Yohanese 11:54 - Ma Jou ai Demo-demo o Totobelohoka

⁵⁴ De mangale manga hidee gea hiadono o Yesusu ko idadiokaua wotagi-tagi hoka ai biaha o Yahudi ma nyawa manga hidogoronaka la ufa o nyawa iwihioriki o kiaka waika. Ho woiki o ngi moiika imakadateke de o tonaka ma kakaahaka de genangoka Una de yangimoi de yahinooto iwitobaniiki yogogere o kapongo moioka ma romanga o Efaraimi.

Yohanese 11:54 ပူးပေါင်းရင်းမြစ်များ

2 Samuele 13:23

De o Anono ai datoro ma dorou gea idadioka de o taongo hinooto ipahaikali de ahao ma oraha adonoka la o Abasalomo ai domba ma gogo yaguti. De gea yaguti o Efaraimi ma kota ma digi-digino abe ma ngi ihiromanga ato o Baala Hasoro. Ho o Abasalomo wahoko ai ria-dodoto mata-mata abe onangoo ma koano ai ngofa-ngofaka o nauru la ona mata-mata yaniiki ma oraha ai domba ma gogo yaguti.

Yohanese 10:40

De ahao o Yesusu wolio doka o Yorodani ma akere ma honongaika, ma ngiika abe ma dihira o Yohanese genangoka womahidodogumu de o nyawa waohiki, genangika woiki. Ho o Yesusu womahiadonika o ngioka gea de ahao genangoka wogogere.

Yohanese 18:20

De o Yesusu wipaluhu unangika wato, “Ngohi ka ihikaika totemo la o nyawa mata-mata abe yoigo yoihene ka idadi yoihene. De ngaro o kiaka dika o nyawa yomatoomuino la yomadotoko, ngaro Ma Jou ai Tauoka de ngaro o dodotoko ma tau-tauoka, ma genangokaoo ka ihikaika o Yahudi ma nyawa tadotoko. Ho ko ma moiuahi tomagogono o nyawa tadotoko.

Yohanese 7:1

De ipahaino o Yesusu waika waino o kapo-kapongika abe o Galilea ma tonakoka dika angamoi naga o Yahudi ma nyawa manga balu-baluhu o Yudea ma tonakoka iwihidee ato iwitoma. Ho ngaro ma dihira wotagi-tagi o kapo-kapongika o Yudea ma tonakoka ma naa ko woikuahi genangika.

Yohanese 7:10

Ho ai doo-dodoto yopahaka yoiki o rame-rameika gea de ahao o Yesusoli woiki wahiduru, ma gea hoka womatohiki dika la ufa hiadono o nyawa iwihioriki.

Yohanese 7:13

Masara o Yahudi ma nyawa gea ko moiua yamoroini yaamo-amokiye yotemo angamoi duru yamodongo manga balu-baluhika.

Yohanese 7:4

Abe hoka ani biaha nodiai, gea kiani nahimatoko o dunia ma nyawa mata-mataika! Abe hohiketero hoka nako naga womatengo duru woigo womahingahu o nyawa manga ngoeika, gea ko womahitobahipongonua.”