Yohanese 11:38 - Ma Jou ai Demo-demo o Totobelohoka

³⁸ De gea o Yesusu o Lasarusu ai lungunoka waika de ai hininga duru ihuhaholi. De o lungunu gea o aruku ho ma biono gea atatokoka de o hakaru ma amoko.

Yohanese 11:38 ပူးပေါင်းရင်းမြစ်များ

Dodadi 23:19

De ahao o Abarahaama ngoi fekata ami honenge womingotaka o Makapela ma arukika, de womikelengauku o aruku ma goronaka. De ma aruku gea naga o Kanani ma tonakoka abe imahitigi-tigino o Heborono ma kapongo de ko ikurutikaua de manga ngi abe ihiromanga o Mamere.

Matiusu 27:60

De ahao o Yesusu ai honenge o Yusupu wiao to una ma hirete ai lungunika, abe to Yusupu ai lungunu gea ko itedekanuahi abe afaitoka o hakaruika. De ai lungunika womahiadonoka de wihingohama de wikelengauku ma ngioka gea. De wikelengaukuoka de wohupu de ahao o hakaru moi ma amo-amoko waluluika la gea abe o lungunu ma biono watatokoka.

Matiusu 27:66

Ho gea ona de ma tentara yomakiniiki yoiki ma lungunika de yodiai o popareta ma dodunguu o lungunu ma dadatoko ma poretino. Abe ma dodunguu gea yahitiari o nyawaika la ufa aruwae ma lungunu gea. De ahao ma tentara gea duru yogoa-goana la ko idadiua o nyawa yomahitigi genangika.

Maruku 15:46

De o Yusupu wosobo de woiki woija moi o ngoere abe ma lawe duru ma alu-aluhu de ahao o Yesusu ai gotaika woiki. De waika de o Yesusu ai honenge wihiguti o gota isosalioauku de duru wihirako de o ngoere ma rorahai gea. De wihirako ibooto de ai honenge wiao o lungunika abe ma dihiraino de afaitoka o hakaruika. Ho ma lungunika gea wihingohamika. De wikelengauku genangoka de o hakaru moi ma amo-amoko waluluika la o lungunu ma biono wohitatokoka.

Maruku 8:12

De manga demo gea woihene de ai hininga ihuha de wowomaha waamo-amokiye de ahao wopaluhu wato, “Adodoa ho hiadono ngini naa o heheranga nigaho-gahoko? Ngohi tagou-goungu tinihingahu abe Ngohi naa duru toluku o heheranga todiai nia himangoka abe hoka ngini naa nioigo todiai.”

Lukasa 24:2

Masara yomahiadonoka de yamake abe ma dadatoko ma hakaru gea iluluokau ma lungunu ma ngoranoka de aino.

Yohanese 11:33

Ho gea o Yesusu womimake moari de o Yahudi ma nyawa abe iminiiki onangoo yoari, de ai hininga itagi manga huhaika gea ho hiadono to Unangoo ai hininga duru ihuha.

Yohanese 20:1

De o Gareja ma wangeoka ma ka ifufutuohi de o ngo Maria Madalena ka mongorumika o Yesusu ai lungunika. Ho ka de muna momahiadonika de mamake o aruku ma bionoka gea ko iwaka ma hakaru ma amo-amoko. Abe o hakaru ma amoko gea yapake la ai lungunu ma biono atatokoka, masara ma dadatoko ma hakaru gea ihikitingakoka ma bionoka de aino.