Yohanese 11:26 - Ma Jou ai Demo-demo o Totobelohoka

²⁶ De onagona dika yowango abe ihingaku Ngohino, ona ko yohonengua ka hiado-adonika.” De womileha munangika wato, “Nako ngona naa ka nongaku?”

Yohanese 11:26 ပူးပေါင်းရင်းမြစ်များ

Matiusu 26:53

De mode ngona ko nohiorikua abe nako Ngohi tomagahoko o duduhunu ahi Babaika de ka jai-jai dika de wohiduhunoka? Abe nako togahoko la wahidingoto o malaekata duru yosana, gea ka de tomagahoko de ma malaekata yoboaka la ihiduhunu de ihidatoko o kangelaino gea. Ho gea tanu ngaro ufa de ngona nohidatoko!

Matiusu 9:28

De o Yesusu ona yomahiadonoka o tau moi de yowohamika ma goronaika la genangoka yomahiaini, de ona yahinooto yorafi-rafi ka iwihidoo-doduruohi. De hiadono onangoo yowohama ma tau ma goronaika. Ho o Yesusu waleha ona yorafi-rafika wato, “Sarakia, ngini ningaku abe Ngohi ka idadi tinihitogumu la hiadono nimahioriki?” De ona yahinooto yopaluhu ato, “Iya, mia Baluhu, ngomi naa mingaku abe Ngona ka idadi nomihitogumu.”

Maruku 9:23

De o Yesusu wato, “Mode ngona nohileha nato, ‘Nako Ngona ka nakunu?’ Angamoi o kia dika o nyawa yomagahoko Ma Jouino, gea mata-mata ka wakunu wodiai, iti o nyawa gea iwingaku Unangika.”

Yohanese 10:28

De onangika tahikokidoakoka o wowango ka hiado-adonika ho ona duru ko idadiua yobinaaha. De angamoi ona naga ahi giama ma hoatoka ho ko moiua yakunu ihiora ahi giama ma hoatino.

Yohanese 14:10

Ho abe ma titi Ngohi de ahi Baba, Una wogogere Ngohioka de Ngohi naga ahi Babaka. Marai gea ngona ko nangakuahi e? Ma gea ahi demo ma titi ufa niafikiri to Ngohi dika ahi hiningaka de aino de tinihingahu. Masara mangale o Baba naga Ngohioka ho gea to Una ai karajaanga mata-mata todiai Ngohi.

Yohanese 4:14

Masara onagona dika yokere o akere abe Ngohi ka idadi tahidoaka, gea ma moi dika yaokere de ko yopereluokaua yokere o akere gea. Angamoi o akere gea ahao idadi o akere ibubungiye manga badanga ma goronaka de genangino yomamake o wowango ma ngango ho ka hiado-adonika.”

Yohanese 5:24

De o Yesusu ko womatogumuahi wotemo onangika wato, “Naa duru tagou-goungu tinihingahu nginika, gea Ma Jou o Baba wohihidingoto Ngohi naa. De onagona dika abe ihigihene ahi demo hiadono duru iwingaku Ma Jou o Babaika, ona gea yamakeoka o wowango ma ngango abe ka hiado-adonika. De mangale ma titi o nyawa abe ko ihingakuahi Ngohino ona gea manga wowango ma honenge ho ka de ihingaku de manga wowango aturuuruoka abe idadi o wowango ma ngangoli. De ona gea ahao o hone-honenge ma hohowono ko yadaenokaua angamoi o wowango ma ngango nagau onangoka.”

Yohanese 6:47

De o Yesusu wohigali-gali wahitararono onangika wato, “Naa duru tagou-goungu tinihingahu, onagona dika ihingaku Ngohino, yamakeokau o wowango ka hiado-adonika.

Yohanese 9:35

Ka de o Yesusu woihene abe worafi-rafi gea manga dodotoko ma tauoka iwiumoka ma hoanika de wilingiri una. Ho gea ka de wimake de o Yesusu wileha unangika wato, “Sarakia, nako o Nyawa ma Ngofaka ngona ningakuoka Unangika?”

Roma 8:13

Angamoi nako o nyawa de manga wowango ma goronaka de yanii-niiki manga badanga ma hafini ma dorouika, gea ahao manga wowango hoka ihonengoka angamoi gea ka yomakitingaka Ma Jouoka de aino. Masara Ma Jou o Womaha wonahiakunu la ka idadi nanga badanga ma datoro ma dorou gea hatingakika! De nako nanga datoro gea hatingakika, gea ahao nanga wowango duru irorahai angamoi imakiniiki de Ma Jou ai mau.