De dokengika abe ma wange gea adonoka de ahao ngini homoi-homoi ma tonakoka naa de duru niamao o dame nia kokihiningaka. Abe ma oraha gea de ka idadi niahokino ona nia date-datekoka la nigogeruku de nimakerekata abe nia tau ma loaka o gota ma timiuku eko nia redioka de nimaketeade-ade, de gea ko iwa nia hawana angamoi nia wowangoka de duru iriidoka.’ Hokogea Ma Jou o Yawe ai demo ngona o Yosuaika.”
Yohanese 11:28 - Ma Jou ai Demo-demo o Totobelohoka28 Gea o ngo Marata motemo ibooto de ahao moiki momigilio ngomi dodotika, o ngo Maria gea, de momitauru de momihihuduika dika munangika mato, “Nanga Guru woboaka de wonibehehongo.” အခန်းကိုကြည့်ပါ။ |
Yohanese 11:28
19 ပူးပေါင်းရင်းမြစ်များ
De Una wopaluhu de wahibehehongo onangika wato, “Ngini niloikohi doka ma kotaika. Doka ahao niwimake womatengo nanga dodiawo. De unangika gea niwitemo kiani hokonaa niato, ‘Hobata, nanga Guru wonihibehehongo wato, “Ahi gahe adonoka, de Ngohi toigo la bootino o Totilakuru ma rame-rame ma inomo Ngohi de abe ihinii-niiki ngomi miolomo to ngona ani tauoka.”’”
hiadono wolio ai tauika. Genangoka de ahao womatengoli niwimake abe o tau ma dutu, de unangika niwitemo kiani hokonaa ma demo. Abe gea nitemo niato, ‘Hobata, mia Guru wohibehehongo wato, “Ma hibau-bau ma ngi o kiaka abe bootino Ngohi de abe ihinii-niiki genangoka miolomo o Totilakuru ma rame-rame ma inomo?”’”
De una ko iwiwa genangoka o Yesusu ai ngioka ho ka de o Andareasa o Yesusu wirekata ibooto de wato, “Naa ko kia-kiauahi todiai la iti ahi riaka o Peturusu timakeokahi la naa tihingahu ma titi nanga guru naa.” Ho duru womataiti wilingiri ai riaka o Simono Peturusu. Ho ka de wimake de wihitodokanika wato, “Ngomi wiwimakeoka nanga Mesia.” O romanga o Mesia nako o Yunani manga demo gea o Kristusu de gea ma titi Ma Jou ai Behehongo abe ngone o nyawa wonahihohe nanga howonino.
De o Filipusu ahao wimake manga dodiawo o Natanele de wihingahu unangika wato, “Ngomi wiwimakeoka nanga Mesia abe o Musa wotulihukuoka Ma Jou ai Behehongo ma Bukuoka, de ma titi Una gea abe Ma Jou ai uru ma dodofanga onangoo ma dodihiraino inahingahuokau. De Una gea wiwimakeoka. Una o Nasaretino ma nyawa, o Yusupu ai ngofaka.”
Ho ka de una woboa o kurunga ma ngoranino de womatengoli abe naga wogoana ma ngoranoka, una ka wibelenga o ngorana la wowohama dika o domba ma gogoana ma dutu gea. Ho de womahiadonika ma ngoranino de ai ilingi o domba gea iwigihene. De ahao to una ai domba ma romanga homoi-homoi wafetongo de homoi-homoi ikokiboaino de ahao wohihira-hira la wohihupu ma kurungaino.
De una iwitobaniikino abe duru o Yesusu widora, wotemo o Peturusika wato, “Maraioka gea Una nanga Baluhu!” Ka de gea woihene de o Peturusu ai baju wagorakoka de womahidubuluino de ai baju ka ma moi angamoi manga karajaanga ma goronaka ho kanganoino ai baju wahuputoka. Ho womabajuku ibooto de womangumoka ma akeruku de o Yesusiha wotiboko.
Ho ngaro nagahi nia kangela eko nia dodotoko abe ka niohimangohi, masara naa ngohi duru tinihigaro la nimahiputurungu nia ngongakuika done nirehene genangino. Abe nako o roreebe ma hiketero hagorakoli, gea ngini kiani nia badangino nimahiputurungoli la ka idadi nimapopaata niuwini. De abe nia giama de nia buku ilolamaanoka, ena gea kiani nimahiputurungu la ka idadi nioaguru nia himangika de iputurungoka.
ကြော်ငြာတွေ