Yohanese 13:24 - Ma Jou ai Demo-demo o Totobelohoka

²⁴ Ho o Simono Peturusu wigawi-gawi unangika gea la wihuloko unangika wato, “Abeika, nileha onaguna.”

Yohanese 13:24 ပူးပေါင်းရင်းမြစ်များ

Lukasa 1:22

De ahao ma oraha o Sakaria wohupuino de ko wadadiokaua wotemo-temo onangika ho bowahu ka wotumu-tumutu dika angamoi womouokahi. Ho ona ato, “Maraioka o himatoko naga wamake Ma Jouino doka ai tau ma goronaka gea.”

Lukasa 5:7

Ho ona yagawi-gawi manga dodiawoika la ma ngotiri moioli ihiboaoko de yaduhunu. De yoboaoko de manga homa ihidogorakiye de ma ngotiri hinooto gea duru aomanga de o nawoko hiadono ngade-ngade iwooro.

Yohanese 13:23

De naga womatengo iwitobaniikino abe duru o Yesusu widora de una womahiiduiye hiadono womahitangonika o Yesusu ai aluoko.

Yohanese 13:25

Ho una ai datekoka womatangonika o Yesusu ai aluoka wileha wato, “Ahi Baluhu, gea onaguna wonihidoaka ani musuika?”

Hidingoto 12:17

De ona ka yomataitemoika ho o Peturusu wodiai o dodunguu moi de ai giama la ona yomarii-riidoka dika. De yoriidoka de ahao wahingahu mata-mata abe idadioka unangika, abe hokokia nanga Baluhu wihihupu o bui ma tauoka de waino. Wahingahu ibooto de wahibehehongo wato, “Ngini niahingahu o Yakobusu de nanga gogianongoru utuikali abe hokokia idadioka naa.” De ahao o Peturusu una woiki o ngi moiikali.

Hidingoto 13:16

De hokogea yodiai ho o Paulusu una womaokoino de wodiai o dodunguu moi de ai giama la yomarii-riidohi de ahao wotemo wato, “Ahi gogianongoru o Isiraele ma nyawa, de ngini utu abe ko o Yahudi ma nyawaua masara ngaro hokogea ma niwihoromati de nimahuba-huba nanga Jouika abe o Isiraeloka manga Jou. Togahoko la ngini mata-mata nitotoihene ahi demoino naa!”

Hidingoto 21:40

De ma haeke wohimoteke, ho o Paulusu womaokoiye ma nguteoka de wataere de ai giama la o nyawa gea yomariidohi. De hokogea idadi abe ona mata-mata yomarii-riidoka, ho una watemo onangika de wapake to ona manga demo, o Ibarani ma demo abe yatobapake genangoka.