De o Yesusu wotemo wato, “Naa tagou-goungu tinihingahu. Abe nako ngini naga de nia ngongakuoka de ko idomo-domoua, gea ahao ka idadi nginioo nidiai o heheranga ma datoro abe imaketero hoka nenangoli todiaioka. De tanu utuohi ilamoko ma heheranga ahao ngini niakunu nidiai nako de nia ngongakuoka. Abe ngaro ngini niahuloko o lokuika gea niato, ‘Nomagorakoka de nomahidulutuoka o gahiuku!’, de gea ahao idadi nako de nia ngongakuoka.
Yohanese 14:12 - Ma Jou ai Demo-demo o Totobelohoka12 De naa duru tagou-goungu tinihingahu nginika, onagona dika ihingaku Ngohino, onangoo ka idadi yodiai hoka Ngohioli todiai. De igoungu gea yodiai hoka Ngohioli todiai ma utuohi yodiai irahai idogo angamoi Ma Jou o Womaha wahidogo nako Ngohi toliokahi ahi Babaiye. အခန်းကိုကြည့်ပါ။ |
Yohanese 14:12
28 ပူးပေါင်းရင်းမြစ်များ
De ma gurutikahi de naga wamake o gogilioro ma gota o utu moi. De ma gota gea ngaro ma oraha ko adonuahi la ihofoko de o hofoko ma ago-agomo, masara biaha naga to ena ma hofoko ma domoro abe imakiniiki de ma hoka, de ma gota gea naga ihokaka ho ingodumoka ma hoka. Ho ma gotaika gea wolegahi la wato wamake ma hofoko. Masara wolegaika de ma hoka dika naga, masara moioo de ko iwa ma hofoko ma gotaka gea.
“Ho ufa niawohanga gea kangano tinihingahuoka, abe tato ngaro naa etoiki ma ahao toboali nginino. Ma, naa ko nisanangiua ho marai ko nihidoraua angamoi nako nihidora tanu duru nisanangi abe Ngohi naa toiki ahi Babaiye. Una ma hirete wohigorakiye de ka idadi Unangika tinigahoko utuohi ma rorahai angamoi nako Ngohi de o Baba, ka Unangohi wokurutiye.
De gea ko idadiua yaoluku abe gea igoungu Ma Jou o Womaha woboa o nyawauku gea, angamoi ona ma hirete yoihene de manga ngauku abe ona ko o Yahudi ma nyawaua gea yotemo-temo de o demo o fara moi abe ko yomadotokua. De nagali yamake abe ona ko o Yahudi ma nyawaua duru iwihigiriiri Ma Jouika. De ahao o Peturusu waleha onangika wato,
De muna gea o wange-wangeiye ka hokogea dika motobadiai abe momihidoo-doduru mia poretino hiadono o Paulusu ko wapoakaua ami demo gea. Ho una womidogilioro munangika de wotemo ma tokatika abe imanoa munangoka wato, “Naa ngohi tonihuloko de tapake o Yesusu Kristusu ai romanga. Abe tonihuloko la ngona ami badangoka de aino nohupuino de nominoaka!” Ka de hokogea wotemo de ma tokata imatitokoka munangoka de aino.
Abe hiadono o nyawa yaoino manga gahauku ma gegehe eko manga ngoere ma belaka moi la gea ena iwihiso o Paulusu ai badangino. De ma ngoere gea iwihiso ipahaino de ahao ka idadi yao manga dodiawoika abe yopopanyakeuku eko yakitokata de yagelenga manga badanguku. De gea ka de yagelengauku de yokokitogumoka manga kangelaino, de abe naga de manga tokatoka gea imatitokoka onangino!
De ma oraha naa Una naga daku o Horogaka wokoano de de Ma Jou abe to Una ai nirakoka wogogere. De imaketero abe hoka o Baba wohibehehongoka, Una wihidoaka Ma Jou o Womaha o Yesusika la Unangoli ka idadi womigopoa ngomiuku ai Womaha gea. De duru ena gea abe ngini niamake ngomioka o ngorumino naa, ho ngini niihenoka de niamakeoka Ma Jou o Womaha ai karajaanga to ngomi naa mia badangino hiadono nia demo homoi-homoi ka idadi niboriihene!”
De yohupuoka de ahao ma hihira ona yomakokeleha ato, “Done sarakia hodiai de ma nauru yahinootoika gea? Angamoi igoungu ona yodiaioka o heheranga nanga kota ma goronaka, de o Yerusaleemoka ma nyawa mata-mata yokokiihenoka ma titi manga heheranga gea, ho duru ko idadiua hoeluku hato ma heheranga ko yodiaiua.
De mangale ma titi o hidingoto ma nyawa manga datoro yotobadiai, ho o nyawa yopopanyakeoka manga dodiawo ka ihikaika yaoino de yakelenga o ngekomo ma datekoka, abe utu yao ka ma moi de manga ngingidu ma ngi de yakelengauku, de utuoli yao de manga nanao la yakelenga o ngekomo ma datekoka. De genangoka yakelenga la ato ma oraha o Peturusu woboaino de watilakuru de yonganono abe to una ai gurumini dika adaene yopopanyakeuku la genangino de yotogumu manga kangelaino.
Abe genangoka naga o nyawa yamuruono naga abe yakokitokata, masara ona o Filipusu waduhunu abe watitoko manga tokata, de ma oraha ma tokata ihupu manga badangoka de aino de duru ipoa-poaka. De nagali manga ngoe abe yolugu-lugu de yotalo-talo, de onangoo mata-mata wahikokitogumoka ho manga kangela ko iwaka.
De ahao o Peturusu wogahoko la ona mata-mata yokokihupu ma kamaroka de aino. De yokokihupuoka de una watilabukuku de womaniata Ma Jouiye. De womaniata ipaha de womaleloro la wohimanga ami honengika de wotemo wato, “Tabita, Nomomikiye!” Ka hokogea dika de muna ami lako mafelanga! De momalega o Peturusika de ahao momomiki de mogogeruku.
Abe ahi datorino gea naga utu o heheranga de o dodunguu ma ngoe todiaioka la o nyawa yongaku o Abari ma Rorahaiika, masara gea mata-mata Ma Jou o Womaha ai kuahaka de aino hiadono ngohi todiai. Ho o Abari ma Rorahai abe ma titi o Kristusu, gea tahingahu-ngahuoka o nyawa yowoe-woeika abe ngaro o Yerusaleeme ma kotaka de ka hiadono ona abe yogogere o Ilirikumu ma tonakoka abe duru kohagurutika imakitingaka ma tonaka gea. De gea ma titi hiadono ngohi duru togarago abe hokokia Ma Jou wohipakeoka la ka idadi tileleani Unangika.
ကြော်ငြာတွေ