Yohanese 11:33 - Ma Jou ai Demo-demo o Totobelohoka

³³ Ho gea o Yesusu womimake moari de o Yahudi ma nyawa abe iminiiki onangoo yoari, de ai hininga itagi manga huhaika gea ho hiadono to Unangoo ai hininga duru ihuha.

Yohanese 11:33 ပူးပေါင်းရင်းမြစ်များ

Maruku 3:5

De o Yesusu womalega arihononga de wongamo angamoi ai dohata o howonika. De ai hininga duru ihuha ma titi manga pea kohadogowini ho hiadono wakokidamaanoka. De witemo ai giama ihelu-helukika wato, “Nagorakiye ani giama.” De wagorakiye ai giama de idadi imakadaene abe hoka ai giama ma honongali ho itogumoka.

Maruku 9:19

De ahao o Yesusu wataere onangika wato, “Adoo, ngini naa totokia? Ka muruonoka de ahao ngini naga de nia ngongakuoka Ngohino? De hokokiahi ma dekana abe Ngohi de ngini homahidogogere moi la hiadono ngini niakunu nimaaduru hoka to Ngohioli ahi datoro? Ho ibooto. Ai ngofaka gea niwiaoino Ngohino!”

Yohanese 11:31

De o Yahudi ma nyawa, abe naga imilaru manga tauoka, ka de imimake muna momataiti mohupu de imihiduru angamoi ato bote moiki o lungunika, maika moari genangoka, masara muna o Yesusika dika moiki.

Yohanese 11:34

De waleha wato, “O kiaka niwikelengauku?” De yopaluhu ato, “Mia Baluhu, abeika nomalega.”

Yohanese 11:35

De gea o Yesusu woarioka.

Yohanese 11:38

De gea o Yesusu o Lasarusu ai lungunoka waika de ai hininga duru ihuhaholi. De o lungunu gea o aruku ho ma biono gea atatokoka de o hakaru ma amoko.

Yohanese 12:27

De o Yesusu wohigila-gila wotemo wato, “Ahi hininga naa duru ihuha! Ho koaho hokokia tomagahoko ahi Babaika? Sarakia, irahai la ahi gogahokino totemo tato, ‘Baba, tomagahoko la nohihihupu ahi kangelaino naa.’ Koua, ko togahokua hokogea mangale duru ma titi Ngohi toboa la toohimanga ahi kangela. De naa ahi kangela ma oraha adonoka.”

Yohanese 13:21

Gea o Yesusu wahingahu ona iwitobaniikika ibooto de ai hininga duru ihuha de wahingahuoli onangika wato, “Naa tagou-goungu tinihingahu, naga womatengo nginioka ahao wohihidoaka ahi musuika.”

Roma 12:15

De nako naga o nyawa abe yogogarago, nginioo ka idadi nigogarago de de ona. Masara nako naga o nyawa abe manga hiningaka yohuha, gea nginioo ka idadi niamao to ona manga huha.

Ibarani 4:15

De to ngone nanga Hidemo wokokurutiye Ma Jouika, Una gea ka idadi duru wonahioriki abe to ngone nanga hininga ma buturungu ka ikurangohi. Angamoi Unangoo ma dihiraino de iwihiata-atara ma ngoe, de abe o hiatara mata-mataika inadaene ngone o nyawaino, enangoo gea mata-mata iwidaenoka Unangika. Masara ngaro hokogea iwihiata-atara Unangika, masara Una duru ko wahowonua.