Yohanese 1:40 - Ma Jou ai Demo-demo o Totobelohoka

⁴⁰ Ona yahinooto gea o Yesusu iwiniiki angamoi o Yohanese wahingahuokau, wato o Yesusu Ma Jou ai huhuba ma domba abe ka o ngofakohi. De abe yahinootoino gea, naga womatengo ai romanga o Andareasa, una gea o Peturusu ai dodoto. O Peturusu una gea abe ai romanga hinooto, ho moi ai romanga o Simono.

Yohanese 1:40 ပူးပေါင်းရင်းမြစ်များ

Matiusu 10:2

De naa ona yangimoi de yahinooto manga roma-romanga abe o Yesusu wairiki de wahitagongo la yodadi to Una ai hidingoto ma nyawa. Abe una wohira-hira gea o Simono abe iwihiromangoli o Peturusu. De ahao naga o Andareasa abe o Peturusu ai dodoto, de ahao nagali o Yakobusu to Sebedeusu ai ngofaka, de nagali o Yohanese abe to Yakobusu ai dodoto.

Lukasa 5:1

De o wange moiukuoli o Yesusu naga o Genesarete ma akere ma ngooto ma ngigorino, abe ma ngooto gea naga ma romanga hinooto, de abe moioli ma romanga o Galilea ma akere ma ngooto. De Una naga ma ngigorino wahingahu-ngahu Ma Jou ai Demo-demo o nyawa yowoe-woeika. Masara ona iwihideefotino la ka idadi yotoihene ai demoino.

Yohanese 1:39

De o Yesusu wopaluhu onangika wato, “Ka idadi nihiniiki naa la nihioriki.” De yahinooto gea iwiniiki o Yesusu ho yomahiadonoka ai ngiika. Gea yomahiadono o bimaowaka abe o takoro iata. De o wange gea yomahidogogere genangoka de o Yesusu.

Yohanese 2:2

Abe o gogilakino manga baluhu manga hiaturu la o Yesusu de ona iwitobaniiki onangoo yahokino la manga gogilaka ma rame-rame yaniiki.

Yohanese 4:33

Ho gea ona yomakokeleha ato, “O marai naga o inomo iwidotakoka o nyawa, eko sarakia?”

Yohanese 6:8

De iwitobaniikino naga to Simono Peturusu ai dodoto, ai romanga o Andareasa, de o Andareasa gea wihingahu o Yesusika wato,

Hidingoto 1:13

De yomahiadonoka manga dodogumu ma tauika de yodoa ma lape hinootoiye angamoi genangoka manga ngi. De manga doomuoka gea naga o Peturusu, de o Yohanese, de o Yakobusu, de o Andareasa, de o Filipusu, de o Tomasa. De nagali o Batolomeusu, de o Matiusu, de o Yakobusu to Alefeusu ai ngofaka, de o Simono abe una o Seloto ma dodoomuino ma nyawa, de nagahi o Yudasa to Yakobusu ai ngofaka.