Yesaya 8:14 - Ma Jou ai Demo-demo o Totobelohoka

¹⁴ De nako nomahinganono Ngohino de ahao ka idadi ngona nomahitatoko Ngohioka. Masara nako o Isiraele de o Yehuda ma nyawaika ahao ko hokogenangua. Angamoi onangika Ngohi todadi hoka o hakaru moi abe idadi o bebeleke o nyawaika hiadono yopeleke enangika de yoruba. De ona gea yoruba ma titi manga hininga ieteke Ngohino. De ngaro o Yerusaleeme ma kota ma nyawa masara onangoli hokogea manga hininga. De gea ma titi ho hiadono Ngohi ahao todadi hoka o modoi eko o bobenga onangika.

Yesaya 8:14 ပူးပေါင်းရင်းမြစ်များ

Higiriiri 11:6

Ho wadopuraraha onanguku abe ka idadi yahibinaaha. Wahidopuraraha de o uku de o uba itoka-tokara, De gea wahidataloko onangika de o hidaloko kohahauku. Hokogea manga dohata ma hasili yamake!

Matiusu 13:57

De ona iwihininga kuranga Unangika de hiadono iwioluku. De o Yesusu wotemo onangika wato, “Ti ngini nia hininga Ngohino ko toherangua. Angamoi ngaro Ma Jou ai uru ma dodofanga utuoli, masara o nyawa o kia-kiaka dika naga manga horomati onangika. Masara nako to ona manga nyawa abe yomahikapongo moi de de una, gea ona ko iwa manga horomati onangika. De ngaro manga dutuoo eko manga tauoka, ma onangoo ko iwa manga horomati Ma Jou ai uru ma dodofangika gea. Ho Ngohi duru ko toherangua abe ngini ahi kapongoka naa de ko iwa nia horomati Ngohino.” Hokogea o Yesusu ai dodaere ma demo onangika.

Lukasa 2:34

De ahao o Simeono wagahoko o Yusupu de o ngo Maria Ma Jouiye la wahiowa. Gea wahiowa ibooto de ahao womihingahu o ngo Mariaika wato, “Abeika notoihene ahi demoino. Angamoi o ngofaka naa Ma Jou wihidadi la wihidingoto o Isiraele ma nyawaika de ai hininga ma dumutu naga hinooto. Abe moi o Isiraele ma nyawa manga ngoeika ahao yamake o bobinaaha. De abe moioli to Una ai nyawa manga ngoe utuika yamake o duduhunu manga boditoino ma titi Una. De Una wodadi o dodunguu abe wonahimatoko ngoneino Ma Jou ai ngekomo. Masara ko manga ngoe ahao yalawana ma dodunguu gea hiadono iwioluku Unangika.

Roma 11:35

De imaketero hoka Ma Jou ai sosawaro de ai tobahioriki duru kohagurutiye, hokogenangoo to Una ai hininga ma dora la wonahidoaka ngoneino. Abe ai Demo-demoka de itemo ato, “Una gea o hidoaka mata-mata ma titi Unangoka, de ngaro o kia dika naga, masara gea duru ihira iboa Ma Jouoka de aino. Ho mode o nyawa onagona naga abe ka idadi iwihidoaka moi Unangika la manga hidoaka gea ihititi onangoka de aino? Gea duru ko iwa! Ho mangale ma titi ko idadiua hahidoaka moi Unangika, ho duru itararono abe Ma Jou duru ko iwa ai nagimi ngone o nyawaino.”

Yosua 10:7

Ho o Yosua de ai nyawa abe duru yotomoroini yoparangi, de ai tentara mata-mata yosoboka o Gigaloka la yaduhunu o Gibeono ma nyawaika.

1 Peturusu 2:8

De naga moiohi ai Demo-demoino abe imakiniiki de itemo ato, “Una gea hoka o hakaru abe idadioka o bebeleke o nyawaika de genangino de ahao ona yorubauku.” Hokogea ma dodihiraino ihitulihukuoka. De genangino inahitararono abe ma titi o nyawa manga hohowono nako ona ko yangakua Ma Jou ai Demo-demoika abe ma titi o Kristusu. Angamoi naga ma hitararono Ma Jou ai Demo-demoka abe inahitararono ma titi o Yesusu Kristusu Una gea Ma Jouoka de waino woboa. Ho onagona dika abe yoluku yangaku ai Demoika gea abe ma titi o Yesusu Kristusu, ona gea imaketero hoka Unangika iwipeleke de yorubauku hiadono manga hingounu ko iwa Ma Jouika. De ona gea ahao kiani manga hohowono yamake abe imaketero hoka ma dodihirainohi Ma Jou wahideeoka onangika. Angamoi gea Una wato nako onagona dika ko yangakua ai Demoika, ona gea ma bahauku de ahao manga hohowono kiani yakokimake.