Yesaya 6:6 - Ma Jou ai Demo-demo o Totobelohoka6 Masara gea de ahao ma serafa moi ka ihoho ngohino. De to ena ma giamoka naga o uku ma ngaboho moi abe agorakoka o huhuba ma ngioka de o kakatama. အခန်းကိုကြည့်ပါ။ |
Yesaya 6:6
14 ပူးပေါင်းရင်းမြစ်များ
De nagali hoka o aewani muruono naga ai aridatekoka, de ena gea ma romanga o serafa. De ma serafa gea homoi-homoiika naga ma gafuufu abobutaanga. Ho to ena ma himanga imatatoko de ma gafuufu hinooto, de to ena ma lou enangoo yatatoko de ma gafuufu hinooto. De nagahi ma gafuufu hinootohi ho genangino yapake la ka idadi ihoho.
De ahao o Harunu woiki o Haro-harongo ma Huhuba ma Ngiika abe naga Ma Jou o Yawe ai himangoka de waleino o uku ma ngaboho de wonoa ai manyanyi ma dudufuku ma ngiuku. Ho ai manyanyi ma dudufuku ma ngi waomanga de ahao waleino o manyanyi o okutu hinooto ma ngedere abe ma bounu duru ma rorahai. De ena mata-mata o Harunu wao de wowohama o Debi-debini ma Ngiika abe Ngohi Ma Jou tomadingakino doka o dadatoko o ngoerino ma honongaka.
De ahao o Musa wihuloko witataiti o Harunika wato, “Harunu, kiani ngona nomataiti nale ani manyanyi ma dudufuku ma ngi de genanguku nonoa o uku ma ngaboho o Haro-harongo ma Huhuba ma Ngiino. De ka de Ma Jou ai manyanyi natufuku de nomapopaata manga hidogoronaika la nomataiti nodiai manga howono ma dadamunu. Abeika imulaengoka, Ma Jou o Yawe ai ngamo ma amoko duru itagi manga hidogoronaka. Abe igoungu o hone-honenge ma panyake ma hohowono idadioka imahora-hora manga hidogoronaka.”
De o Yohanese wogila-gilali wotemo o nyawaika wato, “De ngohi naa tinihiohiki ka de o akere dika la genangino idadi o dodunguu moi abe ngini nitobaka de nianoaka ti ngini nia howo-howonino gea. Masara ko itedekanokaua de naga womatengo woboaino abe nako Una de ngohi, duru ka Unangohi de ai kuahaka ikurutiye. De ai kuaha hokogea ma gurutiye hiadono ngohi naa tamao abe ko takunua todadi to Una ai gilaongo, ho ngaro toigo tileleani Unangika masara tamao ko takunua angamoi to Una ai kuaha kohagurutiye.” “De igoungu ngohi tinihiohiki de tinihidumunu o akeruku dika, masara Una gea woboaino de ahao o gogohiki utuoli winihipake nginika. Abe ngini utu nia gogohiki ahao niamake abe winihingohama Ma Jou o Womaha ai kuaha ma goronaika, de naga ngini utuoli abe winihingohama o uku ma goronaika la nia hohowono niamake genangoka.”
Angamoi o malaekata mata-mataika, abe ngaro hokokia dika ma gurutiye ma to ona gea manga tagongo naga la iwileleani dika Unangika, masara ko ihikoanoua utuika. Angamoi ona gea hoka o womaha abe Una wahidingoto la ona yaduhunu o nyawaika abe manga hiningaka yosanangi yodafongo to Una ai duduhunu. Masara nako Ma Jou ai Ngofaka, Una gea ka idadi wokoano. Ho gea to Una ai Demo-demoino de hamake duru itararono abe nako to Ma Jou ai momalaekata de to Una ai Ngofaka, ma ka ai Ngofakohi duru wokokurutiye.
De naa ma titi moioli abe inahimatoko abe ka Ma Jou ai Ngofakohi wokurutiye nako de o momalaekata. Angamoi nako Ma Jou wahiromanga ai malaekatika, gea Una wato to Una ai kuaha wahidoaka jai-jai onangika ma oraha wahitagongo moi de wahidingoto la hokokia iwileleani Unangika. De gea duru imaketero abe hoka o hidaloko de o uku, angamoi enangoo ma moi ma moi idadi iputurungu de duru hamake to ena ma buturungu, masara ka de ipaha de duru ko iwaka ho ko hamaokaua. De ma titi genangoo ma naga ai Demo-demoka abe ma dodihiraino de hokokia wahiromanga onangika wato, “Ahi malaekata ona gea ihitobaleleani Ngohino, abe utu tahidadi hoka o hidaloko de tahidingoto abe ahi hininga ma dumutika, de utuoli tahidadi hoka o uku ma dokara la hokogea ona ihileleani.”
De nako ngone naa abe hingaku-ngakuoka o Yesusika, to ngone nanga huhuba Ma Jouika abe iwihisanangi hiadono waofi to ngone nanga howo-howono Unangika, nanga huhuba gea nanga Baluhu idodutu o Yesusu dika. Masara nako ona abe ka yaniikohi ma behehongo ihira-hiraika de ka yapakeohi de o aewani yomahihubahi Unangika la ato manga howono waofi, de ona gea ko yamakeua o hidoku moi to ngone nanga huhubaino.
ကြော်ငြာတွေ