Yohanese 13:12 - Ma Jou ai Demo-demo o Totobelohoka

¹² Ho ka de ona iwitobaniiki manga lou waihoro ibooto de ahao o Yesusu ai baju wagoraka de womahinoali de wolio ai gogogerika o mejaka. De ahao walehali onangika wato, “Sarakia gea todiaioka nginika, gea ma titi nihioriki?

Yohanese 13:12 ပူးပေါင်းရင်းမြစ်များ

Matiusu 13:51

De o Yesusu ma hiketero gea wahitararono ibooto de ahao wotemoli iwinii-niikika wato, “Naa moi tinileha nginika. Sarakia, ka idadi ngini niataoko ma titi ahi hiketero ma ade-adeino kangano?” De abe o Yesusu iwitobanii-niiki ona iwipaluhu Unangika ato, “Iya, ngomi ka idadi miataoko ma titi to Ngona ani demoino.”

Maruku 4:13

De o Yesusu wotemoli onangika wato, “Sarakia ahi hiketero kangano abe wohibarihi o bibiti, gea ko nihiorikua ma titi? Nako gea done sarakia o hiketero ma ade-ade utu de ahao nihioriki ma titi?” Hokogea o Yesusu wataere onangika de ahao ai hiketero ma ade-ade wahitararono onangika hokonaa la duru ihioriki ma titi.

Lukasa 22:27

“De naa moi tinileha la nimafikirohi. Nako o tau ma goronaka, ka onagonahi yokurutiye, abe una wolo-olomo ma mejaka eko una abe wotobaleleani ma inomo gea? Boteua una abe ma mejaka wolo-olomo ka unangohi wokurutiye! Masara abeika Ngohi naa! Angamoi ngaro Ngohi ti ngini nia Baluhu idodutu masara ka tinitobaleleani nginika! Ho koaho nimaaduru abe hoka Ngohioli ahi hininga la nia dodiawoika niatobaleleani!”

Yohanese 13:4

Ho naa o Yesusu de iwitobaniiki manga gogiriaka yolomo de o Yesusu womaokoino de ai baju wahuputu de wakelengauku jai-jai de ahao o handoko womagorakino de womahipakitino ai goronaino.

Yohanese 13:7

De o Yesusu wopaluhu unangika wato, “Ngona ko nohiorikuahi ma titi naa todiai masara, ika-ika de ahao ma titi nohioriki.”