Yohanese 11:35 - Ma Jou ai Demo-demo o Totobelohoka

³⁵ De gea o Yesusu woarioka.

Yohanese 11:35 ပူးပေါင်းရင်းမြစ်များ

Dodadi 43:30

Masara ka de hokogea wotemo ibooto de kiani o Yusupu womataiti wohupu angamoi ai dora ilamoko ai dodotika hiadono ko womatongohonokaua. Ho wowohama o kamarika moi abe duru womatengoka de ahao duru ai koongo itifa.

Yesaya 53:3

De o nyawa iwidohata unangika hiadono ona iwioluku ho duru manga hohedu ma demo ma dorou unangika. Ho to una ai hininga ma huha duru ilamoko hiadono iwidotodiri ai badangika. De o nyawa manga ngoe ko iwigoua ho una wodadi hoka o nyawa manga gemono ma ngi. Ho de ma oraha iwitilakuru ai himangino de yomahiniporika la ufa yomalega unangika. Hokogea ngone o nyawa hiemono unangika de ngone hifetongo hato una duru ko kia-kiaua iwidaene.

Lukasa 19:11

De ipahainoli de naga o nyawa yotoihene o Yesusu ai demoino. De ahao wohidogo wadotoko de o hiketero ma ade-ade, angamoi ona hatoli yotigika o Yerusaleeme ma kotaiye. De ona manga ngoe ato bote ma oraha yomahiadoniyeoka o Yerusaleemiye de ahao imulaengoka abe Ma Jou wahikoano ai nyawaika. De gea ma titi hiadono ai hiketero ma ade-ade wahidoaka, la wahingahu onangika abe ma oraha ko yadonuahi abe ai nyawa Ma Jou wahikoano. De Una woigo wahingahuoo abe ma titi kiani yowango hokokia ma oraha Una wosoboka de ko woliouahi o duniauku.

Lukasa 19:41

De ona yogila-gilali de duru yomahitigika o Yerusaleemika gea de o Yesusu womalega ma kotaika de woari ma titi ai hininga ma huha.

Yohanese 11:33

Ho gea o Yesusu womimake moari de o Yahudi ma nyawa abe iminiiki onangoo yoari, de ai hininga itagi manga huhaika gea ho hiadono to Unangoo ai hininga duru ihuha.

Yohanese 11:34

De waleha wato, “O kiaka niwikelengauku?” De yopaluhu ato, “Mia Baluhu, abeika nomalega.”

Ibarani 4:15

De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.