Yohanese 12:13 - Ma Jou ai Demo-demo o Totobelohoka

¹³ De ona ato yoiki iwibuhuku ho o biso ma hoka yomakokigoto de yoiki o Yesusu iwikokibuhukika de yopoa-poaka ato, “Hihigogiriiri Ma Jou! Una woboaino naa Ma Jou ai uru ma dodofanga! De Unangoo o Isiraele ma nyawa nanga Koano, ho higahoko ma owa Ma Jouino!” Hokogea iwihigiriiri o Yesusu.

Yohanese 12:13 ပူးပေါင်းရင်းမြစ်များ

Gogao 23:40

De nialeino o gota ma tage abe o gota o fara muruonino abe de ma tageoka, de o akere ma datekoka ka idadi nihidotoino o gota utu ma jaga abe de ma hoka kohamurubu la ena gea nialeino la nimahikatu nia hijai-jai ma tau homoi-homoiika. De o wange ihira gea nimaleinoli o gota ma rahai ma hofoko. Hokogea nia hidiai ibooto la itiai nimahuba de nihihigiriiri Ngohi Ma Jou o Yaweino o wange tumidino ma dekana.

Matiusu 23:39

De naa moioli tinihingahu nginika, abe ma oraha nginioka de tosobo de ahao duru ma dekana ipahaika de ahao nihimakeoli Ngohi. De gea kiani ihira ngini nihidafongo Ngohi abe niato, ‘De naa adonoka ma oraha abe Una naa wonahikoano hoka ma dodihiraka abe nanga tofora o Dautu wonahikoano, ho hihigiriiri Unangika!’ Ho nako hiadono ngini nihidafongo de nia demo gea, gea de ahao adonoka ma oraha abe ngini ka idadi nihimakeoli Ngohi naa.” De hokogea o Yesusu ai hininga ma huha ma demo o Yahudi ma nyawaika angamoi ona yowoe-woe iwioluku, de Una wohiorikokau abe ahao manga hohowono kohadubuho yamake ma titi manga ngolukino gea.

Matiusu 27:42

De gea yomakoketemo ato, “Masara o nyawa utu ka idadi waduhunu masara abeika nako de Una ma hirete ko wakunua womaduhunu. De Una womahingahu wato bari ngone o Isiraele ma nyawa nanga koano! Ho abeika Una wouti nenanguku o gota isosalioauku la gea wiwimake abe woutioka de ahao wiwingaku Unangika!

Yohanese 1:49

O Yesusu ai demo gea woihene de o Natanele wohidemo de ai heranga ma demo wato, “Mia Guru, gea mata-mata nohioriki e? Ngona igoungu Ma Jou ai Ngofaka. Ngona o Isiraele ma nyawa manga Koano!”

Yohanese 12:14

De gea o Yesusu wamakeokahi o keledai ma ngofaka de wobarene ma poretuku. Ho gea idadioka duru imaketero hoka ma dihira itulihukuoka Ma Jou ai Demo-demoka ato,

Yohanese 12:15

“Ngaro ka ibootohi nia hawana naga, Ngini o Yerusaleeme ma nyawa. Abeika, gea nia koano woboainoka, De womahitipokouku abe wobarenoka o keledai ma ngofaka ma poretoka.” Hokogea Ma Jou ai uru ma dodofanga ma dihira yotulihukuoka.

Yohanese 19:15

Ma, ka de yoihene o Yesusu widemo hokogea de o Yahudi ma nyawa duru yopoa-poaka ato, “Niwiaoka! Itaiti niwiaoka! Niwihidapakuika dika o gota isosalioaika!” De o Pilatusu waleha onangika wato, “Mode nia koano tihidapakuika o gota isosalioaika?” De ona manga hohidemo Ma Jouiye abe yokurutiye ona yopaluhu ato, “To ngomi mia koano wiwihioriki womatengo dika de gea o Kaisara!”

Himatoko 15:3

De ona gea mata-mata yonyanyi de iwihigiriiri Ma Jouika ma titi abe hokokia nengokadauino wokarajaanga ai huhuloko o Musaika de ma titioo abe hokokia wokarajaanga ai Domba ma Ngofakika. De gea ma nyanyianga ihiromanga ato, “O Musa de o Domba ma Ngofaka ma nyanyianga.” De gea ma nyanyianga ma demo yonyanyi ato, “To Ngona dika Jou ani karajaanga duru ikurutiye de duru inahiheranga! Ngona dika Jou to ngomi mia Baluhu idodutu abe ngaro mata-mataika ma ka to Ngonahi ani kuaha duru kohaamoko. To Ngona ani hininga de ani ngekomo duru ka itotiai de itobagou-goungu dika. Ngona nodadi o dunia ma popareta mata-mata manga Koano nokokurutiye!

Himatoko 19:16

De naga ai romanga moioli ihitulihika abe ai baju ma guru-gurutuku ma uguroko, de gea iwihiromanga ato, “O kokoano mata-mata manga Koano de o balu-baluhu mata-mata manga Baluhu idodutu.” Hokogea to Una ai romanga.

Himatoko 7:9

De gea ipaha de ahao ma moioli ngohi tomalegaika de tamake naga o nyawa duru ko manga ngoe yomaokoino to Una ai kadera ma himangoka de o Domba ma Ngofaka Unangoo ai himangoka. De abe ona manga ngoe yamuruono gea ko hakunua haetongo angamoi duru yowoeholi. De ona gea o dunia ma amokino yokokiboa, abe naga utu o dutu amomoiino, de naga utu o bahasa amomoiino, de ngaro o pareta amomoi manga kokawaahaino o dunia ma amokika ma naga utu genangoka de aino mata-mata. De ona gea yomahinoaukuoka de o baju ma guru-gurutuku ma gare-garehe de naga amomoiika yasoino o biso ma hoka angamoi duru yososanangi.