Yohanese 11:15 - Ma Jou ai Demo-demo o Totobelohoka

¹⁵ De ngaro o wange gea wohonenge Ngohi ko ihiwa, ma tosanangi dika ko tidaenua, angamoi naga ma titi gea idadi. De gea la ngini nimangaratii abe nia ngongaku kiani ka Ngohino dika.” De ahao wotemoli wato, “Hosobo, hoiki unangika.”

Yohanese 11:15 ပူးပေါင်းရင်းမြစ်များ

Dodadi 26:24

de o futu gea Ma Jou o Yawe womahimatoko o Isakika de wihingahu wato, “Ngohi Ma Jou abe ani baba o Abarahaama womahuba Ngohino ho tomahiromanga to Abarahaama to una ai Jou. Ho ngona ngaro ufa nohawana ngaro o kiaka dika naika angamoi Ngohi ka ihikaika toniniiki. De Ngohi ka ihikaika tonihiowa de ahao ani totoforauku tahidadi la yowoe-woeuku mangale ma titi tihohininga ahi gilaongo o Abarahaama.” Hokogea Ma Jou ai behehongo o Isakika.

Dodadi 39:5

De ka de ma wange gea o Yusupu wodadioka wohibaluhu ai tau ma hiaturu mata-mataika de Ma Jou o Yawe duru wihiowa o Potifarika mangale ma titi Ma Jou duru widuhunu o Yusupika. De hiadono o Potifara de ai duduhunu de manga karajaanga mata-mataika ai tau ma goronaka gea Ma Jou wahikokiowa. De wohiowaoo ai redi mata-mataika la ai joro enangoo ikutufuru de hiadono ai aewanioo duru ifaa-faatuku.

Higiriiri 105:14

Masara Ma Jou o kokoano gea ko wahigunoaua la ai nyawa yahikangela, Hiadono Ma Jou watemo o kokoanoika gea de ai hitiari onangika, De ai nyawa wademo done ona abe duru de manga buturungu yahikangela.

Yohanese 11:14

Ko yomangaratiiua ho gea o Yesusu ka wahiree-reeika onangika wato, “O Lasarusu wohonengokau!

Yohanese 11:16

De o Tomasa, abe iwihiromangoli o Hago, una wotemo ai dodiawoika wato, “Hosobo, Una hiniiki la ngoneoo homahidohonenge de Una.”

Yohanese 11:4

De gea manga hingahu o Yesusu woihenoka de ahao Unangoli wohidingoto ai demo onangika wato, “Ngaro iwigogama nia iranga gea masara ko wohihonongaua hiadono wohonenge. De angamoi o panyake abe iwidaene la ahao idadi Ma Jou ai buturungu wahimatoko o nyawaika hiadono iwigorakiye. De Ma Jou ai Ngofakoo ahao Unangoo iwigorakiye ma titi to Unangoo ai kuaha ilaku.” Hokogea o Yesusu ai babaluhu ma demo.

Yohanese 12:30

De o Yesusu wahingahu onangika wato, “O demo gea ko ma titiua la ihiduhunu Ngohi masara la iniduhunu ngini.

Yohanese 17:19

Ho Baba, ma titi ona hiadono Ngohi naa tomahidoaka la duru tomahitaana tomatingakoka Ngonaika. De hokogea Ngohi la onangoo yomahidoaka abe manga wowangoka yomahitaana yagou-goungu ani mau yaniiki.”

Yohanese 2:11

O heheranga naa o Yesusu wodiai o Galilea ma tonakoka abe o Kana ma kapongoka. Genangoka wohititi ai dodunguu, abe yahiheranga o nyawa, la onangika womahimatoko ai medebini ma dararono. De o Yesusu iwinii-niiki manga ngongaku ikokidogoli o Yesusika.

2 Korintusu 4:15

De ngomi naa mia kangela de mia bodito ka mimatongohono la genangino de ngini niamake ma utumu. Abe nako ngomi ka miahingahu-ngahuohi ai Abari ma Rorahai hiadono Ma Jou ai hininga ma owa utuohi ihikabarihi o nyawa-nyawaika, gea ahao to ona manga tarimakase Ma Jouika ka idogo-dogo hiadono duru iwihigiriiri Unangika.

2 Timotiusu 2:10

Ho mangale ma titi gea ai Demo-demo ka ihikaika itagi de imahora o nyawa manga ngoe-ngoeika hiadono ngohi naa ngaro ihihikangela nenangoka ma gea ka idadi takunu tomatongohono dika. Abe ngaro ahi kangela o kia dika taohana masara tomatongohono de ahi hininga ma miriidi angamoi gea tohioriki abe ahao o nyawa manga ngoe yamake manga utumu ahi kangelaino. Abe naga Ma Jou ai nyawa manga ngoe abe Una woigo wato ahao ona yamake manga hiowa mata-mata Unangino ma titi manga gogao o Yesusu Kristusika. De gea hiadono ona ahao yogogere hoimoi Unangoka ai medebini ma dararono ma ngioka. De ai nyawa gea ka idadi Ma Jou wahiowa ma titi abe naa ihihikangela, ho ngohi duru ka tosanangi dika tomatongohono nenangoka.

1 Yohanese 5:13

De ahi hurata ma demo mata-mata naa tinihidingoto nginika abe niwingaku Ma Jou o Ngofaka ai romangika. De tinihurata nginika la tato ahi demoino gea de ngini ka idadi duru nihioriki de nionganono abe o wowango ka hiado-adonika ngini niamakeoka.