Yohanese 10:20 - Ma Jou ai Demo-demo o Totobelohoka

²⁰ Abe naga manga ngoe yotemo ato, “Ou, Una gea iwikitokata, abeika, iwitogohangoka ho ngaro ibootohi hihigihene.”

Yohanese 10:20 ပူးပေါင်းရင်းမြစ်များ

Yesaya 53:8

De o hone-honenge dika abe ka idadi iwihihupu una o hohowono ma kangelaino gea. De una ko iwahi ai ngofaka de wohonengoka ho ko iwa ai dano-danonguku manga ade-ade. De abe o duniaka ma wowango, to una gea o nyawa yatoakoka. De gea wohonenge ma titi o nyawa manga howono abe to ngohi o Yesaya ahi gogianongoru mata-mataika yatilakurokau Ma Jou ai paretaika.

Matiusu 11:18

Angamoi nengokadau abe ma oraha o Yohanese woboa de to una ai hininga ma dumutu ko o rame-rameikaua ho una ko wokerua o angguru ma gohaka ma teongo de ma ngoe wopuaha dika ho ko wolo-olomua. Masara ngini naa nia hiningaka niato o Yohanese ai wowango ufa womahihuha hokogea masara koaho wogogarago dika, de genangino nihititi la niwioluku una. De gea hiadono niwitaere unangika niato, ‘Una gea iwikitokatoka.’

Matiusu 9:34

Masara nagali o Farisi ma nyawa genangoka de ona iwingelo o Yesusika de yotemo ato, “Aa! Una gea ma titi moi dika hiadono ka idadi wohititoko o tokata o nyawaino, abe gea ma titi to Una ai kuaha iboa o tokata ma hidimonino!”

Maruku 3:21

De ma oraha gea o ngi moiokali naga o nyawa utu iwihiade-ade ma titi o Yesusu abe ona ato, “Una gea iwitogohanga!” Ho ka de o Yesusu ngoi meme de ai gogianongoru yoihene manga hiade-ade gea de yosobo yoboaino la ato iwile o Yesusu.

Yohanese 7:20

De ahao ona yomatoomuino genangoka iwipaluhu o Yesusika ato, “Ei! Marai inikitokata ngona! Onagona ato initoma?”

Yohanese 8:52

Ka de hokogea o Yesusu wotemo de o Yahudi ma nyawa iwipaluhu Unangika ato, “Gea ho itaana ngona naa inikitokata! Ani demo hokogea de minihiorikoka! O Abarahaama wohonengoka de Ma Jou ai uru ma dodofangoo yokokihonengoka. Ho mode sarakia hiadono ngona naa nomihingahu nato nako o nyawa inihigihene gea ko yohonengua?

Hidingoto 26:24

De o Paulusu ka wotemo-temohi ai gogiriaka de ka itodokanino de ma gubernuuru o Fetusu waamo-amokiye wato, “Paulusu, ngona naa initogohangoka! Abe bote ngona nomadotokoholi ho hiadono duru initogohangoka naa!”