Yohanese 13:19 - Ma Jou ai Demo-demo o Totobelohoka

¹⁹ “Ho abe ihitulihukuoka gea, ngaro ko idadiuahi masara naa tinihingahuoka nginika la ka de ma oraha gea idadi de ahao Ngohino nihingaku. De gea nihihioriki abe tomahiromanga Ngohi Naga abe Ngohi Naga de gea ahi romanga gea duru ihihitaana.

Yohanese 13:19 ပူးပေါင်းရင်းမြစ်များ

Maleaki 3:1

De Ma Jou o Yawe abe duru Wokokurutiye Una winipaluhu nginika hokonaa wato, “Abeika nitotoihene! Ngohi naa etohidingoto ahi nyawa abe wotobahingahu-ngahu ahi demo, de una gea ahao wohidiaiohi ahi ngekomo la Ngohi toboa nginika. De gea ipaha de ahao ka itodokanino de ti ngini nia Baluhu idodutu abe naa ma dekanino niwidodamaa de niwilingiri, Una ahao woboa to Una ai Tauika. De Una gea woboa de winihingahu-ngahu ma titi ahi behehongo ma demo nginika. Ho duru igoungu Una ahao woboa nginika.

Matiusu 11:3

De gea ai lelehaino ma demo wato, “Sarakia, Ngona naa igou-goungu Una abe iwihiromanga Ma Jou ai Behehongo abe ma dodihiraino Ma Jou womihibehehongokau? Ekola ko Ngonaua? Angamoi nako hoka Ngona ko to Unangua ai Behehongo, bote koaho womatengoli ngomi wiwilingiri abe Una wodadi ma Behehongo Ma Jouino.” Hokogea to Yohanese ai leleha o Yesusika.

Matiusu 24:25

“Ho naa ma dodunguu mata-mata tinihingahuokau la ngini nihioriki abe ahao hokokia idadi ma oraha o dunia ma bobaha itigioka. Ho nako ma dodunguu gea ko idadiuahi, ufa o nyawa inibudi la hiadono niataoko abe ma bobaha gea adonoka. Ho naa ma moioli tinihitiari tato ngini kiani ka ihikaika nimaagoana done inibudi ma titi o dunia ma bobaha!”

Lukasa 21:13

De gea ma oraha abe ka idadi nimahingahu onangika ma titi nia ngongaku Ngohino.

Yohanese 1:15

De gea Una ma titi abe o Yohanese wahingahu-ngahu o nyawaika duru waamo-amokiye wato, “Ma dihira tato ahao naga womatengo Una wohihidoduruino, de ma oraha naa Una naga abe tinihingahuoka. De nako Una de ngohi, ka Unangohi wokurutiye angamoi ngohi ko tomaboauahi de Una nagau.” Hokogea o Yohanese wahitararono o nyawaika.

Yohanese 14:29

Naa mata-mata ko idadiuahi de tinihingahuokau la ma oraha idadi de nimahihohininga ahi demo naa abe tinihingahuoka. Ho ngini kiani niangaku genangika abe ahao idadi la nia ngongaku ko ikelu-kelua.

Yohanese 16:4

Ahi demo naa tinihitihiraka la ma oraha mata-mata gea idadi de ka idadi nimahihohininga abe nia kangela gea Ngohi tinihingahuokau. Ma dihira ko tinihingahuahi angamoi Ngohi nagahi nginioka de manga dohata ma dumutu ka Ngohino dika.”

Yohanese 4:26

De o Yesusu wotemoli munangika wato, “Ngohi naa naga abe homakoketemo. Abe Una gea nifetongo nato o Mesia, gea Ngohi naa.”

Yohanese 8:28

Ho o Yesusu wotemo wato, “Ahao adonoka ma oraha o Nyawa ma Ngofaka niwihidoaiyeoka o gotaka, ma oraha gea de ahao ngini nihihioriki igoungu Ngohi Naga abe Ngohi Ma Jouoka de taino. Ho ma oraha gea de ahao nihihiorikoo duru ko moiua todiai abe Ngohioka dika de tomahohiningaiye, ma, totemo dika abe o Baba wohidotokoka, gea dika ahi demo.

Yohanese 8:58

De o Yesusu wapaluhu onangika wato, “Naa duru tagoungu tinihingahu nginika, o Abarahaama gea ko womaboauahi de Ngohi Naga.”