Yohanese 10:41 - Ma Jou ai Demo-demo o Totobelohoka

⁴¹ De ahao naga o nyawa ko manga ngoe yokokiboaino o Yesusu ai ngiino gea. De ona abe yoboaino yomakoketemo ato, “O Yohanese ko wodiaiua o dodunguu abe inahiheranga. Masara Una naa ai dodunguu ma ngoe ho duru igoungu o Yohanese ai demo mata-mata abe ma titi o Yesusu Una Ma Jou ai Mesia.”

Yohanese 10:41 ပူးပေါင်းရင်းမြစ်များ

Matiusu 14:2

De ma abari gea woihenino de o Herodese wotemo ai nyawaika abe iwitobaduhunu wato, “Bote Una gea o Yohanese Wotobaohi-ohiki abe titomaka ho ai honengino womomikoka! De gea ma titi hiadono naga ai kuaha la wapoa wodiai o heheranga.”

Maruku 1:37

Ka de iwimake de yotemo o Yesusika, ato, “Mia Baluhu, marai naga o Kapenaumu ma nyawa mata-mata inikokilingiri.”

Lukasa 12:1

De ma oraha gea ona abe yoboa o Yesusino duru yodogo-dogo hiadono duru yosana, ho ona gea yomakodoko manga louuku angamoi yomahideefotinoholi. De Una womulaenge wotemo iwinii-niikika de wahitiari wato, “Ngini kiani nihidodiai o Farisi ma nyawa manga hininga abe gea tohiromanga to ona manga ragi, angamoi done manga hininga gea imahora nginika de inihirehene genangino. Abe ahi demo gea ma titi kiani nihidodiai ma titi to ona gea manga hininga angamoi ona yomadokangeluku dika ato yomahinganono Ma Jouika masara tanu ko Unangikaua manga hininga itagi. Ho iti ufa ngini nimaaduru abe hoka onangoli manga hininga.

Lukasa 5:1

De o wange moiukuoli o Yesusu naga o Genesarete ma akere ma ngooto ma ngigorino, abe ma ngooto gea naga ma romanga hinooto, de abe moioli ma romanga o Galilea ma akere ma ngooto. De Una naga ma ngigorino wahingahu-ngahu Ma Jou ai Demo-demo o nyawa yowoe-woeika. Masara ona iwihideefotino la ka idadi yotoihene ai demoino.

Yohanese 1:27

Una gea ahao wohihidoduruino de Unangohi wokurutiye ho hiadono ngaro ngohi todadi o gilaongo abe totobahupu-huputu o nyawa manga sandaala masara nako to Una ai sandaala, ngohi ahi dodipokouku hiadono ko tomoroinua tahuputu.” Hokogea o Yohanese womahitararono.

Yohanese 2:11

O heheranga naa o Yesusu wodiai o Galilea ma tonakoka abe o Kana ma kapongoka. Genangoka wohititi ai dodunguu, abe yahiheranga o nyawa, la onangika womahimatoko ai medebini ma dararono. De o Yesusu iwinii-niiki manga ngongaku ikokidogoli o Yesusika.