Yesaya 56:2 - Ma Jou ai Demo-demo o Totobelohoka

² Ho ona abe ihidodiai yaniiki ahi demo naa, ona ahao manga hiningaka yososanangi. Abe ona ka ihikaika yatobahingounu ahi demoino ho o Hiaini ma wangeoka de ko yatilakurua ho yoluku yokarajaanga ma wangeoka gea. De ona yomatumungu la ufa o datoro ma dorou yodiai. Ho ona gea abe manga hininga isosanangi.”

Yesaya 56:2 ပူးပေါင်းရင်းမြစ်များ

Higiriiri 106:3

De ngone abe ai behehongo hohingounu mata-mata ngone hogarago. De nanga gogao o nyawa utuika hapaliara duru irahai, De hoigo la mata-mata hodiai duru itiai Ma Jou ai himangoka.

Higiriiri 34:14

Ngini kiani duru nimakitingaka de ma dorou mata-mata. De abe nidiai itorou nitoba genangino de nimangali ma owaika, Ngini kiani ka ihikaika o dame nimahitihira nia wowangoka, Hiadono o hikadame nihidagi la nimakao irahai.

Higiriiri 37:27

De naa tinihitiari nginika abe ka nidiaiohi ma dorou, Kiani nitoba nia datoro ma dorouino de nimangali ma owaika. Abe iti nianiiki Ma Jou ai mau de nidiai abe Una wato itiai, De ahao niamake nia gogere iriidi nia tonakoka ka hiado-adonika.

Huhupu 20:10

Masara ka de adono ma wange tumidi de nia karajaangino nimahiaini. O wange ma tumidi gea Ngohi tomadingakoka ho nginioo kiani niodingakoka la nihitunguu nia horomati Ngohino Ma Jou o Yawe ti ngini nia Jouino. Ho ti ngini nia karajaanga nimahiaini ngaro ngini de nia ngofa-ngofaka o nauru de o ngofeka, de nia nyawa o duduhunu ngaro o nauru de ngaro o ngofeka, de nia aewani, de o nyawa ma homoaino abe yogogere nginioka, ma, ona mata-mataika kiani yomahiaini.

Huhupu 20:8

“Ngini kiani niohohininga o Hiaini ma wange nihikatingaka o wange utuino la ma wange gea nia horomati itagi Ngohino.

Sosawaro 4:13

Ho, ahi ngofaka ngona ka ihikaika nomahihohininga de napake ahi hingahu ma owa naa. Ufa ani dodotoko nenanga nanoaika masara kiani o dodotoko ma demo naa nogoana la ka ihikaika ilaku ani wowangoka hiadono ani wowango ihititi ahi dodotokoka.”

Sosawaro 4:27

Hokogea ka ihikaika nihidodiai nimangiriki ahi ngofa-ngofaka la ufa naga arihonongaino abe inihirehene nia hininga ma dodagioka de aino. Angamoi ka de nia hininga aniiki o hirehene ma ngekomo de nia louoo inihitagi de ma dumutu ma dorouika. Hokogea o Saloomo ai hiowa ma demo ai ngofa-ngofakika la duru wahitiari ma dorouika de wahigaro ma totiaiika.

Tobadotoko 7:18

Ho ngohi tato irahai ahi hitiari ma demo hinooto gea mata-mata hatobaniiki la nanga horomati itagi Ma Jouika. Abe ufa ma demo moi dika hasoika de abe moioli gea hamalaika.

Yesaya 56:4

Angamoi hokonaa Ngohi o Yawe ahi demo ma titi o nyawa gea, tato, Ngaro ona abe yamao ko kia-kiaua yadaene angamoi manga ngofaka ko iwa, masara nako ona gea yanii-niiki ahi behehongo ma demoika de gea manga utumu ahao tahidoaka onangika. Abe iti ona naga manga hingounu ahi paretaika ma titi o Hiaini ma wange ma hiaturu, de abe manga datorino yodiai abe ihihisanangi Ngohino, de yatobaniiki ahi behehongo ma demoika, de onangoo ahao yamake manga utumu!

Yesaya 56:6

“De abe ona ko o Yahudi ma nyawaua masara ihitobaniiki Ngohino de ihileleani, de yodora Ngohi o Yawe ahi romanga, onangika gea ka idadi tahiowa. Abe ona ko yatilakurua o Hiaini ma wange ma hiaturu masara yodafongoka to Ngohi ahi behehongo ma demoika.

Lukasa 11:28

De o Yesusu wopaluhu wato, “Iya, nagoungu, masara hongoli o nyawa manga sosanangi ilamoko abe yototoihene Ma Jou ai Demo-demoino de yatobaniiki enangika.”

Lukasa 12:43

“De nako ma dutu kiani wanoaikahi la woiki ai dodagioka, gea de wihitagongo ai duduhunika gea la una ahao wohiaturu mata-mata o tau ma goronaka. De nako ma duduhunu gea ai tagongo wao irahai ma oraha ai dutu ko iwiwa, ahao ma oraha ai dutu wolioino de wihidoaka ma utumu ai duduhunika gea ma titi ai karajaanga wao irahai.

Yohanese 13:17

De naa ngini nihiorikokau ahi behehongo gea ho duru niamake ma owa ma gou-goungino nako nimaketeleleani abe hoka tinihimatokoka.” Hokogea o Yesusu wahitararono ona iwitobaniikika.

Roma 12:9

De naa utuohi tinihigaro ma titi nia wowango Ma Jouoka. Abe ngohi tato ngini kiani nimakodora de nia hininga ma hohailoa ho ufa nia uru ma kaioka dika abe nimakodora. De kiani niodohata o dorouika, masara abe ma rorahai gea nimahigagaoika enangika la ka ihikaika gea dika nianii-niiki.

Himatoko 22:14

“De onagona dika abe manga howo-howono akokiofioka ho hiadono ona yotebi-tebinoka, ona gea yomaketero abe hoka o baju yafokaka ho duru iarehoka o baju gea. De ona gea duru de manga utumoka, angamoi ona yahigunoa la yowohama ma kota ma goronaika abe ma dadaduhu ma ngoranino yowohama, de gea yahigunoa la o wowango ma gota ma hofoko ka idadi yaolomo.