaka, Unangoo naga genangoka la ka idadi nanga ngongaku duru wohingodu-ngodumoka abe ma oraha homahiadono Unangika. Ho ngone naa ka idadi homaaduru abe hoka o Yesusoli ai hininga, angamoi Una ma dihiraino de ngaro o himaleke wohimanga abe kiani wohonenge o gota isosalioaka, masara ko iwitukorua de gea ena ai ngekomino. De gea Una ka wogila-gila dika de ai dongohono ka hiadono womahiadonika ma batingika angamoi genangoka de ahao wamake ai hadia o garago ma amoko Unangika. De gea womahiadonika de ahao wogogerukuoka Ma Jou o Baba ai kadera ma hohailoa ma nirakoka la genangoka Una de ai Baba yokoano.