Yesaya 6:4 - Ma Jou ai Demo-demo o Totobelohoka

⁴ De to ena ma ilingi duru ilamokiye hiadono to Una ai Tau ma ngorana de ma dibiingoka. De nagali o uku ma nofo ma amoko ai Tau ma goronaka hiadono duru aomangoka de ma nofo gea.

Yesaya 6:4 ပူးပေါင်းရင်းမြစ်များ

2 Tawari 5:13

De ona abe manga guguli yawuu-wuwu de ona utu abe yonyanyi, ona mata-mata duru yomakiniiki itiai ma ilingi abe manga higiriiri ma nyanyiangoka la manga tarimakase ihiboa ma higiriiri Ma Jou o Yaweiye. De nagali onangoo abe yarago-ragoho o totabua de yotobakuti o hitar, de abe o gogereenge ihikokaboha, de ona yomakutuono mata-mata de manga higiriiri ma demo Ma Jouiye hokonaa ma demo: “Mata-mata Ma Jouoka duru ma owa! To Una ai dora abe o nyawaika ko iwa ma baha, Masara ka itagi o nyawaika ka hiado-adonika.” Ka de hokogea yonyanyi de o lobi iwohama Ma Jou o Yawe ai Tau ma goronaika ka hiadono aomangoka de ma lobi gea.

Higiriiri 18:8

De nagali ma nofo abe ihupu to Una ai ngunungoka de aino, de ai uruino ihupu o uku ma dokara, de o uku ma ngaboho duru ma hau-hauku enangoo ihupu de ipuraraha dau o duniauku.

Huhupu 40:34

Ka de manga karajaanga mata-mata gea ibooto de naga o lobi ma lou iuti hiadono o Tau o Ngoerino gea atamunuku de ma lobi de Ma Jou o Yawe ai medebini ma dararono iwohama hiadono aomangoka Ma Jou ai tau ma goronaka de ai dararono ma meletongo gea.

Himatoko 11:19

De ahao daku o Horogaka ifelenga Ma Jou ai Tau ma hohailoa de gea ngohi ka idadi tamake gea ma goronaka naga Ma Jou ai Behehongo ma Peti, de ma peti gea idadi o hohininga abe ma titi to Una ai behehongo ai nyawaika. De ahao ka itodokanino de yoleletongo ma ngoeika de yokuruuhu duru yoliarika, de naga ma tonakoo ihikelu-kelu, de nagali o es ma awana ma dodogowini ipurarahuku dau o duniauku.

Himatoko 15:8

De ahao Ma Jou ai Tau duru aomangoka de o nofo ma titi Ma Jou ai medebini ma dararono de ai kuaha duru kohaamoko. De ma nofo gea imanoa ai Tau ma goronaka ka hiadono ai hohowono ibootoka. Ho ko moiua yahigunoa la yowohamika ai Tau ma goronaika ka hiadono o malaekata yatumidi gea o kokangela tumidi homoi-homoiika yogogopoakahi o duniauku. De nako ahao ai hohowono gea ingodu-ngodumoka o duniaka, gea de ahao ka idadi utu yowohamikali ai Tau ma goronaika.