Yohanese 11:49 - Ma Jou ai Demo-demo o Totobelohoka

⁴⁹ Hokogea manga demo masara manga hidimono o Kayafasa watemo onangika angamoi ma oraha gea una o hohidemo Ma Jouiye manga hidimono wokokurutiye, de watemo ona mata-mataika wato, “Ngini ko kia-kiaua nihioriki!

Yohanese 11:49 ပူးပေါင်းရင်းမြစ်များ

Matiusu 26:3

De ma wangeoka gea de naga o Yahudi ma nyawa manga hohidimono yomatoomuino o Kayafasa ai tauoka, abe una gea manga hidemo Ma Jouiye ma hibaluhu wokokurutiye. De naga genangoka to ona manga hidemo Ma Jouiye yokokurutiye yamuruono naga de nagali manga hohidimono utuoli yomakokitoomuino.

Lukasa 3:2

De abe ma oraha gea o Yahudi ma nyawaka to ona manga hidemo ma nyawa Ma Jouiye abe ka onangohi yokokurutiye gea o Hanasa de o Kayafasa. De abe ma oraha manga hihira gea mata-mata naga de manga kuahaka manga ngi homoi-homoioka, duru ma oraha gea Ma Jou ai behehongo ma demo moi ka wihiree-reeika o Sakaria ai ngofaka o Yohanesika. Abe ma oraha gea de o Yohanese wogogere o tonaka ma kakaahaka abe ko iwa o nyawa genangoka.

Yohanese 11:51

Masara o Kayafasa ai demo gea ko to unangua ai hiningaka de aino idadi. De ma oraha gea una o hohidemo Ma Jouiye manga hidimono wokokurutiye. Ho ma titi ai tagongo Ma Jouika gea hiadono Ma Jou wipake la wahingahu abe o Yesusu kiani ahao wohonenge la waduhunu o Yahudi ma nyawa mata-mataika.

Hidingoto 4:6

De nagali o Hanasa, abe ma oraha gea de una wodadi manga hidemo wokokurutiye Ma Jouiye, de nagali ai toroa o Kayafasa. De nagali o nauru utuoli abe o Hanasa ai dutu adaene, hoka ai dutu o Yohanese de o Alesandere de naga utuohi ai dutu.

1 Korintusu 1:20

De naa tinileha, o sosawaro ma nyawa ona mode Ma Jou wadafongo ma titi manga sosawaroino? Koua! Eko ona yotobadotoko o Musa ai Paretaino, onangoo mode ka idadi yomaduhunu hiadono yohapongo dakuiye? Eko ngaro ona abe o nyawa utu yahiromanga onangika ato, “Ona ma gou-goungu yotobalingiri,” ona yotobalingiri gea mode yamake o wowango Ma Jouoka ma titi manga lilingirino? Duru ko yamakeua! Ona gea mata-mata ko yamakeua o wowango ma ngango mangale ma titi ona yomahinganono manga sosawaroika dika, de masara o dunia naa ma sosawaro Ma Jou wodiai la idadioka ibodo.

1 Korintusu 2:6

Masara ahi demo gea ufa niataoko ihowono, de ufa ngini niafikiri ngomi duru ko miapake-pakeua o sosawaro. Angamoi ngomi abe o Abari ma Rorahai mihingahu-ngahu, ngomi igoungu o sosawaro ma demo miadoto-dotoko onangika abe yobaluhoka nanga ngongakuoka. Masara mia sosawaro ma demo gea ko o dunia ma sosawaroinoua, de ngaro o dunia naa ma popareta ma sosawaro, genangoo ma ko miapakeua, angamoi done o kiaka ma utumu hamake nako to ona manga sosawaroino hapake? Angamoi ma popareta gea ko yotedekanua de ko yaiwaka.