Yohanese 11:11 - Ma Jou ai Demo-demo o Totobelohoka

¹¹ Hokogea o Yesusu wotemoka de ahao wahingahu onangika wato, “Nanga dodiawo o Lasarusu womaiduoka. Masara naa Ngohi toiki unangika la titumomiki.”

Yohanese 11:11 ပူးပေါင်းရင်းမြစ်များ

2 Kokoano 4:31

De o Gehasi una wohira woiki de angamoi duru womataiti ka hiadono woboa to muna ami tauika de o Elisa ai tutukunu wakelengauku o ngofaka ai himangoka. Masara ngaro duru waniiki o Elisa ai hiaturu unangika ma, ko kia-kiaua idadi. Ho una wagilio ma ngekomika de ahao yomakamake o ngekomoka de wihingahu o Elisaika wato, “Ma ngofaka gea ngaro todiai duru imaketero hoka nohihibehehongoka masara una ko womomikua!”

2 Tawari 20:7

To ngomi mia Jou, ngomi naa duru mimahihohininga ma titi mia tonaka naa abe Ngona nomihidailakoino. Abe gea Ngona ma dihiraino de naduhu o tonaka ma dutu abe yogogere nenangoka hiadono nahihupu ani tonakino naa. Hokogea nomihidailako mia tonaka abe ena mata-mataika nomihidoakoka ngomino o Isiraele ma nyawaino abe nomihidadi to Ngona ani nyawa. Ngona duru ma dodihiraka nihibehehongoka ani dodiawo o Abarahaamika nato o tonaka naa idadi to una ai totoforauku manga tonaka ka hiado-adonika.

Huhupu 33:11

De doka ma goronaka Ma Jou o Yawe witemo o Musaika yomarihimanga imaketero o nyawa abe duru yomaketedodiawo yomakoketemo. Gea yomakoketemo ibooto de ahao o Musa wolio manga dodogumu ma ngi ma goronaika. Masara o Musa ai duduhunu o Yosua, abe una gea o Nuunu ai ngofaka, una ko wolioua. Ho una ka ihikaika genangoka dika womagoo-gogere abe ko wanoaua o tau o ngoerino abe genangoka o Musa de Ma Jou yomakamake.

Matiusu 27:52

De ma oraha gea o nyawa manga ngoe manga lungunu ifelengaka. De ona abe ma dihiraino de yodadioka Ma Jou ai nyawa, ona manga ngoe Una wahimomiki manga hone-honengino ma oraha gea.

Matiusu 9:24

De ona gea o Yesusu wamake de ahao wahuloko ona mata-mataika wato, “Ngini nikokihupuoka ma tauoka naa! Angamoi o ngofeka naa muna ko mohonengua, masara ka imikiookoka dika.” De ona manga ngoe genangoka ka de yoihene o Yesusu ai demo gea de iwigie-giete dika Unangika.

Maruku 5:39

De o tau ma goronaika wowohama o Yesusu de watemo onangika wato, “Ma titi o kia hiadono naa ma gigoro de adodoa ho ngini ka niari-ari? Muna gea ko mohonengua, masara ka imikiookoka dika.”

Yohanese 11:10

Ma nako o nyawa abe ko yahitararonua de Ma Jou ai mau, gea imaketero hoka yotagi-tagi o fufutuoka ho o kiahonanga ka yoduhuputu.”

Yohanese 11:12

De ona o Yesusu iwitobaniiki yotemo ato, “Nako womaiduoka ahao itaiti wotogumu.”

Yohanese 11:13

Masara o Yesusu ai demo gea ma titi o Lasarusu wohonengoka. De ona iwitobaniiki yataoko ihowono ai demo abe ona ato bote ai demo ma titi ka iwikiookoka dika.

Yohanese 3:29

De ahao o Yohanese womahiketero iwitobaniikika hokonaa, wato, “Naga o nauru yahinooto duru yomaketedodiawo de womatengo de ai darunoka. Ma gea ai dodiawo ko witaleanua, ma ka wogarago dika hiadono una wohikaaturu la ai dodiawo ai gogilaka idadi. Una wohioriki ma ngofeka gea ko to unangua. Una ai karajaanga wohiatu-aturu dika. Abe ai dodiawo womitarunu, una dika ka idadi womile la womahitouna ai darunu gea. Ho ai dodiawo wohira woiki o gogilaka ma ngiika la wohiaturu la una woila-ilaka gea woboaino womile. Ho ma hiaturu ibooto de ahao woila-ilaka woboa. Ho una de ai garago ma demo wato, ‘Tomamakeoka, ngohi fekata!’ Ka de o demo gea ai dodiawo woihene de unangoo duru wogarago.” Hokogea o Yohanese womahiketero ho wato, “De duru imaketero hoka woila-ilaka ai dodiawo gea de ai garagoka, ngohioo duru ahi garago ingodumu ma oraha naa.

Hidingoto 7:60

De ahao una watilabukuku de waamo-amokiye wato, “Ahi Baluhu, togahoko la manga howono naa ngohino Ngona naapongo dika!” De hokogea wotemo ibooto de una wopahaka.

1 Korintusu 15:18

De nagali ona abe iwingakuoka o Kristusika de ahao ika-ika yopahaka. Nako igoungu ona ko yomomikua, gea ona yahihanga ka hiado-adonika. Masara ngone hohioriki abe ona ahao yomomiki manga honengino, ho hohiorikoo abe ona gea ko yahihangua ka hiado-adonika.

1 Korintusu 15:34

Ho naa ngohi tinihitiarioli tato, “Ngini kiani nilioli ma totiaiika de ibootohi niahowono.” Angamoi nagahi nginioka inimuruono naga abe ko iwihiorikuahi abe Ma Jou Una gea ka idadi ai nyawa ahao wahimomiki manga honengino. De gea tinihiree-reeika dika la tato ngini tinihimaleke.

1 Korintusu 15:51

Masara abeika, naa o dogogono moi tinihingahu nginika abe hokokia ka idadi hohapongo dakuiye. Abe ngone hingaku-ngakuoka, ko ngone mata-mataikaua hohonenge, masara nako to ngone nanga badanga, gea mata-mataika ahao waturuuru.

Efesusu 5:14

De gea imakiniiki de o demo ma dulu moi abe itemo ato, “De ngini abe nia giooko ma goronakahi de gea kiani nimomikiye! De abe ngini nihonengoka kiani ngini nimomikiye nia honengino! La gea ka idadi o Kristusu ai dararono inihitawange nginika.” Hokogea o demo ma dulu. Ho gea ma titi hiadono ngini nia wowangoka kiani o dawange ma wowango nimaaduru.

Higalioli 31:16

Womahimatoko de ahao Una witemo o Musaika wato, “Ngona naa enohonenge, de ngona nopahaka de ahao o Isiraele ma nyawa naa yomulaenge yomahirehene la ka yanii-niikoli o jou-jou ma homoaika. Abe ona ahao yowohamika ma tonakika gea de ipahaino de yomahijou o nyawa utu genangoka manga jouika. De gea ona ahao ihioluku Ngohi de ka yawohangika ahi behehongo ma demo abe ma dihiraino de mimahiketehibehehongoka ona de Ngohi.

1 Tesalonika 5:10

Abe Una gea wohonenge la ngone de Una ahao homakutuono homahidogogere o ngi moioka. Ho ma oraha gea ngaro ngone ka howangohi ma wange gea abe woboali de wonagoraka, eko ngaro hohonengoka, ma, ngone mata-mata wonakokigoraka la hokokigogere Unangoka.

Yakobusu 2:23

De ma dodihiraino naga ihitulihukuoka Ma Jou ai Demo-demoka ato, “De gea o Abarahaama wingaku Ma Jouika ho Una wietongo wato una duru wototiai Ma Jou ai himangoka.” Hokogea ihitulihukuoka, de ipahaino de o Abarahaama wonahimatoko ai datorino abe ma demo ma dodihirainohi gea duru igou-goungu. De hongoli Ma Jou ai Demo-demoka de iwihiromanga o Abarahaamika ato Ma Jou ai dodiawo. De hokogea ahi babaluhu de ahi hitararono onangika abe manga hininga la ato iti o nyawa yomahingahu ma titi manga ngongaku de gea dika yawedono la Ma Jou waduhunu manga howonino.