Yohanese 12:36 - Ma Jou ai Demo-demo o Totobelohoka

³⁶ Ho kiani ningaku o dararonika ma oraha nagahi nginioka la gea nidadioka o dararono ma nyawa.” Ka de hokogea o Yesusu wotemo ibooto de woikoka de ahao womagogonoka ho ko iwimakeokaua.

Yohanese 12:36 ပူးပေါင်းရင်းမြစ်များ

Matiusu 21:17

De wapaluhu ibooto de o Yesusu wanoaika de wohupu ma kotaino gea de wolio o Betania ma kapongika de genangoka womaidu.

Matiusu 5:14

De o Yesusu wogila-gilali wadotoko onangika wato, “De ka idadi tinihiketero de moioli, abe ngini naa nimaketero abe hoka o dararono moi abe o dunia ma nyawa ka idadi yamake. Angamoi nia wowango ma datoro ma rorahaiino gea de niahimatoko o nyawaika Ma Jou ai totiai ma ngekomo la onangoo ka idadi yaniiki enangika. Ho ufa nia wowango ma rorahai niagogono o nyawaka dika angamoi done ko niahiutumua onangika. Angamoi ti ngini nia wowango duru imaketero hoka o kota moi abe o lokuoka imanoa de to ena ma hilo ma dararono duru itararono, abe gea duru ko idadiua imagogono la ufa o nyawa yamake ma kota gea. Ho gea nginioo ko idadiua nimagogono nia wowango o nyawa utuino.”

Lukasa 16:8

“De ipahaino de ai dutu wihioriki abe hokokia wotobauru-urusu wodiaioka la wato ai karajaanga ko itogumuahi de o nyawa manga ngoe iwisanangi unangika ma titi manga nagimi wohihutulu. Ho wohiorikoka ai datoro de ma dutu wihigiriiri wotobauru-urusika. De gea wihigiriiri ko ma titiua abe ai wowango wao ko itiaiua, masara wihigiriiri angamoi duru wososawaro wohiaturu o tiwi la ahao ma oraha adonoka de womamake ma utumu ai datorino gea.” De o Yesusu wato, “Ma hiketero gea tiniade-ade angamoi igoungu nako o dunia ma nyawa de o totiai ma nyawa masara ka o dunia ma nyawahi duru yososawaro ma titi manga gogaoino abe hokokia yomakao ona de manga dodiawoika.

Yohanese 1:7

Ma Jou wihidingoto o Yohanese o nyawaika la una wahingahu-ngahu onangika o dararono ma titi. De Ma Jou ai mau la o nyawa mata-mataika ihigihene de yangaku ai hingahu ma demoika.

Yohanese 11:54

De mangale manga hidee gea hiadono o Yesusu ko idadiokaua wotagi-tagi hoka ai biaha o Yahudi ma nyawa manga hidogoronaka la ufa o nyawa iwihioriki o kiaka waika. Ho woiki o ngi moiika imakadateke de o tonaka ma kakaahaka de genangoka Una de yangimoi de yahinooto iwitobaniiki yogogere o kapongo moioka ma romanga o Efaraimi.

Yohanese 12:37

De ngaro o Yesusu wodiai ai dodunguu duru ma ngoe o Yahudi ma nyawa manga himangoka abe duru yahiheranga masara ona ka yolukohi iwingaku Unangika.

Yohanese 12:46

Ngohi toboa o duniauku naa hoka o dararono abe o nyawa tahitararono la onagona dika ihingakuoka, ona gea ko yomanoakaua o fufutuoka.”

Yohanese 3:21

Masara ona abe yoboa o dararonino, gea o nyawa abe yoigo yaniiki ma gou-goungu Ma Jouino. Ho ma titi gea ona yowango de Ma Jou hiadono manga datoroka itaana yodiai itiai de gea o nyawa utu yamake de ihioriki Ma Jou dika wahiakunu onangika ka hiadono manga datoro itiai.”

Yohanese 8:12

De ahao o Yesusu wahingahuoli onangika abe naga genangoka wato, “Ngohi naa o dunia ma dararono abe o nyawa tahitararono manga wowango. Ho onagona dika ihiniiki Ngohi naa, ona ko yogila-gilakaua o fufutuika masara yamake manga wowango ma ngekomo abe duru de ma dararonoka.”

Yohanese 8:59

Ka de hokogea o Yesusu wotemo de o Yahudi ma nyawa gea manga hakaru yomulaenge yomagoraka ato iwihohonenge. Masara ka de hokogea yomagoraka o hakaru de ka itodokanino de o Yesusu ko iwimakeokaua angamoi woiki, Ma Jou ai Tau ma loaka de waino wohupuoka.

Efesusu 5:8

De igoungu ma dihiraino de ti ngini nia hininga ma dola ka o fufutuokahi dika, masara naa de ti ngini nia hininga nanga Baluhu idodutu wohitawangeoka la ma titi nia gogao Unangika ho gea ka idadi ngini niwihioriki itararono. Ho naa ngini nia wowangoka kiani o dawange ma wowango nimaaduru.

1 Tesalonika 5:5

Abe ngini mata-mata nidadioka o dararono ma ngofa-ngofaka de o dawangeoo ma ngofa-ngofaka. Angamoi ngone hingaku-ngakuoka ngone ko hogogerokaua o fufutuoka, ho ngone naa ko o fufutu ma nyawakaua.

1 Tesalonika 5:8

Masara mangale ma titi ngone hodadioka o dawange ma nyawa, ho hiadono ngone naa kiani homatongohono ma dorouino. De gea ngone kiani nanga ngongaku de nanga dora gea homahinoauku ngoneuku la gea ena idadi hoka nanga dadatoko ma baju de inadatoko ma dorouino. De nagali nanga nganganono abe ahao ma wange gea de nanga Baluhu ko wonahohowonua masara wonagoraka ngone daku o Horogaiye. De nanga nganganono gea ka idadi hohiketero abe hoka nanga pea ma dadatoko ma sapeo, angamoi ngone kiani ka ihikaika homahihohininga ma titi nanga nganganono la nanga hiningaka atatoko de hiadono ufa hopusingi abe ma titi o hohowono.