Yohanese 13:23 - Ma Jou ai Demo-demo o Totobelohoka

²³ De naga womatengo iwitobaniikino abe duru o Yesusu widora de una womahiiduiye hiadono womahitangonika o Yesusu ai aluoko.

Yohanese 13:23 ပူးပေါင်းရင်းမြစ်များ

2 Samuele 12:3

Masara womatengoli gea abe una duru wohuha, to una ai domba ka moi abe ena ma beka ka ma ngofakohi. De ai domba ma ngofaka gea womaijaino de duru wahidopaliara ka ma moi de ai ngofa-ngofaka. De ai dofo o domba ma ngofaka gea duru iwibiaha ho ka ihikaika naga ai datekoka de iolomo to una ai inomino de iokere to una ai ngokerino. De ma oraha womaidu de ai dofo gea duru yoigo imahitotirika ma dutuika de unangoo duru wosanangi imapanginino ai aluoka. Hokogea ai domba ma beka wodora imaketero hoka to una ngoi ora womidora.”

Lukasa 16:22

“De ika-ika de o huha ma nyawa gea wohonenge de Ma Jou ai momalaekata iwiao nanga tofora o Abarahaama ai datekika o Horogaka. De ipahainoli de wokaya-kaya unangoo wohonenge de iwilungunu.

Yohanese 1:18

De Ma Jou, Una gea o nyawa ko ma moiuahi iwimake ai rupa. Masara naga Ma Jou o Ngofaka ka womatengo dika de ai hininga duru adaene Unangika abe ona yomatoteroino. De ai Ngofaka Una wonahimatoko ngoneino Ma Jou ai hininga la hiadono ka idadi duru hihioriki.

Yohanese 11:36

Ho o Yahudi ma nyawa genangoka iwimake woari de ato, “Abeika duru wihininga, hiokoo!”

Yohanese 11:5

De igoungu o ngo Marata, de ngomi dodoto o ngo Maria, de manga iranga o Lasarusu o Yesusu duru wadora.

Yohanese 13:24

Ho o Simono Peturusu wigawi-gawi unangika gea la wihuloko unangika wato, “Abeika, nileha onaguna.”

Yohanese 13:25

Ho una ai datekoka womatangonika o Yesusu ai aluoka wileha wato, “Ahi Baluhu, gea onaguna wonihidoaka ani musuika?”

Yohanese 19:26

De o Yesusu womimake ngoi meme de genangoka wimakeoli womatengo winii-niikino abe duru widora. De wotemo ngoi memeika wato, “Ele, ahi dodiawo gea ahao wodadi hoka to ngona ani ngofaka.”

Yohanese 20:2

Ka de gea mamake de o ngo Maria gea momapopaata moiki mahingahu o Peturusu de una winii-niiki womatengoli, abe una gea duru o Yesusu widora. Ho ka de moboa manga ngiika de mahingahu onangika mato, “Iwitohikoka! Gea nanga Baluhu ai honenge iwigorakoka ai lungunino de ko mihiorikua o kiaka iwikelenga!”

Yohanese 21:20

Ma oraha gea o Yesusu de o Peturusu yotagi-tagi yomakiniiki de o Peturusu womadogilioro de wimake ai dodiawo abe duru o Yesusu widora naga wahidoduruino. Naa una abe ma futu gea yomakutuono yolomo de una naga womahiiduiye hiadono womahitangonika o Yesusu ai aluoko de wileha wato, “Ahi Baluhu, gea onaguna wonihidoaka ani musuika?” Ho naa una gea abe o Yesusu de o Peturusu wahidoduruika.

Yohanese 21:24

De womatengo iwitobaniikino gea abe yoade-ade ato bote ko wohonengua, gea ngohi naa abe totulihi ma ade-ade naa. De mata-mata totulihi o bukuoka naa angamoi ngohi ma hirete de ahi lako hinooto tamake. Ho abe totulihuku to Yesusu ai ade-ade mata-mata naa duru ma gou-goungu mata-mata.

Yohanese 21:7

De una iwitobaniikino abe duru o Yesusu widora, wotemo o Peturusika wato, “Maraioka gea Una nanga Baluhu!” Ka de gea woihene de o Peturusu ai baju wagorakoka de womahidubuluino de ai baju ka ma moi angamoi manga karajaanga ma goronaka ho kanganoino ai baju wahuputoka. Ho womabajuku ibooto de womangumoka ma akeruku de o Yesusiha wotiboko.