Yohanese 1:39 - Ma Jou ai Demo-demo o Totobelohoka

³⁹ De o Yesusu wopaluhu onangika wato, “Ka idadi nihiniiki naa la nihioriki.” De yahinooto gea iwiniiki o Yesusu ho yomahiadonoka ai ngiika. Gea yomahiadono o bimaowaka abe o takoro iata. De o wange gea yomahidogogere genangoka de o Yesusu.

Yohanese 1:39 ပူးပေါင်းရင်းမြစ်များ

Sosawaro 8:17

“Ngohi o ngo Sosawaro duru tadora o nyawaika abe to onangoo manga dora ilamoko ngohino. De onagona dika abe de manga hininga ma gahumu yolingiri o sosawaro ma gou-goungu, ahao ona gea yamake manga sosawaro.

Lukasa 24:29

Masara ona duru iwihigaro Unangika ato, “Ngomi duru migahoko la naangoka dika nomanoa de de ngomi o futu naa, angamoi naa o bobimaowaka de itigioka ifufutu.” Ho Una womodeke de wowohamika la womanoa onangoka.

Yohanese 1:38

Ho o Yesusu wadogilioro de ona wamake iwihidoduruino de waleha onangika wato, “Hobata, ngini naa nialingiri o kia?” De ona iwipaluhu unangika ato, “Mia Guru, minileha dika, o kiaka ngona nogogere?”

Yohanese 1:40

Ona yahinooto gea o Yesusu iwiniiki angamoi o Yohanese wahingahuokau, wato o Yesusu Ma Jou ai huhuba ma domba abe ka o ngofakohi. De abe yahinootoino gea, naga womatengo ai romanga o Andareasa, una gea o Peturusu ai dodoto. O Peturusu una gea abe ai romanga hinooto, ho moi ai romanga o Simono.

Yohanese 1:46

Ka de gea woihene de o Natanele woleha wato, “Mode ka idadi hamake ma owa o Nasarete ma kapongino iboa?” De o Filipusu wopaluhu wato, “Irahai hosobo genangika la ngonaoo ka idadi nimake.” Ho yosobo ato o Yesusu iwitutumu.

Yohanese 4:40

Ho ka de o Samaria ma nyawa gea yoboa o Yesusino de duru yogahoko la iwitumungu genangoka, ato, “Mia Baluhu, nenangoka minitumungohi, wahiohi nogila-gila.” Ho o Yesusu womahidodogumohi onangoka o futu hinooto ai dekana onangoka.

Yohanese 6:37

Masara o nyawa mata-mata abe o Baba wohihidoaka Ngohino, de onagona dika abe yoboa Ngohino, ona gea duru ko moiua de ka idadi taoluku.

Himatoko 3:20

Abeika nitotoihene tomahiketero! Ngohi naga ti ngini nia tau homoi-homoi nia ngoranoka de tiniahoko tato towohama nia tau ma goronaika. De nako onagona dika yoihene ahi ilingi de gea ma ngorana ihibelenga, gea Ngohi towohamino la ona de Ngohi homakutuono holomo, abe gea ngone duru homaketedodiawo.”