Yohanese 13:29 - Ma Jou ai Demo-demo o Totobelohoka

²⁹ De angamoi manga doomu ma tiwi naga o Yudasoka ho utu doka manga hiningaka yomatemo ato, “Marai nanga rame-rame ma inomo woiki wonaija,” de naga utu manga hiningaka imatemo ato, “Bote wihidingoto la o tiwi wahidoaka o huha ma nyawaika.”

Yohanese 13:29 ပူးပေါင်းရင်းမြစ်များ

Yohanese 13:1

Ngade-ngade adonoka o Totilakuru ma rame-rame abe ma dawangeino de o Totilakuru ma inomo yolomo. De gea o Yesusu wohioriki ai gahe adonoka abe kiani o dunia wanoa la wolio ai Babaiye. De o nyawa o duniaka abe yodadioka to Una ai nyawa, ko iwa ma oraha la o Yesusu ko wadoraua. Masara naa de ahao wahimatoko to Una ai nyawaika abe ai dora ma gahumu onangika hiadono ngaro wohidohonenge masara duru ko itoakua ai dora gea.

Yohanese 13:28

Hokogea wotemo o Yesusu masara ona o meja ma datekoka gea ko moiua de ataoko itiai ma titi ai demo o Yudasika gea.

Galatia 2:10

Ho ona o gareja ma hihira genangoka duru ko yodogoua ahi abari ma demoino. Masara naga moi dika manga behehongo ngomino, de gea la ngomi duru miolegaika de ufa miawohanga nanga gogianongoru yohu-huha manga pereluika abe ona o Yahudi ma nyawa de abe yogogere o Yerusaleeme ma kotaka. De gea manga behehongo duru ko itubuhoua ngohino, angamoi ngohioo nengokadauinohi de todiaioka ho tosanangi enangika de ihimagawe hokogea todiai.

Efesusu 4:28

De abe naga utu nginioka nitobatohiki o nyawa utu manga kiahonanga, gea ibootohi nitohiki, masara koaho nimakarajaanga irahai de ti ngini nia giama la ka idadi nimahidailako nia perelu. De gea ahao ka idadi niaduhunu abe ona yohu-huhaika, abe naga nia karajaanga ma hasilino abe gea ka idadi niahikodoku onangika.