Yohanese 14:10 - Ma Jou ai Demo-demo o Totobelohoka

¹⁰ Ho abe ma titi Ngohi de ahi Baba, Una wogogere Ngohioka de Ngohi naga ahi Babaka. Marai gea ngona ko nangakuahi e? Ma gea ahi demo ma titi ufa niafikiri to Ngohi dika ahi hiningaka de aino de tinihingahu. Masara mangale o Baba naga Ngohioka ho gea to Una ai karajaanga mata-mata todiai Ngohi.

Yohanese 14:10 ပူးပေါင်းရင်းမြစ်များ

Yohanese 10:30

De Ngohi naa de o Baba ngomi hoimoi.”

Yohanese 10:38

Masara ngaro ngini ko nihingakua, ma nako todiai gea abe o Baba wohihikarajaanga, kiani niangaku ahi karajaangika gea. Abe ka idadi nimadotoko ahi karajaangino gea hiadono nihioriki abe Ngohi naga o Babaka de o Baba naga Ngohioka ho ngomi hoimoi.”

Yohanese 11:26

De onagona dika yowango abe ihingaku Ngohino, ona ko yohonengua ka hiado-adonika.” De womileha munangika wato, “Nako ngona naa ka nongaku?”

Yohanese 12:49

Angamoi ahi demo gea ko ma titiua tomahohiningaiye dika de totemo. Hokogenangua, masara gea to ahi Baba ai demo. Angamoi gea o Baba wohihidingoto, ho to Ngohi ahi demo imakadaene hoka o Baba ai behehongo Ngohino, ho gea dika ahi demo.

Yohanese 14:11

Ngini kiani ahi demo niangaku abe hoka totemoka tato, ‘Ngohi togogere ahi Babaka de ahi Baba wogogere Ngohioka.’ Abe ngini naa ma dekanino nihinii-niiki ho ahi dodunguu o Babaino todiai niamakeoka. Ho ngaro ahi demo ko niangakua ma nginioo nihimake abe o heheranga todiaioka de gea to Unangoo ai dodunguu niamakeoka.

Yohanese 14:20

Ho o wange gea Ngohi towangokali de ahao ngini duru nihioriki Ngohi naga ahi Babaka, de ngini naga Ngohioka, de Ngohi naga nginiokaoo.

Yohanese 14:24

Angamoi ona abe ko ihidoraua gea ahi demo ko ihigihenua. De ahi demo ko to Ngohiua dika masara gea ahi Baba abe wohihidingoto Ngohi naa, gea to Una ai demoino tapake.”

Yohanese 17:8

Ho abe ani demo nohihidoaka Ngohino gea tahidoakoli onangika. De gea yodafongo dika hiadono ona duru ihioriki Ngona dika nohihidingoto, abe Ngohioo Ngonaka de taino.”

Yohanese 3:2

Ho o futu-futuoka de o Nikodemusu woboa o Yesusino de wotemo Unangika wato, “Guru, ngomi mihioriki gea Ma Jou wonihidingoto ngomino mangale miamake to Ngona ani dodunguu. Angamoi ko moiua ka idadi yodiai o heheranga abe hoka Ngonali nodiai nako ko Ma Jouokaua de aino.” Hokogea o Nikodemusu ai demo.

Yohanese 5:17

Ma o Yesusu wahingahu onangika wato, “Ko ma iwahi ma oraha ahi Baba ko wokarajaangua ho Ngohioo o wange-wangeiye ahi karajaanga ko itoa-toakua.”

Yohanese 5:19

De ahao o Yesusu wapaluhu onangika wato, “Naa duru tagou-goungu tinihingahu, ko moiua Ngohioka de tomahohiningaiye dika de todiai. Masara gea ena abe ahi Baba wodiai hokogenangoo imakadaene Ngohi naa todiai. Nako Ngohi dika ahi mau de todiai, gea ko todiaiua angamoi gea tamake o Baba wodiai, gea dika ka idadi Ngohioo todiai.

Yohanese 7:16

De o Yesusu wapaluhu onangika wato, “Naa tinidotoko ma titi ko tomahohiningaiyeua de todotoko, masara Una abe wohihidingoto, mata-mata Unangoka dika de aino ahi dodotoko naa.

Yohanese 8:28

Ho o Yesusu wotemo wato, “Ahao adonoka ma oraha o Nyawa ma Ngofaka niwihidoaiyeoka o gotaka, ma oraha gea de ahao ngini nihihioriki igoungu Ngohi Naga abe Ngohi Ma Jouoka de taino. Ho ma oraha gea de ahao nihihiorikoo duru ko moiua todiai abe Ngohioka dika de tomahohiningaiye, ma, totemo dika abe o Baba wohidotokoka, gea dika ahi demo.

Yohanese 8:38

Ngohi ma dihira togogere daku o Babaka ho mata-mata wohihimatoko Ngohino, gea tinihingahu nginika. De nginioo nidiaioka abe hoka homoi-homoiika niihenoka ti ngini nia babaino.”

Yohanese 8:40

Ma naa ngini duru nihihidee itorou niato nihitoma Ngohi naa, de gea ngaro toigo tinihingahu ma gou-goungu abe tamake Ma Jou o Babaino. Hokogenangua o Abarahaama wodiai.

Hidingoto 10:38

Abe o Yesusu Una o Nasaretoka ma nyawa, de Ma Jou wihidoaka Unangika Ma Jou o Womaha de nagali Ma Jou ai kuaha duru kohaamoko wihidoaka Unangika. De gea wihiakunoka de ahao o Yesusu wotagi-tagi abe ai datoro ma rorahai ka ihikaika wotobadiai. De o nyawa mata-mata abe o Ibilihi ma haeke yahikokangela onangika de o Yesusu wakokiduhunu manga kokangelaino gea. De gea mata-mata wakunu wodiai ma titi Ma Jou naga de de Una.”

2 Korintusu 5:19

De hokonaa mia hingahu ma demo o nyawaika la mia demoino de ka idadi ona o hikadame yamake Unangika. Abe mia demoino de miahingahu Ma Jou ai hininga o nyawaika, angamoi Una duru woigo la wahikadame o dunia ma nyawa la yomaketedodiawo de de Una. De gea ka idadi o nyawa wadafongo angamoi ma titi o Yesusu Kristusu ai honengino ho ko wolegaikakaua to ona manga howo-howonika. De to Una ai hikadame ma abari gea womihitagongo ngomino la miahingahu-ngahu o nyawa mata-mataika.

Kolose 1:19

De igoungu Unangohi wokokurutiye angamoi Una de Ma Jou o Baba duru yomatoteroino. Angamoi ma dodihiraka Ma Jou o Baba ai hidee la wato to Una ai hininga ma gahumu de to Una ai kuaha ma gahumu imanoa o Kristusoka la duru ka yomaketero dika abe manga hininga de manga kuaha Ma Jou o Baba de o Kristusu.

Kolose 2:9

Ho done ma titi o kia hiadono nihigihene manga demoika gea? Angamoi ngone naa o Kristusokau! De o Kristusu ai badangoka dika naga imanoa Ma Jou ai hininga ma gahumu de ai kuaha ma gahumu. Abe o kia-kia dika naga Ma Jouoka, gea mata-mata naga ingodumoka o Kristusu ai badangokaoo angamoi Una de Ma Jou o Baba duru hoimoi.

1 Yohanese 5:7

Ho naga hamake ma titi hange abe inahitararono nanga hiningaino la duru hohioriki abe ma titi o Yesusu Una gea tanu onaguna.