Yesaya 57:17 - Ma Jou ai Demo-demo o Totobelohoka

¹⁷ “De igoungu ahi dohata duru ifae ma titi o nyawa manga horoodo ma dorou, ho tahohowono onangika de taporetika ma titi ahi ngamoino. Masara ngaro hokogea tadotoko o nyawaika masara ka hokogea dika yogila-gila manga pea ma dodogowini ho ko ihihingounua Ngohino.

Yesaya 57:17 ပူးပေါင်းရင်းမြစ်များ

Tobadotoko 6:9

Ufa hiadono ngone ka ihikaika nanga hininga yoigo la o kaya homahidogo. Masara koaho nanga hininga isanangi de ma kiahonanga o kia dika abe nagau nanga giamoka. Angamoi nako nanga hininga ma horoodo ka ihikaika itagi, gea tanu ko iwa ma titi, abe imakadaene hoka duru ka ma hoanino dika halegono.

Yesaya 56:11

De to ona manga horoodo duru ilamoko abe hoka o kaholi ma horoodo, de manga hafini ko itoa-toakua. De onangoo tahiketero hoka o domba ma gogoana abe manga sosawaro duru ko iwa hiadono ona homoi-homoi manga mau yahitihira, ho yomalingiri manga boriutumu homoi-homoiika.

Yeremia 3:14

Ho ngini abe tinihiromanga ahi ngofa-ngofaka nikokirehenoka ma homoaika, ma oraha naa de tiniahoko la nikokilio Ngohino. Angamoi Ngohi naa ti ngini nia Baluhu idodutu.’” Hokogea Ma Jou o Yawe ai demo o Isiraele ai nyawaika.

Yeremia 3:22

Ho naa Ngohi tinihigaro abe ngaro ngini nirehenoka masara toigo la nilio Ngohino. De gea ka idadi niboaino de ahao Ngohi tinihitogumu la ibootohi nirehene ma homoaika. De duru toigo la ngini nihitemo Ngohino niato, “Ngomi naa miboaka, de mimahitigi Ngonaika angamoi ka Ngona dika mia Jou o Yawe.” Hokogea ti ngini nia demo abe duru toigo toihene nia uruoka.’”

Yeremia 6:13

De Ma Jou wotemohi wato, “Abe to Ngohi ahi nyawa o Yerusaleeme ma kotaka naa ngaro o nyawa biaha de ka hiadono ona yokokurutiye masara mata-mataika yomalingiri manga utumu abe ka ihikaika yatobaelu-eluku de yatobarusi-rusi o nyawaika. De ahi uru ma dodofanga de ona abe o nyawa yahidemo Ngohino onangoo yotobaelu-eluku!

Lukasa 12:15

De ahao o Yesusu wotemo o nyawa mata-mataika gea wato, “Ngini nihidodiai de nimagoana la ufa nia hininga ma horoodo inihipareta nginika. Angamoi nanga wowango ko ihititiua abe nanga kiahonangoka de aino.”

Kolose 3:5

De mangale ma titi naga nia wowango ma hungi gea ho hiadono ngini kiani niahohonengoka nia badanga ma horoodo mata-mata abe naga nia wowangoka, angamoi gea o dunia ma wowangoka de aino dika iboa. Abe hoka nginioka o nyawa yomatengo de yomakitigi de abe ko manga fekatua eko manga rokatua. De ngaro naga nginioka nimahitorou, eko ngaro nia hininga ihauku ma dorouika gea. Eko nia hininga itula-tulaka naga, eko ngaro naga nia horoodo o kiahonangika, abe gea imaketero hoka nimahijou de o kiahonangika gea, ma, gea mata-mata abe tafetongoka naa kiani niahohonengoka la gea duru ko iwaka nia kokiwowangoka.

1 Timotiusu 6:9

Masara o nyawa gea abe o tiwi de o kiahonanga iwoe-woe yoohafi-hafini, ona gea ma ngoe manga horoodo ma bodo gea o tiwika yahihafi-hafini hiadono ona hoka o modoi yalikoka. De nako hiadono yataokino, gea de ahao manga wowango hoka ihidulungunoka de o kangela ka hiadono ona yobinaaha.

2 Peturusu 2:14

De to ona gea manga lako ka ihikaika imalingiri o ngo-ngofekaika la ato yomaidu de de ona, de ona o futu de o wange yahowo-howono dika ho ko ihoa-hoanua. De ona yahiata-atara o nyawaika abe ona manga ngongaku ka ikelu-keluohi la ato yahirehene o howonika. De ona yomadotokoka abe ma titi manga horoodo o kiahonangika ho hiadono duru ilaku manga wowangoka manga horoodo gea. Ho mangale ma titi to ona gea manga wowango ma datoro ma dorou mata-mataika ho hiadono Ma Jou kiani wahohowono de o koboto onanguku.

2 Peturusu 2:3

De abe ma titi ona yotobadoto-dotoko ko itiaiua, mangale ona gea duru yohafini o tiwika, ho ona gea ahao inirusi-rusi ngini ma titi manga dodotoko ma demoino la gea yomatiwi-tiwi dika nginioka. De gea manga demo ka yofeto-feto dika, de ko iwa ma titi genangino. Masara duru ma deka-dekanuku de Ma Jou waputuhokau abe ahao hokokia yamake manga hohowono, de manga bobinaaha gea ko wawohangua masara ka itigi moduku. Ho ngini ufa niahigihene onangika gea.