Yohanese 10:24 - Ma Jou ai Demo-demo o Totobelohoka

²⁴ Ai dodagi ma goronaka de o Yahudi ma nyawa yamuruono naga iwimake ho yoboa de iwihigilolitoka. De ahao iwileha o Yesusika ato, “Adodoa ho naa ma dekanino Ngona nomihipongonohi ma titi ma gou-goungu abe Ngona igoungu o Mesia eko ko o Mesiaua? Kiani de ani demo ma gou-goungu nomihingahu ngomino la ufa hiadono miataoko ani demo ma titi ko itiaiua.”

Yohanese 10:24 ပူးပေါင်းရင်းမြစ်များ

1 Kokoano 18:21

Ka de yomatoomuinoka de ahao o Elia wakokihimanga de wataere onangika wato, “O Isiraele ma nyawa, hokokia ma dekanohi nia hininga hinootohi abe ma moi ma moi niato niwiniiki Ma Jou o Yawe de ma moi ma moi nihikokasapuru nimahuba o pangaoika. Ho ngini kiani nimaputuhu nimahuba-huba onagonaika! Nako Ma Jou o Yawe gea Una igoungu ti ngini nia Jou, kiani niwiniiki ka Una dika. Masara nako niato o Baala gea ti ngini nia jou, gea ena dika nianiiki.” Hokogea o Elia ai demo. Masara o Isiraele ma nyawa abe yomatoomuino genangoka duru yomarii-riidoka dika.

Matiusu 11:3

De gea ai lelehaino ma demo wato, “Sarakia, Ngona naa igou-goungu Una abe iwihiromanga Ma Jou ai Behehongo abe ma dodihiraino Ma Jou womihibehehongokau? Ekola ko Ngonaua? Angamoi nako hoka Ngona ko to Unangua ai Behehongo, bote koaho womatengoli ngomi wiwilingiri abe Una wodadi ma Behehongo Ma Jouino.” Hokogea to Yohanese ai leleha o Yesusika.

Maruku 8:32

Ho o Yesusu ai demo ma titi gea duru wahitararono onangika la duru ihioriki hokokia ahao idadi Unangika. Masara o Peturusu woboa Unangino de ka wihirehenika ma hohutulu de witaere o Yesusika, wato, “Ahi Baluhu, duru ko itiaiau ma datoro gea idadi Ngonaika!”

Lukasa 3:15

De o nyawa utu genangoka duru yongano-nganono de iwidodamaa de manga hininga ma gahumu ma titi Ma Jou ai behehongo abe ma dodihirainohi de Una wohibehehongoka wato ahao ai Mesia gea wihidingoto naa o duniauku. De naa o nyawa manga ngoe yomaleha-leha manga hiningaka ato, “Marai una naa o Yohanese una bote wodadi to ngone nanga Mesia abe Ma Jou wonahibehehongoka?” De ona utu iwileha unangika la ato iwihioriki gea una eko koua.

Yohanese 1:19

De ma moiuku o Yahudi ma nyawa manga hohidimono abe yogogere o Yerusaleeme ma kotaka, yahidingoto manga hidemo Ma Jouika yamuruono naga la ona o Yohanese iwitutumu. De naga o hidimono utu onangoo o Lewi ma dutuino abe yahidingoto la to ona manga leleha ma demo yadofanga o Yohanesika. Ho ona yotuono yoboa o Yohanesino de iwileha unangika ato, “Hobata, ngomi naa mimahilooahi, mitotaka mia hidimono manga leleha la ka idadi ngomioli miadofanga onangikali ani bobaluhu ma demo. De hokonaa dika mia gianongoru minileha, ‘Ngona naa nomahingahu ngomino nodadi onaguna? Sarakia, ka idadi nomihingahu ngomino?’”

Yohanese 10:31

Ka de o Yesusu ai demo gea yoihene wato, “Ngohi naa de o Baba ngomi hoimoi,” de o Yahudi ma nyawa gea ma moioli o hakaru yagorakino la ato iwihakaru hiadono wohonenge.

Yohanese 10:33

De ona yopaluhu ato, “Koua, ko ma titiua ani heheranga masara, ma titi ani ngelo angamoi Ngona duru o nyawa biaha dika ma gea ani demo hoka nomahidadi Ma Jou. Hokogea Ngona ningelo Ma Jou ho gea ma titi hiadono kiani nohonenge.” Hokogea ona ihititi la ato o Yesusu iwitoma.

Yohanese 16:25

De o Yesusu womahingahuohi ona iwitobanii-niikika wato, “Ngaro Ngohi ma dihiraino ma ngoe o hiketero de o demo ma dulu tapake, ma itigioka ma oraha de o hiketero ko tapakeokaua la tinidotoko nginika. Ho ahao tinihingahu ma titi ahi Baba de tapake dika o demo abe duru igapanga niataoko ma titi.

Yohanese 8:25

Ka de gea o Yesusu wotemo ibooto de ona iwiribuutuohi ato, “Kiani nomihingahu itiai abe ngona naa onaguna.” De o Yesusu wapaluhu onangika wato, “Tato bote naga ka ma dihirainohi tinihingahuoka abe ma titi Ngohi naa, de hiadono ma oraha naa de ka ihikaika tohigali-gali tomahingahu nginika.

Yohanese 8:53

Nako hokogea ani demo miataoko ma titi hoka nako ngona de o Abarahaama, ka ngonahi nokurutiye. Mode ngona onaguna hiadono notemo hokogea? Angamoi o Abarahaama wohonengoka de hokogenangoo Ma Jou ai uru ma dodofanga.”

Yohanese 9:22

Hokogea dika ai dimono yopaluhu angamoi yamodongo manga hidimonika. Yamodongo onangika angamoi ihioriki o Yahudi ma nyawa manga hidimono gea yoputuhoka ato onagona dika yotemo ato, “O Yesusu Una gea o Mesia,” gea ona ko yahigunoakaua yowohama manga dodotoko ma tauika.

2 Korintusu 3:12

De mangale ma titi nanga behehongo ma hungi naa duru ikurutiye de abe nanga nganganono enangika duru ko ikelu-kelua, ho ngomi ka idadi duru mitomoroini mia tagongo mihidagi.