Yohanese 12:35 - Ma Jou ai Demo-demo o Totobelohoka

³⁵ De ahao o Yesusu wapaluhu onangika wato, “O dararono ko itedekanokaua naga nginioka. Ho ma oraha naa kiani niagurokahi la nitagi-tagi o dararonoka abe ma oraha ena gea nagahi nginioka, done ma oraha o fufutu iboa de inihidufutuokahi. Angamoi o nyawa abe o fufutuoka yotagi-tagi ko yomahiorikua o kiaika dika yoiki.

Yohanese 12:35 ပူးပေါင်းရင်းမြစ်များ

Sosawaro 4:19

Masara, duru imakohowono to ona yotobadiai itorou manga wowango ma datoro, abe to ona manga dodagi duru o fufutu ma ngekomo dika yanii-niiki. Ho ka ihikaika yopeleke de yoruba masara manga wowango ma dodagi o fufutuoka ho ko ihiorikua manga bebeleke gea o kia.”

Lukasa 18:37

De naga iwihingahu abe o Nasarete ma kapongino ma nyawa ai romanga o Yesusu, Una naga woboa ma ngekomino gea.

Yohanese 11:10

Ma nako o nyawa abe ko yahitararonua de Ma Jou ai mau, gea imaketero hoka yotagi-tagi o fufutuoka ho o kiahonanga ka yoduhuputu.”

Yohanese 11:9

De o Yesusu wopaluhu onangika la ihioriki ko kia-kiaua ahao idadi onangika ma dorou nako ma oraha ko adonuahi Ma Jou wahigunoa la yamake. Abe Una wotemo wato, “Sarakia ka o wangeohi naa naga? Nako o nyawa yotagi-tagi o wange-wangeoka ngaro o kia dika naga manga dodagioka ma ko yoduhuputua. De imaketero hokogea onagona dika abe yahitararono de Ma Jou ai mau ko idadiua manga wowango ihihanga Unangoka.

Yohanese 12:36

Ho kiani ningaku o dararonika ma oraha nagahi nginioka la gea nidadioka o dararono ma nyawa.” Ka de hokogea o Yesusu wotemo ibooto de woikoka de ahao womagogonoka ho ko iwimakeokaua.

Yohanese 12:46

Ngohi toboa o duniauku naa hoka o dararono abe o nyawa tahitararono la onagona dika ihingakuoka, ona gea ko yomanoakaua o fufutuoka.”

Yohanese 16:16

De o Yesusu wahigila-gilahi wahitararono de ma titi abe ahao idadi wato, “Ma, naa ko itedekanokaua de ngini ko nihimakeokaua, masara topahaika de ahao ko itedekanuahi de ngini nihimakeokali.” Hokogea o Yesusu wahingahu ona iwitobaniikika.

Yohanese 7:33

De o Yesusu wahingahuohi ona mata-mataika wato, “Ko itedekanokaua Ngohi naga nginioka de ahao Unangikali tolio abe Una gea wohihidingoto naangino.

Yohanese 8:12

De ahao o Yesusu wahingahuoli onangika abe naga genangoka wato, “Ngohi naa o dunia ma dararono abe o nyawa tahitararono manga wowango. Ho onagona dika ihiniiki Ngohi naa, ona ko yogila-gilakaua o fufutuika masara yamake manga wowango ma ngekomo abe duru de ma dararonoka.”

2 Korintusu 3:14

De ngaro ma dodihiraino gea de o Musa ai himangoka naga Ma Jou ai medebini ma dararono, masara o Isiraele ma nyawa ka yolukohi iwihigihene Ma Jou ai demoika, ho ona duru manga pea idadi itogowinoka. De ika-ika de ko akunokaua yataoko Ma Jou ai demo abe o Musa wadofanga onangika. De ma dodihiraino gea de ka hiadono ma oraha naa naga abe totulihi ahi gogiriaka nginika de o Isiraele ma nyawa manga totoforauku manga pea ma dogowini ka hokogea dika. Abe ngade-ngade imaketero hoka ma dodihiraino o Musa ai himanga ma dadatoko, de hokogenangoo ma oraha naa o Isiraele ma nyawa manga hininga ma dadatoko nagahi. Abe ma oraha ona yabasa ma behehongo ihira-hira gea de duru ko yahiutumua genangino. De manga hininga ma dadatoko gea ka idadi agoraka onangoka de aino iti ona iwingaku o Yesusu Kristusika, angamoi Una dika ka idadi wagoraka. Masara nako ko iwingakuahi gea ma dadatoko nagahi manga hiningaka.

Galatia 6:10

Ho ahao nako naga ma oraha la ka idadi haduhunu o nyawaika, gea ma oraha ma getongo kiani hale de hapake la o nyawa mata-mataika haduhunu. De hongoli nako nanga gogianongoruika abe ngone o ngongaku moi, abe onangika kiani duru inamagawe haduhunu.

Efesusu 5:8

De igoungu ma dihiraino de ti ngini nia hininga ma dola ka o fufutuokahi dika, masara naa de ti ngini nia hininga nanga Baluhu idodutu wohitawangeoka la ma titi nia gogao Unangika ho gea ka idadi ngini niwihioriki itararono. Ho naa ngini nia wowangoka kiani o dawange ma wowango nimaaduru.