Yohanese 14:5 - Ma Jou ai Demo-demo o Totobelohoka

⁵ De o Tomasa wileha o Yesusika wato, “Masara gea, mia Baluhu, ngomi naa ko mihiorikua o kiaika noiki ho done sarakia hiadono nato ngomi ma ngekomo gea mihiorikoka?”

Yohanese 14:5 ပူးပေါင်းရင်းမြစ်များ

Matiusu 10:3

De nagali o Filipusu, de o Batolomeusu, de o Tomasa, de o Matiusu abe una o pajaka ma tiwi wotobagaho-gahoko, de ahao naga o Yakobusu womatengoli abe to Alefeusu ai ngofaka, de nagali o Tadeusu.

Maruku 9:19

De ahao o Yesusu wataere onangika wato, “Adoo, ngini naa totokia? Ka muruonoka de ahao ngini naga de nia ngongakuoka Ngohino? De hokokiahi ma dekana abe Ngohi de ngini homahidogogere moi la hiadono ngini niakunu nimaaduru hoka to Ngohioli ahi datoro? Ho ibooto. Ai ngofaka gea niwiaoino Ngohino!”

Lukasa 24:25

De o Yesusu wotemo onangika wato, “Ngini naa done totokia hiadono nia hininga ko ataokua de abe nia pea itogowini! Angamoi ka ikurangohi niataoko Ma Jou ai Demo-demo mata-mata abe ai uru ma dodofanga ihitulihuku ma titi nanga Mesia abe Una ma dodihiraino de wonahibehehongoka.

Yohanese 11:16

De o Tomasa, abe iwihiromangoli o Hago, una wotemo ai dodiawoika wato, “Hosobo, Una hiniiki la ngoneoo homahidohonenge de Una.”

Yohanese 14:4

De ngini naa nihiorikoka ma ngekomo abe genangika toiki.”

Yohanese 15:12

De o Yesusu ka wahingahuohi ona iwitobaniikika wato, “De naa duru ahi behehongo nginika, kiani nimakodora imaketero hoka Ngohi tinidora.

Yohanese 16:5

De o Yesusu wahingahuohi ona iwitobaniikika wato, “De naa Unangikali tolio, abe Una gea wohihidingotino, gea Unangika tolio. De koaho ahi hingahu gea inihigarago masara homoi-homoiika nia hininga akokilufungoka de nia huha. Tinimake ngini naa hoka ko nisanangiua homakoketemo ma titi abe Ngohi tolio ahi Babaika.