Yohanese 12:29 - Ma Jou ai Demo-demo o Totobelohoka

²⁹ De o nyawa ko manga ngoe genangoka utu yotemo ato, “Yokuruuhu!” De utu ato, “Koua, ko yokuruuhua, gea o malaekata witemo Unangika.”

Yohanese 12:29 ပူးပေါင်းရင်းမြစ်များ

Huhupu 19:16

Ho de o futu hinooto gea ipaha de duru ka o ngoru-ngoruminohi de dakea ma loku ma tubuoka yoleletongo de yokuruuhu duru kohagiria de o lobi duru kohabirini iuti o loku dakea ma tubuku. De naga hoka o guguli ma ilingi kohaamokiye de yogirangika ka hiadono o Isiraele ma nyawa manga tau-tauoka yokokihawana ka hiadono yokokifafara.

Huhupu 20:18

Ka de o nyawa mata-mata gea yoihene ma kuruuhu de o guguli ma ilingi kohaamokiye gea, de yamake o leletongo de ma loku yahawoka de o nofo hokogea, de duru yokokihawana ka hiadono yokokifafara ho yomatingaka ma gurutika.

Hidingoto 9:7

De o Saulusu ai dodiawo naga abe yomakiniiki de de una o Damasiki ma kotaika ona duru yokokiherangoka de ko ihiorikua koaho o kia yotemo ho yomarii-riidoka dika. Angamoi onangoo yoihenoka o nyawa manga ilingi gea masara ma nyawa ko yamakeua!

Himatoko 11:19

De ahao daku o Horogaka ifelenga Ma Jou ai Tau ma hohailoa de gea ngohi ka idadi tamake gea ma goronaka naga Ma Jou ai Behehongo ma Peti, de ma peti gea idadi o hohininga abe ma titi to Una ai behehongo ai nyawaika. De ahao ka itodokanino de yoleletongo ma ngoeika de yokuruuhu duru yoliarika, de naga ma tonakoo ihikelu-kelu, de nagali o es ma awana ma dodogowini ipurarahuku dau o duniauku.

Himatoko 14:2

De ahao o ilingi duru ma amokiye toihene o Horogaka de aino, de o ilingi gea ma amokiye hoka o moku-moku ma ngoe ihohe ma koroongo, eko hoka yokuruuhu duru ma amokiye de yoliarika ma ilingi. De nako ma ilingi ma rupa, gea ngade-ngade hoka o nyawa manga ngoe yapita-pitata manga hitar ma hohumuduru ma ilingi ma rupa, masara naa ena o hitar o fara moi.

Himatoko 6:1

De gea ipaha de ngohi tamake o Domba ma Ngofaka wafelenga ma dabi ma guihi moi abe ma buku ma luluoka. De gea wafelenga de ahao ma aewani ma ngango moi abe ma aewani iatino gea itemo de ma ilingi hoka yokuruuhu, de gea itemo ato, “Nainohi!”

Himatoko 8:5

De gea ipaha de ahao ma malaekata gea wale o ngaboho o huhuba ma ngioka de wohiomanga ma ngi gea abe de ma manyanyioka abe naga ai giamoka. Ho gea ma ngi aomangoka de ahao una waumo dau o duniauku. De gea ka de waumo de ahao naga o kuruuhu ma ilingi, de naga o leletongo, de naga ma tonaka ihikelu-kelu.