Yohanese 11:53 - Ma Jou ai Demo-demo o Totobelohoka

⁵³ Ho ma wange gea abe o Kayafasa wotemo wato, “Koaho o nyawa moi dika wohonenge la ufa hokokibinaaha,” duru o wange gea de yomulaengoka duru yolingiri ma ngekomo la ka idadi yamake ma titi hiadono iwihidadi iwitoma o Yesusu.

Yohanese 11:53 ပူးပေါင်းရင်းမြစ်များ

Dodadi 37:18

De o Yusupu ko ai gurutikahi de ai ria-riaka iwimake abe woboaino de ona yomahikokagaro iwihidee ato iwitoma.

Nehemia 4:16

De o wange gea de imahikaika ahi nyawa taregu la ma oraha o regu moi yokarajaanga de o regu moioli yao manga dae o kuama, de manga toimi, de o dadatoko ma baju de o parangi ma dadatoko. Ho o regu gea yomaokoino manga pore-poretoka la yagoana ona abe o dadaduhu yokarajaanga.

Higiriiri 2:2

Abeika o dunia ma kokoano yomaketerimoi yomahidiai yoparangi, De naga utu o dimo-dimono yolingiri o lolaku ma dodagi, Manga hidee ma dorou gea ato ihidagi Ma Jou o Yaweika, Hiadono ato yahikala Ma Jou de ma koano abe Una womadingakoka.

Matiusu 12:14

De o Farisi ma nyawa ka de gea yamake de yosoboka de yahoko manga dodiawo la yomatoomuino de yomakoketemo ma titi o Yesusu. Abe gea yomakokeleha hokokia ma ngekomo irahai la ka idadi o Yesusu iwitoma.

Matiusu 16:21

De abe ma oraha gea de imahikaino de o Yesusu ma ngoe wahingahu iwinii-niikika abe hokokia ahao idadi Unangika. De gea Una wahingahu onangika wato kiani o Yerusaleeme ma kotaika woiki de genangoka ahao o Yahudi ma nyawa manga balu-baluhu iwihikangela Unangika. Abe to ona manga hidemo Ma Jouiye abe yokokurutiye de abe ona yotobadoto-dotoko o Musa ai Paretaino de manga hibaluhu utuoli naga, masara ona mata-mata ahao iwihikangela de hiadono iwitoma Una. Masara Una wahingahuoo onangika wato ai wange hange dika de womomikoka ai honengino.

Matiusu 22:46

De o Yesusu wotemo ibooto de moioo de ko iwa abe ka idadi iwipaluhu Unangika. De gea ipaha de o nyawa mata-mataika ko yamoroinokaua iwileha Unangika abe ato genangino de ihititi ai howono ai demoino.

Matiusu 26:4

De manga doomuoka gea de yomakoketemo la yomalingiri ma ngekomo hokokia yapake la ka idadi yomatohi-tohiki iwitaoko o Yesusu de iwihohonenge Una.

Matiusu 26:59

De doka o tau ma goronaka naga o Yahudi ma nyawa manga hohidimono abe yotobauru-urusu o nyawa yomakokitoomuinoka, abe naga ona yodadi manga hidemo Ma Jouiye manga hohidimono, de manga dodiawo utuoli naga ho ona mata-mata yongodumu genangoka. De ona gea mata-mata duru yolingiri ma titi la ka idadi iwihohonenge o Yesusu, ho o nyawa manga ngoe yahingahu onangika abe hokokia iwimake o Yesusu ai datoro ma dorou eko yoihene ai demo ma dorou. Masara moioo de ko amakeua ma titi la genangino ka idadi iwihohowono, angamoi o nyawa gea manga ngeluku ma demo ko imakadaenua.

Maruku 14:1

De ipahaino de ahao naga o wange hinootohi de naga ma oraha abe o Yahudi ma nyawa ihirame-rame manga rame-rame hinooto. Abe moi o Totilakuru ma rame-rame de moioli abe ihiromanga o Roti abe ko Iwa ma Ragi ma rame-rame. De ma rame-rame gea ko imulaenguahi de ona o hidemo ma nyawa Ma Jouiye manga hohidimono de onangoo abe yotobadoto-dotoko o Musa ai Paretaino ona yomakoketemo de gea iwihidee la ato o Yesusu yomatohiki abe iwitaoko de iwitoma.

Maruku 3:6

De o Farisi ma nyawa genangoka ka de gea idadi de yohupuoka de yoiki o Herodese ai dodoomuika, de ahao ma doomu hinooto gea ona yomahikagaro la ato o Yesusu iwitoma.

Yohanese 11:47

Ho o Farisi ma nyawa yoihene manga ade-ade gea de ahao manga hidemo ma nyawa Ma Jouiye manga hohidimono yomakahoko la yomatoomuino ato yomahikaaturu. Ho gea yomatoomuinoka de yomakokeleha ato, “O kia ahao hodiai? O nauru gea ka ihikaika wodiai o heheranga ma ngoe ho nako hinoaika dika ahao o nyawa mata-mata ka iwingaku. De nako idadi hokogea o Roma ma nyawa ahao yoboaino de to ngone nanga ngi ma debi-debini naa akilianga de nanga tonaka inaora. Ho naa sarakia hodiai o Yesusika?”

Yohanese 12:10

De naga o Yahudi ma nyawa ka yodogo-dogo manga ngoe abe manga hohidimono ko yahigihenokaua angamoi iwingakuoli o Yesusika ma titi o Lasarusu gea. Ho mangale manga kokawaaha gea ko yaniikokaua ho hiadono manga hohidemo Ma Jouiye abe ka onangohi yokokurutiye yaputuhoka ato, “Kiani o Lasarusoo wohonenge.” Ho unangoo iwihidee ato iwitoma hoka o Yesusoli ato iwitoma.

Yohanese 7:1

De ipahaino o Yesusu waika waino o kapo-kapongika abe o Galilea ma tonakoka dika angamoi naga o Yahudi ma nyawa manga balu-baluhu o Yudea ma tonakoka iwihidee ato iwitoma. Ho ngaro ma dihira wotagi-tagi o kapo-kapongika o Yudea ma tonakoka ma naa ko woikuahi genangika.

Hidingoto 5:33

De manga demo gea ma hihira ma doomu yoihene de duru yongamo hiadono yomaputuhu ato kiani yahohonenge o hidingoto ma nyawaika.

Hidingoto 9:23

De ipahaino de o Yahudi ma nyawa manga hihira genangoka yomaputuhu ato kiani iwitoma o Saulusika.