Yohanese 1:32 - Ma Jou ai Demo-demo o Totobelohoka

^32-33 De o Yohanese waade-adeohi onangika wato, “Ma dihira ngohioo ko tihiorikuahi Una Ma Jou ai Ngofaka de ai romanga o Yesusu. De ngohi naa Ma Jou wohihidingotino naangino la o nyawa tahiohiki de o akere. De Una wohihingahuoo ngohino wato, ‘Ka onaguna dika nimake Ma Jou o Womaha widangi Unanguku, gea Una abe ahao o nyawa wahiohiki de Ma Jou o Womaha hiadono wangohama manga hiningaika.’ De ngohi timakeoka Ma Jou o Womaha daku o Horogaka de wauku wouti hoka o namodaara hiadono wigutiuku Unanguku de yomahidogogere moi Una de o Yesusu.

Yohanese 1:32 ပူးပေါင်းရင်းမြစ်များ

Yesaya 11:2

De Ma Jou o Yawe ai Womaha ahao womanoa unangoka de wihihira-hira, la una gea ahao duru wososawaro. Abe Ma Jou ai Womaha ahao wihiakunu unangika la to una ai hidee ka idadi wodiai de idadi irahai, de unangoo ahao ka idadi duru wihioriki itararono Ma Jou o Yawe ai hininga, de duru wihoromati Unangika de ai hawana ma horomati.

Matiusu 3:16

De o Yesusu wiohiki ibootino de Una o akeroka de wofareniye. De ka de wofareniye ma dudungoka gea de wamake abe o Horoga ifelenga de Ma Jou o Womaha wouti o Yesusuku abe hoka o totaleo o namodaara de iwidangiuku.

Maruku 1:10

Ho ka de o Yesusu o akeroka de wofareniye de duru ka itodokanino wamake o Horoga ifelenga de Ma Jou o Womaha wouti o Yesusuku hoka o totaleo o namodaara.

Lukasa 3:22

De ahao Ma Jou o Womaha wouti o Yesusuku abe hoka o namodaara de iwidangi Unanguku. De nagali o ilingi o Horogauku itemo ato, “Ngona naa ahi Ngofaka abe duru tonidora de duru tonidosanangi Ngonaika.” Hokogea idadi abe ma oraha o Yesusu iwiohiki.

Yohanese 1:31

Ma dihira ngohioo ko tihiorikuahi Ma Jou ai Domba gea onaguna, ma naa tihiorikoka. Abe ma titi ngohi toboa nenangino de tinihiohiki de o akere, duru ma titi moi dika, de gea la ngini o Isiraele ma nyawa, nginioo niwihioriki. Ho Una naa tinihimatoko nginika.”

Yohanese 1:7

Ma Jou wihidingoto o Yohanese o nyawaika la una wahingahu-ngahu onangika o dararono ma titi. De Ma Jou ai mau la o nyawa mata-mataika ihigihene de yangaku ai hingahu ma demoika.

Yohanese 5:32

Masara naga womatengo, Unangoo wohihingahu ma titi Ngohi naa, de gea Ma Jou o Baba de to Una ai demo gea duru igoungu.