Yohanese 11:27 - Ma Jou ai Demo-demo o Totobelohoka

²⁷ Ho o ngo Marata mopaluhu unangika mato, “Ahi Baluhu, igoungu, duru tangaku Ngona naa o Mesia, Ma Jou ai Ngofaka, abe Una Ma Jou wohibehehongoka wato ahao woboa o duniauku, gea Ngona naa.”

Yohanese 11:27 ပူးပေါင်းရင်းမြစ်များ

Maleaki 3:1

De Ma Jou o Yawe abe duru Wokokurutiye Una winipaluhu nginika hokonaa wato, “Abeika nitotoihene! Ngohi naa etohidingoto ahi nyawa abe wotobahingahu-ngahu ahi demo, de una gea ahao wohidiaiohi ahi ngekomo la Ngohi toboa nginika. De gea ipaha de ahao ka itodokanino de ti ngini nia Baluhu idodutu abe naa ma dekanino niwidodamaa de niwilingiri, Una ahao woboa to Una ai Tauika. De Una gea woboa de winihingahu-ngahu ma titi ahi behehongo ma demo nginika. Ho duru igoungu Una ahao woboa nginika.

Matiusu 11:3

De gea ai lelehaino ma demo wato, “Sarakia, Ngona naa igou-goungu Una abe iwihiromanga Ma Jou ai Behehongo abe ma dodihiraino Ma Jou womihibehehongokau? Ekola ko Ngonaua? Angamoi nako hoka Ngona ko to Unangua ai Behehongo, bote koaho womatengoli ngomi wiwilingiri abe Una wodadi ma Behehongo Ma Jouino.” Hokogea to Yohanese ai leleha o Yesusika.

Matiusu 16:16

De o Simono Peturusu wipaluhu o Yesusika wato, “Ngona gea o Mesia, mia Koano abe ma dihira Ma Jou womihibehehongoka ngomino, ho Ngonaoo Ma Jou Wotobawango ai Ngofaka gea.”

Matiusu 16:20

De ai demo gea o Peturusika wotemo ibooto de ahao o Yesusu duru wahitiari onangika wato, “Ufa o nyawaika niahingahu abe Ngohi naa o Mesia abe ma dihiraino de Ma Jou winihibehehongokau.”

Lukasa 2:11

Abe o futu naa doka o Dautu ai kota ma goronaka de naga o ngofaka womatengo womaboaka abe ma titi winiduhunu ngini. De Una gea ahao winihihohe nia howo-howonino. De ma ngofaka gea nanga Baluhu abe Una gea ti ngini nia koano abe Ma Jou winihibehehongoka.

Yohanese 1:49

O Yesusu ai demo gea woihene de o Natanele wohidemo de ai heranga ma demo wato, “Mia Guru, gea mata-mata nohioriki e? Ngona igoungu Ma Jou ai Ngofaka. Ngona o Isiraele ma nyawa manga Koano!”

Yohanese 4:42

De ahao yotemo o ngofekaika gea ato, “Ma titi abe ngona ihira nomihingahu hiadono ngomi wiwingaku, masara naa wiwingaku angamoi ngomi ma hirete wiwimake de miihene ai demo abe Una ma hirete womihingahu. Ho naa duru mihiorikoka abe igoungu Una gea o nyawa o duniaka wahihohe manga howonino.”

Yohanese 6:14

De ai dodunguu naa o Yesusu wodiai duru yowoe-woe gea manga himangoka de yoheranga hiadono yomakoketemo ato, “Maraioka Una naa Ma Jou ai uru ma dodofanga abe nengokaino Ma Jou wohibehehongoka wato ahao woboa o duniauku.”

Yohanese 6:69

Ngomi naa miningaku abe duru minihioriki Ngona naa o Mesia, abe Ma Jou womadingakoka de wonihidingotuku ngomiuku.”

Hidingoto 8:36

De abe manga dodagi ma goronakahi de manga kereta imahitigino de o akere, ho una witemo o Filipusika wato, “Abeika, naga genangoka o akere! Ho boteua ngohi ka idadi tomaohiki naangoka dika!”

1 Yohanese 5:1

De onagona dika yongaku abe ma titi o Yesusu Una gea nanga Koano abe Ma Jou wonahibehehongoka, ona gea mata-mata yomaboaka Ma Jouino ho yodadi to Una ai ngofa-ngofaka mata-mataika. Ho to Ma Jou ai ngofaka mata-mataika, onangika gea abe ngone kiani hakokidora. De gea nako hoka hidora nanga gianongoru womatengo abe de ai ngofakoka, gea itararonoka abe to una ai ngofa-ngofakikaoo hadora onangika angamoi ona yomaboa unangino gea.

1 Yohanese 5:20

De hohiorikoo abe Ma Jou o Ngofaka Una woboaka ngoneuku de wonahidoakoka o hiakunu nanga hiningaka la ka idadi hihioriki Ma Jou idodutuika. De ngone homanoaka Ma Jou idodutuoka angamoi ai Ngofaka o Yesusu Kristusokaoo ngone homanoa. De o Yesusu Kristusu Unangoo gea Ma Jou idodutu, de o wowango ka hiado-adonika ma titi naga Unangoka. De gea mata-mata duru tonahigaro la tato ngone duru ka idadi hohioriki de honganono enangika.