Yohanese 13:17 - Ma Jou ai Demo-demo o Totobelohoka

¹⁷ De naa ngini nihiorikokau ahi behehongo gea ho duru niamake ma owa ma gou-goungino nako nimaketeleleani abe hoka tinihimatokoka.” Hokogea o Yesusu wahitararono ona iwitobaniikika.

Yohanese 13:17 ပူးပေါင်းရင်းမြစ်များ

Dodadi 6:22

De o Nuhi wihingounu Ma Jou abe wodiai mata-mata wataana abe Ma Jou wihibehehongoka unangika.

Higiriiri 19:11

De hongoli ngohi ani nyawa nohihidumutu ma totiaiika abe ma titi ani dodotokino gea, de onagona dika yomahidodiai yaniiki enangika ahao yamake manga utumu duru ihohailoa.

Huhupu 40:16

Hokogea Ma Jou o Yawe wihibehehongo o Musaika de o Musa wodiai duru waniiki itiai Ma Jou ai behehongo mata-mata gea.

Sosawaro 29:18

Nako o nyawa o dutu moioka de yoluku yotoihene Ma Jou ai behehongo onangika, ona gea yahiraramaka de manga hafini o dorouika. Masara onagona dika yotobahingounu to Una ai Paretaika, onangika gea Ma Jou duru wadosanangi.

Matiusu 12:50

Angamoi o nauru onaguna dika abe ka ihikaika waniiki ahi Baba o Horogaka ai mau, una gea tietongo to Ngohi ahi dodoto. De o ngo kia dika abe ka ihikaika maniiki Ma Jou ai mau, muna gea tomihiromanga to Ngohi ngohi firanga de to Ngohi ngohi meme.” Hokogea o Yesusu ai demo onangika.

Lukasa 11:28

De o Yesusu wopaluhu wato, “Iya, nagoungu, masara hongoli o nyawa manga sosanangi ilamoko abe yototoihene Ma Jou ai Demo-demoino de yatobaniiki enangika.”

Yohanese 15:14

De ngini naa nidadioka ahi dodiawo nako nidiai hoka tinihibehehongoka.”

Galatia 5:6

De gea nako ngone nagau o Yesusu Kristusoka, ngaro homahunaka eko ko homahunauahi, ma gea duru ko kia-kiaua Ma Jou ai himangoka. Masara abe duru iperelu, gea kiani naga nanga ngongaku Unangika. De nanga ngongaku gea ahao hahimatoko o nyawaika abe ma oraha ngone homakodora.

Yakobusu 1:25

Masara nako Ma Jou ai behehongo ma demoika, koaho irahai o nyawa ka ihikaika yomalega genangika. Angamoi to Una ai demo gea duru itotiai dika de ena gea ka idadi inahihupu o howono ma kuahaino la hiniiki ka Unangika dika. Ho onagona dika abe Ma Jou ai behehongo ma demoika ka ihikaika yomalega, ona gea ahao Ma Jou wahiowa onangika ma titi manga datorino. Angamoi ona ko yomakadaenua de una gea abe ka woihene dika Ma Jou ai demoino de ka de uku de to ena ma titi wawohangoka ho ko waniikua. Masara ona gea yatobaniiki Ma Jou ai demoika la genangino de Ma Jou ai mau yotobadiai. Ho mangale ma titi ona yomanoa Ma Jou ai demoka ho Una wasanangi onangika.

Yakobusu 4:17

Ho naa ngohi tinihibehehongo nginika tato onagona dika abe ona ihiorikoka abe o totiai ma datoro moi tanu kiani yodiai masara gea ko yodiaiua, ona gea yahowonoka.

Himatoko 22:14

“De onagona dika abe manga howo-howono akokiofioka ho hiadono ona yotebi-tebinoka, ona gea yomaketero abe hoka o baju yafokaka ho duru iarehoka o baju gea. De ona gea duru de manga utumoka, angamoi ona yahigunoa la yowohama ma kota ma goronaika abe ma dadaduhu ma ngoranino yowohama, de gea yahigunoa la o wowango ma gota ma hofoko ka idadi yaolomo.