Yohanese 10:22 - Ma Jou ai Demo-demo o Totobelohoka

²² De adonoka ma oraha o maata de o Yerusaleeme ma kotaka naga o rame-rame moioli ma romanga Ma Jou ai Tau Iwidingakoka ma rame-rame abe yomahohininga ma oraha Ma Jou ai Tau iwidingakoka Unangika ho ma titi gea ihirame-rame.

Yohanese 10:22 ပူးပေါင်းရင်းမြစ်များ

2 Tawari 7:5

De o Saloomo wahihuba to una ai hapi ma ngoe hiadono o sana monaoko de hinooto, de to unangoo ai domba wahihuba ma ngoe hiadono o sana o ratuhu moi de monaoko. De ona yahihuba hokogea la Ma Jou ai Tau gea ihitunguu abe ena iwidingakoka Ma Jou o Yaweika.

Esara 6:16

De o Isiraele ma nyawa abe ma dihira manga musu yao o tonaka utuika de ma oraha naa naga manga hou abe onangoo yokokilioka manga tonakino. Ho ona de manga gogianongoru abe yohira yolio, de manga hidemo Ma Jouika, de o Lewi ma nyawa utu yoahumu, ona mata-mata yomatoomuino. De manga doomu ma titi la gea Ma Jou ai Tau iwidingaka Unangika. Ho ona duru de manga garago ma gahumu yorame-rame.

Maruku 3:22

De o tau ma goronaka gea abe o Yesusu naga genangoka de naga ona yotobadoto-dotoko o Musa ai Paretaino yoboa o Yerusaleemino de onangoo iwihiade-ade o Yesusu ato, “Una gea iwibare-barenoka o tokata ma hidimono. Ho gea ma titi hiadono Una wakunu wohititoko o tokata ma dorou, angamoi o tokata ma hidimono iwihidoaka to ena ma kuaha Unangika! Abe ma hidimono gea ihiromanga o Beelsebulu.”

Yohanese 10:21

Masara naga utu yomaketetaere ato, “Iya gea, masara to Una ai demo imakohowono de abe yakitokata manga demo. De sarakia, ka idadi o tokata idiai hiadono o nyawa yorafioka de ka idadi yomahioriki? Koua, o tokata ko idadiua idiai hokogea.”

Yohanese 10:23

Ho o Yesusu naga genangoka Ma Jou ai Tau ma honongaka abe ihiromanga o Saloomo ma punga, de genangoka wotagi-tagi o Yesusu.