Yohanese 12:10 - Ma Jou ai Demo-demo o Totobelohoka

^10-11 De naga o Yahudi ma nyawa ka yodogo-dogo manga ngoe abe manga hohidimono ko yahigihenokaua angamoi iwingakuoli o Yesusika ma titi o Lasarusu gea. Ho mangale manga kokawaaha gea ko yaniikokaua ho hiadono manga hohidemo Ma Jouiye abe ka onangohi yokokurutiye yaputuhoka ato, “Kiani o Lasarusoo wohonenge.” Ho unangoo iwihidee ato iwitoma hoka o Yesusoli ato iwitoma.

Yohanese 12:10 ပူးပေါင်းရင်းမြစ်များ

Huhupu 10:3

Ho o Musa de o Harunu yoikoli o Firaunu ai tauika la iwitemoli ato, “Mia koano, Ma Jou o Yawe abe o Ibarani ma nyawa manga Jou, hokonaa wonileha ngonaika wato, ‘Muruonoka de ngona nahigunoa ahi nyawa yohupu o Mesiiri ma tonakino la ka idadi yomahuba Ngohiye? Ngona kiani nomahitipokouku ahi himangoka la ibootohi nohilawana Ngohi Ma Jou o Yaweino.

Matiusu 12:14

De o Farisi ma nyawa ka de gea yamake de yosoboka de yahoko manga dodiawo la yomatoomuino de yomakoketemo ma titi o Yesusu. Abe gea yomakokeleha hokokia ma ngekomo irahai la ka idadi o Yesusu iwitoma.

Matiusu 2:16

De igoungu ona yososawaro ko aniikua o koano o Herodese ai demo onangika. Ho ko iwihingahua unangika abe o Yesusu o kiaka ai ngi, angamoi ona ka iwirehenoka ho ka yogila-gila dika yolio. Ho ka de o Herodese wohioriki yososawaro gea iwibudi dika de duru iwihidafaeoka de ai ngamo ai hiningaka! Angamoi una duru woigo wihioriki ma ngofaka gea onaguna de ai ngi o kiaka la ka idadi iwitoma. De ahao una wohininga ona yososawaro manga demo abe iwihingahuokau ka furuono yamake ma murumu gea abe idadi o Koano ma hungi ai dodunguu. Ho mangale ma titi manga demo gea hiadono naa wahuloko ai tentaraika wato, “Niloiki o Beteleheeme ma kapongika de ma tonaka gea abe ihigilolitino de niakokitomaka to ona manga ngofa-ngofaka o nau-nauru mata-mataika abe gea manga ngumuru o taongo hinooto de imahikauku!” Hokogea o Herodese wahuloko onangika la wato ma ngofaka gea kiani Unangoo iwidaene.

Lukasa 16:31

“De o Abarahaama wotemo wato, ‘Koua! Abe nako ko yolegaikaua o Musa de Ma Jou ai uru ma dodofanga manga demoika, hokogenangoo ngaro womatengo ai honengoka de waino womomiki! Abe genangoo de ko yolegaikaua ho ko yotobaua manga howonino.’” De hokogea o Yesusu ai dodotoko ma demo onangika.

Yohanese 11:57

Masara o Farisi ma nyawa de o hohidemo Ma Jouiye abe yokokurutiye ahao manga kokawaahaika yahibehehongoka ato, “Nako o Yesusu niwimake kiani nimataiti nimihingahu la ka idadi wiwitaoko.” Hokogea o Yahudi ma nyawa duru iwilingiri o Yesusu.

Yohanese 12:9

De ma oraha gea o Yahudi ma nyawa ko manga ngoe yoihene o Yesusu naga genangoka ho yoboaino o Betania ma kapongino la ato o Yesusu iwitutumu de duru yoigo o Lasarusoo iwimake abe wihimomikino ai honengino.